Спорт
Ф1 шампионатот може да се реши со протест – Волф: Ред бул се „губат“
Шефот на Мерцедес, Тото Волф вели дека одлуката на ривалите од Ред бул до медиумите да достават фотографии со кои се проблематизира задното крило на Мерцедес е „шокантна“ и покажува дека тие се „губат“ во борбата за титулата.
Ред бул подолго време тврдат дека задното крило на Мерцедес се „витка“ повеќе од дозволеното, а ФИА реши да воведе нови тестови пред Катар ГП трката, за да се осигура дека болидите се легални. По ова, Ред бул пратија фотографија на која тврдат дека се покажуваат „гребаници“ на крилото од преголемо движење, но Волф вели дека тоа се „глупости“.
|@MercedesAMGF1 retained their upper hand in final practice for the #QatarGP.
But are @RedBullRacing considering a protest over their rear wing this weekend?https://t.co/g2dneN0Uns #F1
— RaceFans (@racefansdotnet) November 20, 2021
„Шокантно, велите ги доставуваат до медиумите? Што гледате на овие фотографии? Освен некои работи кои се изгребани, нема ништо друго. Не знам што сакаат да постигнат. Дали ќе протестираат? Не знам што ќе направат, бидејќи не им ја следам логиката, очигледно се губат. Ние се фокусираме на нашата работа и ни треба добра трка. Тоа е најважно“, вели Волф.
Шефот на Ред бул, Хорнер на „Скај спортс“ ја објасни контроверзната фотографија.
„Сивата област е местото каде што долниот дел од крилото се трие, каде што се движело и виткало. Имаме повеќе фотографии од последните ГП трки на кои се случува ова и тоа не загрижува. Тоа е само еден дел од проблемот, нема да ги објавиме сите документи за протестот, туку ова е само пример за тоа што се случува и затоа имаат толку голема брзина на рамните делови. ФИА го има тоа, и има луѓе кои ќе го проверат тоа“, објаснува Хорнер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.