Карим Бензема ќе биде подготвен за градското дерби со Атлетико кое на програмата е овој викенд. Бензема го повреди мускулот, во саботата, на гостувањето во Сан Себастијан.

Францускиот напаѓач, го напушти теренот на почетокот на мечот, кој Реал го доби со 2:0. Првите прогнози беа дека Бензема ќе отсуствува неколку недели, меѓутоа лекарите се оптимисти дека тој ќе може да игра во дербито.

Бензема од почетокот на сезоната има одиграно 20 натпревари, постигнал 17 голови и забележал 12 асистенции.

Реал, вечерва, во Лигата на шампионите, ќе го пречека Интер.

Вечерва и утре ќе се одиграат натпреварите од последното коло во Лигата на шампионите. Клубовите ќе се борат за преостанатите пет места во нокаут фазата. Место во осмина-финалето обезбедија Ајакс, Баерн, Челси, Интер, Јувентус, Ливерпул, Манчестер сити, Манчестер јунајтед, ПСЖ, Реал и Спортинг.

Најинтересно во овие два дена ќе биде во групите Б, Е и Г.

Ливерпул ја освои Б-групата, а за второто место конкурираат Порто, Атлетико и Милан. Вечерва Порто ќе го пречека Атлетико, а Ливерпл ќе гостува кај Милан.

Барселона, во Е-групата, гостува во Минхен, само со победа ќе избори место во нокаут-фазата, во спротивно ќе зависи од резултатот што ќе го постигне Бенфика против Динамо Киев.

Вистинска лудница се случува во Г-групата. Сите тимови имаат можност да изборат осмина-финале.

По пет кола Лил има осум, Салцбург седум, Севилја шест, а Волфсбург пет бода. Во последното коло Салцбург ќе ја пречека Севилја, а Лил гостува во Волфсбург.

Група А:

ПСЖ-Клуб Бриж
Лајпциг-Манчестер сити

Група Б:

Милан-Ливерпул
Порто-Атлетико Мадрид

Група Ц:

Ајакс-Спортинг
Борусија Дортмунд-Бешикташ

Група Д:

Реал-Интер
Шахтјор-Шериф.

Роберт Левандовски не успеа да ја освои Златната топка за 2021 година. Престижната награда, седми пат во кариерата му припадна на Лионел Меси. Полјакот ја доби утешната награда за најдобар напаѓач во светот.

Напаѓачот на Баерн, во 2020 година, не беше награден, бидејќи „Франс фудбал“ поради пандемијата на коронавирусот не ја додели Златната топка. Според многумина беше фаворит и оваа година, но наградата замина кај Аргентинецот од ПСЖ.

Левандовски за полските медиуми признал дека бил тажен кога дознал дека нема да ја добие Златната топка.

„Нема причина да кријам дека бев тажен. Бев толку блиску, а се натпреварував со Меси…Тоа само покажува кое ниво успеав да го достигнам. Го ценам Меси, за се што успеал да постигне во кариерата. Но не разори тоа што не победив. Драг ми беше што таа недела не играв за Баерн“, рекол Левандовски, а потоа ја коментирал изјавата на Меси, кој изјави дека Левандовски во 2020 ја заслужил наградата.

„Неговите зборови ќе ми значеа нешто доколку почувствував дека се искрени. Сметам дека тоа беа празни зборови“.