Во јавноста се појавија неосновани тврдења дека Кристијан Ериксен изгубил свест и колабирал бидејќи неодамна примил вакцина против Ковид-19.

Овие информации ги објавија од клубот чиј дрес го носи тој, Интер.

„Тој ниту имаше коронавирус, ниту пак имаше примено вакцина против Ковид-19“, изјави Бепе Марора, директор на Интер.

Inter CEO Marotta: “Eriksen hasn’t had COVID and he hasn’t been vaccinated” all the idiots talking about this being an effect of the vaccine can shut up

— Siavoush Fallahi (@SiavoushF) June 12, 2021

Состојбата на играчот на данската репрезентација Ериксен е стабилна, откако тој на вчерашниот натпревар со Финска колабираше на теренот, а лекарската служба итно почна со реанимација.

Докторите го реанимираа повеќе од 15 минути, по што беше пренесен во болница.

Британскиот сервис Би-Би-Си им се извини на гледачите што ја гледале потресната сцена од борбата за животот на Кристијан Ериксен за време на преносот на натпреварот Данска – Финска, што го емитуваше оваа телевизија.

Многу обожаватели и гледачи ширум Европа ги осудија организаторите на преносот кои скоро цело време го снимаа онесвестениот Ериксен и неговата борба за живот.

Британската Би-Би-Си беше една од телевизиите што имаше директен пренос од „Паркен“, а го следеа милиони луѓе ширум светот.

Гледачите можеа да ги видат расплаканите играчи на Данска кои стоеа над нивниот пријател и соиграч, неподвижното тело на Ериксен во еден момент, како и лекарите кои со голем напор се бореа за неговиот живот. Дури и сите во еден момент мислеа дека нема спас за фудбалерот.

Вознемирувачки сцени го обиколија светот со молскавична брзина, а Би-Би-Си е една од првите ТВ-станици што испрати извинување, пренесуваат данските медиуми.

Фудбалската репрезентација на Англија со 1-0 на „Вембли“ ја победи Хрватска во стартниот меч од групата Д на ЕУРО 2020.

Победата на „Гордиот Албион“ ја донесе Рахим Стерлинг со погодокот во 57 минута, на додавање на Филипс од десната страна. Голгетерот на Сити бише покрај немоќниот голман Ливаковиќ.

Англија имаше повеќе од поседот на топката, а имаше уште неколку шанси за предвреме да го реши мечот.

Уште во 6 минута Фоден ја погоди десната статива од хрватскиот гол, а најсериозната шанса за 2-0 ја имаше капитенот Хари Кејн кој одблизу биеше високо над голот по одличната асистенција на Стерлинг.

Хрватите, пак, не создадоа ниту една посериозна шанса за погодок. Селекторот Златко Далиќ во вториот дел ја смени комплетната напаѓачка постава, но и тоа не донесе резултат.

„Коцкастите“ како да имаа подготвена тактика за 0:0 на „Вембли“.

Вториот меч од првото коло од групата Д меѓу Шкотска и Чешка на програмата е утре од 15 часот.