Спорт
Фановите во Њујорк едноставно не го трпат Новак Ѓоковиќ (видео)
Повлекувањето на актуелниот шампион на САД опен, Новак Ѓоковиќ од мечот од четвртото коло против Стен Вавринка поради повреда на рамото предизвика многу дискусии, откако дел од фановите го исвиркаа Србинот.
Но, покрај непочитувањето на навивачите, останува да фактот дека Ѓоковиќ се откажа додека губеше со 2:0 во сетови, за разлика од Роџер Федерер, кој никогаш нема откажано меч во кариерата.
16-кратниот гренд слем шампион Ѓоковиќ се мачеше со повредата во текот на целиот турнир, нп 32-годишниот Србин немаше никакви шанси против одличниот Вавринка, кој ги освои првите два сета со 6:4 и 7:5, а водеше и 2:1 во третиот сет пред повлекувањето на Ѓоковиќ.
Novak Djokovic has retired. Crowd boos. #USOpen pic.twitter.com/gaULqDl6CV
— Omar Moore (@thepopcornreel) September 2, 2019
Ѓоковиќ се обиде да ги игнорира свирежите, но им крена саркастично прст на патот до соблекуваната. Коментарите на социјалните мрежи воглавном се во поддршка на Србинот, велејќи дека ако продолжил да игра повредата можела да се влоши. Меѓутоа, дел од коментаторите исто така сметаа дека „Ѓоковиќ се повлекува само кога губи“ – ова е шести меч на гренд слем турнирите од кои тој се повлекол.
Ова не е првпат Ѓоковиќ да влезе во „конфликт“ со публиката во Њујорк. Пред повеќе од една деценија, кога во 2008 година го победи Американецот Енди Родик во четврт-финалето во Њујорк, по што даде едно контроверзно интервју во кое изјави дека и тој „сакал да победи Родик“. Иронично, токму пред тој меч, Родик го обвини српскиот тенисер дека „глуми повреди“ кога губи.
Старите „рани“ повторно се отворија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Модриќ и наредната сезона ќе игра за Реал
Лука Модриќ и наредната сезона ќе го носи дресот на реал Мадрид. „Мундо Депортиво“. Овој медиум, кој е поблизок до Барселона отколку до Реал, тврди дека Модриќ и челниците на Реал постигнале вербален договор за продолжување на договорот на уште една година. Договорот е постигнат по тричасовната средба одржана вчера во Валдебебас.
Истата информација ја објавија и „Онда Мадрид“ и „Телемадрид“, два медиуми специјализирани за следење на Реал Мадрид. Според нив, Модриќ ги прифатил условите што му ги понудил клубот. Тој досега заработуваше околу 10 милиони евра нето по сезона, а сега се согласи да ја преполови платата.
Според Шпанците хрватскиот играч за врска планира да одигра уште една сезона во Реал, а потоа како 39-годишен да се збогува од фудбалот. Така Модриќ би станал најстариот фудбалер во историјата на Реал Мадрид кој се пензионирал во дресот на шпанскиот великан. Рекордот моментално го држи Пако Хенто, кој се пензионираше на 38 години.
Хрватската легенда на Реал Мадрид освои се. Меѓу другото, пет европски, четири шпански титули и два Купа на кралот и Златната топка. Тој одигра 531 натпревар, постигна 39 и постави 86 гола.
Во тековната сезона претежно беше резерва, но со значаен придонес на патот на Реал кон освојување на Ла Лига и финалето на Лигата на шампионите. Иако беше во стартниот тим на само 22 натпревари, успеа да постигне 2два гола и да забележи осум асистенции.
Спорт
Бекеле по 12 години повторно на Олимписките игри
Кенениса Бекеле, големата атлетска ѕвезда, ќе учествува на Олимписките игри во Париз, 12 години по неговиот последен настап на најголемиот светски спортски настан.
Бекеле, кој има 41 година, последен пат настапи на Олимписките игри во Лондон во 2012 година, кога заврши на четвртото место на трката на 10 километри.
Тој ги пропушти Рио де Жанеиро (2016) и Токио (2022) и сега е дел од 10-члениот атлетски тим на Етиопија за Париз.
Во главниот град на Франција ќе трча маратон на кој во последно време бележи одлични резултати. Тој во декември го освои четвртото место во Валенсија, додека неодамна беше втор во Лондон.
Бекеле освои три олимписки злата и едно сребро. Во Атина во 2004 година победи на 10 километри и беше втор на 5 километри, додека четири години подоцна во Пекинг славеше и на 5 и на 10 километри.
Олимпискиот маратон за мажи е закажан за 10 август.
Спорт
(Видео) Индијана избори мајсторка против Њујорк
Кошаркарите на Индијана славеа против Њујорк (116:103) и со тоа го обезбедија мајсторка во „Медисон Сквер Гарден“.
Екипите продолжија да го бранат домашниот терен, па така и во шестиот меч од полуфиналната серија на Истокот, гостинот загуби.
Најзаслужни за триумфот на Индијана беа Паскал Сијакам со 25 поени, седум скока и пет асистенции и Мајлс Тарнер со 17 поени, осум скока и три асистенции.
Тајрис Халибартон (+9ас), Ти Џеј Меконел и Ендру Небхард постигнаа по 15.
На другата страна се истакнаа Џејлен Брансон кој постигна 31 и Донте ДиВинченцо кој постигна 17 поени.
Првото двоцифрено водство „Пејсерс“ го остварија на крајот од првото полувреме и со исклучок на почетокот на вториот дел не го испуштија.
Разликата во последната четвртина се искачи на +23.
Решавачкиот седми натпревар е закажан за в недела од 21.30 часот во Њујорк.
Победникот, во финалето ќе игра против Бостон Селтикс, кој ги елиминираше Кливленд Кавалирс.