Спорт
ФБИ уапси 18 поранешни НБА кошаркари за измама!

Осумнаесет поранешни НБА кошаркари се обвинети за нелегално добивање на 2.5 милиони долари со измама направена преку планот за здравствено и пензиско осигурување на лигата, користејќи лажни медициски тестови и трошоци за забарски услуги.
Според обвинението на американските федерални власти поднесено во Менхетен, 15 поранешни кошаркари и една од нивните сопруги се уапсени за тригодишниот заговор кој почнал во 2017 година и со кој се поднесувале лажни барања за медициски услуги.
Во еден од случаите, поренешен НБА кошаркар играл професионално во Тајван во исто време кога бил на забар во Беверли Хилс во декември 2018, правејќи трошок од 48.000 долари.
Обвинителството тврди дека заговорот го предводен Теренс Вилијамс, кошаркар кој ја почна кариерата како избор во првата рунда од драфтот во 2009, откако добил 19.000 долари за наводна посета на киропрактичар во ноември 2017. По ова, тој ангажирал повеќе поранешни кошаркари кои добивале лажни упати од киропрактичар и забар во јужна Калифорнија. Од кошаркарите тој добил најмалку 230.000 долари.
Нетс го избраа Вилијамс како 11. пик на драфтот во 2009 година, и играше за четири клуба во четири сезони (Нетс, Селтикс, Рокитс и Кингс), со просек од 7.1 поени по натпревар. Тој беше отпуштен од Бостон два дена по неговиот 26. роденден во 2013 и оттогаш не заигра во НБА.
Помеѓу обвинетите е и Тони Ален, член на шампионскиот тим на Бостон Селтикс од 2008 и неговата сопруга, Чарлс Вотсон Јуниор, Антоан Рајт, Алан Андерсон (Вашингтон, ЛА Клиперс), Шенон Браун (Кливленд, ЛА Лејкерс), Вилијам Бајнам (Детроит), Кристофер Даглас-Робертс (Њу Џерси), Мелвин Елај (играше за 5 НБА клуба), Џамарио Мун (исто така играше за 5 клуба), Дариус Милер (ЛА Клиперс и Кливленд), Еди Робинсон (Шарлот, Чикаго), Ентони Вротен (Мемфис, Филаделфија), Милтон Паласио (играше за 6 НБА клуба) и Рубен Патерсон (играше за шест НБА клуба).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Фулкруг двоен стрелец за Германија против Перу

Никлас Фулкруг блесна во дресот на фудбалската репрезентација на Германија и со два гола донесе победа од 2:0 на пријателскиот натпревар против Перу. Овој меч се одигра во Мајнц, а Германците беа подобар ривал.
Фулкруг го отвори резултатот во 12.минута, а потоа уште еднаш стрелаше во 33.минута.
Каи Хаверц во второто полувреме не реализира пенал за уште поубедлив триумф.
Спорт
Реновираната Шпанија блесна против Норвешка, Велс ја изненади Хрватска на „Пољуд“

Поранешниот европски и светски првак, селекцијата на Шпанија, одлично го отвори новиот циклус квалификации за ЕП 2024 откако ја совлада Норвешка со 3:0. Реновирана „црвена фурија“ која сега ја предводи Луис де ла Фуенте, поведе со голот на Дани Олмо во 13.минута. Во финишот Хоселу со два гола го реши победникот. Тој стрелаше во 84. и во 85. минута за убедлив триумф на Шпанците.
Хрватска имаше водство до судиското продолжение, а потоа Велс постигна гол за израмнување (1:1) на „Пољуд“. Андреј Крамариќ во 28.минута донесе предност за „коцкестите“, а израмни Натан Бродхед во 93.минута.
Романија беше подобра од Андора на гости и славеше со 0:2.
Спорт
Ново признание за Меси, репрезентативната база на Аргентина ќе го носи неговото име

Заедно со бројот на освоени награди во текот на кариерата, Лионел Меси доби уште едно признание. Неговото име од денеска ќе ја краси базата на репрезентациите на Аргентина, која се наоѓа во Буенос Аирес.
На специјална церемонија, со учество на претседателот на федерацијата Клаудио Тапија и поранешни и сегашни репрезентативци на „албиселесте“, комплексот го доби своето ново име.
„Ви благодарам за признанието, толку е возбудливо“, изјави Меси. „Во оваа база доаѓам 20 години и тоа го правам со задоволство од првиот ден. Многу е убаво да се знае дека базата отсега ќе го носи моето име. Чувството е посебно поради многуте фудбалери кои поминале оттука. Поминав низ тешки времиња, но секогаш сум бил среќен кога доаѓав овде. Јас сум еден од оние кои веруваат дека таквото признание треба да им се даде на луѓето додека се живи“, истакна аргентинскиот ас.
The unveiling of the Lionel Messi plaque.pic.twitter.com/RZDO7J2YJC
— Roy Nemer (@RoyNemer) March 25, 2023