Кристијано Роналдо не успеа да го спречи поразот на Португалија на гостувањето кај Украина (2:1), но стигна до еден личен јубилеј – стана само шестиот фудбалер во историјата кој успеал да постиген 700 голови во професионалната кариера.

Легендата на португалскиот фудбал сега се приклучува на елитното друштво во кое се уште и Бразилците Пеле и Ромарио, Германецот Герд Милер, Унгарецот Ференц Пушкаш и Австриецот со чешко потекло, Јозеф Бицан.

Во својата кариера, Роналдо постигнуваше голови за Спортинг Лисабон (5), Манчестер јунајтед (118), Реал Мадрид (450), Јувентус (32) и секако, португалската репрезентација (95), а во кариерата исто така има фантастични 54 хет-трика.

.@Cristiano becomes just the sixth player to score 700 career goals. pic.twitter.com/eZvBSAjsIi

— ESPN FC (@ESPNFC) October 14, 2019

Репрезентацијата на Англија се „рехабилитираше“ по првиот квалификациски пораз по 10 години со импресивна 6:0 победа над Бугарија на „Васил Левски“ во Софија, додека Украина на Андриј Шевченко со 2:1 го победи актуелниот европски шампион, Португалија.

Англичаните, кои во претходниот меч загубија од Чешка со 2:1, во првото полувреме го „скршија“ отпорот на домаќините – Маркус Рашфорд (7. минута), Рос Баркли (20. и 32. минута) и Рахим Стерлинг (45. минута) донесоа 4:0 водство, кое во второто полувреме, Стерлинг го зголеми на 5:0 во 69. минута од мечот, пред Хери Кејн во 85. минута да ги постави конечните 0:6.

За одбележување е и прекинот кој се предизвика во Софија, откако домашните навивачи покажуваа нацистички поздрави и имаа расистички извици кон англиските фудбалери.

Во истата група, Косово ја совлада Црна Гора со 2:0 за да ги заддржи шансите за пласман на Европското првенство.

Украина пак, продолжи со одличните игри откако ги изддржа последните 20 минути со играч помалку за 2:1 победа над Португалија. Роман Јаремчук (6. минута) и Андриј Јармоленко (27. минута) донесоа 2:0 водство за тимот на Андриј Шевченко, пред Степаненко во 72. минута да добие втор жолт картон, а Кристијано Роналдо од пенал да намали на 2:1.

Србија со 2:1 победата кај Литванија остана со шанси за пласман на Евро 2020 бидејќи сега има само поен помалку од Португалците.

Светскиот шампион, Франција, не успеа да ја победи Турција, одигрувајќи 1:1 на „Стад де Франс“ во меч кој почна со тензии по барањето на дел од француските политичари да се откаже мечот поради салутирањето на турските фудбалери на нивната војска, која има интервенција во Сирија.

Оливер Жиру ги донесе „триколорите“ во водство во 72. минута од мечот, пред Кан Ајхан во 82. минута да израмни на 1:1.

ЕВРО 2020, КВАЛИФИКАЦИИ

ГРУПА А

Бугарија – Англија 0:6

Косово – Црна Гора 2:0

Табела: 1.Англија 15, 2.Чешка 12, 3.Косово 11, 4.Црна Гора 3, 5.Бугарија 3

ГРУПА Б

Украина – Португалија 2:1

Литванија – Србија 1:2

Табела: 1.Украина 19, 2.Португалија 11, 3.Србија 10, 4.Луксембург 4, 5.Литванија 1

ГРУПА Х

Франција – Турција 1:1

Молдавија – Албанија 0:4

Исланд – Андора 2:0

Табела: 1.Турција 19, 2.Франција 19, 3.Исланд 15, 4.Албанија 12, 5.Андора 3, 6.Молдавија 3

Холандските шампиони, Ајакс, се решија за еколошката опција за патувањето за следниот меч во Лигата на шампионите против францускиот Лил, патувајќи со воз наместо со авион.

Тимот на Ерик Тен Хаг ги очекува двоен дуел со Челси, пред патувањето до Лил на 27 ноември, но веќе си резервирале патување со воз наместо вообичаено за големите тимови, патување со авион. Генералниот директор на клубот, Едвин ван дер Сар вели дека се надеваат дека ќе постават позитивен пример.

„Благодарение на ’Еуростар’ обезбедивме вакво патување. Ова е време во кое сите треба да бидеме свесни за еколошките последици и сакаме да поставиме добар пример. Лил е совршена дестинација за патување со воз и така ќе заштедиме и време и ресурси“, вели Ван дер Сар.

Лет од Амстердам до Лил трае околу 3 часа и 20 минути, додека со воз тие ќе стигнат за 2 и пол часа.