Спорт
Звезда по пенал драма го прескокна Копенхаген, елиминација на Селтик и Порто
Фудбалерите на белградска Црвена Звезда вечерва во Данска по драматична пенал серија го елиминираа тимот на Копенхаген и се најдоа во плеј-офот за Лигата на шампиони.
Мечот во Данска заврши 1-1, исто како и на првиот меч во Белград, па откако по двете продолженија немаше промена на резултатот се премина на изведување на пенали.
На очајниот терен за игра беа изведени вкупно 22 пенали, а Звезда победи со 7-6. Херој на голот на белградската екипа беше голманот Милан Борјан кој неколкупати беше нерешлива енигма за противничките фудбалери.
Ефикасен меч се одигра и во Амстердам, меѓу Ајакс и ПАОК. Холанѓаните славеа победа со 3-2 и се протна во следната фаза затоа што на првиот меч во Солун беше нерешено 2-2.
Елиминација доживеа и тимот на швајцарски Базел кој вечерва загуби на гостувањето во Австрија, кај тимот на Линц. Мечот вечерва заврши со резултат 3-1, а Австријците славеа и на првиот дуел, со 2-1.
Грчки Олимпијакос немаше проблеми со турски Башахшехир, славеше победа со 2-0 и се пласираше во плеј-офот. Грците славеа и на првиот меч одигран во Турција, со 1-0.
Големо изненадување е елиминацијата на фаворитите Селтик и Порто.
Екипата од Шкотска иако имаше 1-1 од првиот меч со романски Клуж, вечерва загуби на домашен терен со 3-4 по што Романците одат понатаму.
Порто беше елиминиран од квалификациите за ЛШ од руски Краснодар. Првиот меч во Русија им припадна на Португалците со 1-0, но вечерва на „Драгао“ беа шокирани со 2-3, па поради повеќе голови дадени на гости фудбалерите на Краснодар се во следна фаза.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.