Спорт
Фенер ја прекина лузерската серија, ЦСКА лесно против Олимпијакос

Фенербахче пропушти предност од 17 поени на стартот на мечот, но сепак, успеа да стигне до 73:65 победа на гости кај Зенит Санкт Петерсбург за прекинување на лузерската серија од четири меча во Евролигата.
Јан Весели заврши со 17 поени, Данило Бартел додаде 15, но клучен човек на тимот на Игор Кокошков беше Боби Диксон, кој постигна седум од своите 11 поени во последната четвртина. За поразените, Кевин Пангос имаше 16 поени. Со победата, Фенер го подобри скорот на 5-7, додека Зенит паднаа на 6-3.
Вакви проблеми немаа ЦСКА Москва, откако актуелниот шампион во натпреварувањето лесно со 80:61 го мина Олимпијакос. Гостите поведоа со 8 поени предност во првата четвртина, но потоа на сцена стапија „Армејците“ и до полувремето направија пресврт со предност од 10 поени.
ЕВРОЛИГА, 12.КОЛО
ЦСКА Москва – Олимпијакос 80:61 (20:19, 19:10, 17:9, 24:23)
Зенит Санкт Петерсбург – Фенербахче 65:73 (14:23, 18:22, 21:8, 12:20)
Макаби Тел Авив – Црвена звезда 81:76 (23:20, 18:18, 15:17, 25:21)
Милано – Панатинаикос 77:80 (22:18, 20:12, 18:24, 17:26)
Валенсија – Алба Берлин 92:100 (21:27, 29:24, 15:32, 27:17)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Вулверхемптон одби уште една понуда од Њукасл за Ларсен

Фудбалскиот клуб Вулверхемптон ја одби и втората понуда од Њукасл за норвешкиот напаѓач Јорген Странд Ларсен, кој постигна два гола во вчерашната победа над Вест Хем во Лига купот.
Њукасл овој пат понуди 55 милиони фунти, откако претходно беше одбиена и понуда од 50 милиони фунти.
Управата на Вулверхемптон не сака да се откаже од 25-годишниот репрезентативец на Норвешка, пред сè поради краткото време за наоѓање замена, бидејќи шреодниот рок завршува за четири дена.
Странд Ларсен беше купен од Селта минатото лето за 23 милиони фунти и постигна 14 гола во Премиер лигата минатата сезона.
Спорт
Бојан Димоски се сели во ТСЦ

Левиот бек Бојан Димоски кариерата ќе ја продолжи во ТСЦ. Клубот од Бачка Топола ќе издвои 100.000 евра за неговиот трансфер од Акрон, дознава „Моцарт Спорт“.
Во ТСЦ процениле дека им е потребно засилуваеа на левата страна, бидејќи Немања Петровиќ сè уште не се вратил на теренот поради сериозна повреда од минатата сезона.
Димоски одигра четири натпревари оваа пролет за Партизан, на кој му се приклучи од Акрон како позајмен играч.
Пред тоа, ги бранеше боите на Брера од Струмица и на Вардар. Одигра 20 натпревари за репрезентацијата на Македонија.
Спорт
Кристал Палас го заврши трансферот на Јереми Пино

Шпанскиот репрезентативец Јереми Пино е новото засилување на Кристал Палас, во кој ќе ја наследи улогата на доскорошниот лидер на „орлите“ Еберечи Езе.
Езе, минатата недела се пресели во Арсенал, а освојувачот на ФА Купот од трансферот заработи 79.000.000 евра. Менаџерот Оливер Гласнер експресно најде замена за Езе. Кристал Палас ќе му плати на Виљареал 30.000.000 евра за Пино.
Момчето од Канарските Острови одигра 170 натпревари за „жолтата подморница“, со напаѓачки настап од 22 гола и 23 асистенции. Тој ја освои Лигата на Европа во 2021 година, но и Лигата на нации во 2023 година со Шпанија, за која играше 15 пати.
На почетокот на сезоната, клубот од главниот град на Англија го изненади Ливерпул и го освои Комјунити Шилд, додека во Премиер лигата освои два бода во првите два натпревари.