Спорт
Ферари го шутна Фетел поради коронавирусот?
Шефот на Ферари, Матија Биното, вели дека пандемијата на Ковид-19 влијаела на одлуката на тимот да не му понудат нов договор на Себастијан Фетел.
Пред рестартот на сезоната овој викенд во Австрија, Фетел, кој ќе биде заменет со Карлос Саинс Јуниор во 2021, откри дека воопшто не добил понуда за продолжување на договорот со италијанскиот тим, но Биното вели дека иако Германецот бил прв избор, пандемијата на коронавирусот влијаела на одлуката да се намали буџетот за 2021.
„Во текот на зимата велевме и јавно и лично нему дека тој ќе биде нашиот прв избор и тоа го потврдувам. Во текот на јануари тоа беше така, но работите кои се случија подоцна со вирусот и со пандемијата го сменија целиот свет, а не само Формула 1. Ограничувањето на буџетот е построго, новите регулативи се поместени за 2022. Додека фабриката беше затворена, моравме да направиме одлука, која му ја пренесовме на Себ“, вели Биното.
Тој додава дека сфаќа зошто Фетел не е задоволен.
„Слушнав дека бил изненаден, но не се сеќавам на тоа. Но, го разбирам. Знам дека и сега не е среќен со одлуката и тоа е нормално. Шесте сезони со него беа одлични, тој е голем шампион и одличен човек“, додава Биното.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мурињо го убедли Костиќ да се пресели во Фенербахче
Српскиот фудбалер Филип Костиќ ќе го напушти Јувентус и ќе се пресели во турски Фенербахче.
Според добро информираниот италијански новинар Фабрицио Романо, Фенербахче и Јувентус постигнале договор, Костиќ до крајот на сезоната да игра како позајмен играч во Фенербахче, а турскиот клуб ќе може на крјот од сезоната да го откупи неговиот договор.
Костиќ имал сериозни разговори со Галатасарај, на крајот сепак ја прифатил понудата од Фенер откако имач долг разговор со Жозе Мурињо.
Во Фенербахче игра неговиот колега од репрезентацијата Душан Тадиќ, а со неговиот трансфер само ќе се зголеми балканската колонија. Дресот на фенер го носата Босанецот Един Џеко и Хрватот Доминик Ливаковиќ.
Спорт
Мастерклас на Маркез на дождот во Мизано, катастрофа на Мартин
Осумкратниот светски шампион Марк Маркез го забележа својот втор последователен триумф, откако на претходниот чекаше 1.043 дена. Шпанецот во хаоточната трка победи на Големата награда на Сан Марино и Римини, 14-та трка од сезоната во Мото ГП шампионатот.
По победата во Арагон, со која го заврши својот речиси тригодишен пост, возачот на Гресини беше најдобар во променливите услови на патеката „Марко Симончели“.
Интересно, последниот триумф пред оној од пред седум дена го забележа во Мизано во октомври 2021 година.
Маркез славеше пред бранителот на титулата Франческо Бања, кој заостана три секунди, додека на третото скалило на подиумот беше вториот фабрички возач на Дукати, Енеа Бастијанини.
Покрај неверојатниот триумф на шпанскиот мотоциклист, првата од двете трки во Мисано ја одбележа и катастрофална грешка на лидерот во генералниот пласман Хорхе Мартин и неговиот тим.
Шпанецот беше на второто место кога дождот се засили и наместо да го следи она што ќе го направи во тој момент водечкиот Бањаја, тој замина во боксот на промена на мотоциклот, а кога се врати на патеката губеше повеќе од секунда по сектор. И на крајот мораше да се врати на својот оригинален мотоцикл и да се задоволи со 15-то место и еден бод.
Ваквиот исход значи дека Мартин, сега на чело на генералниот поредок има само седум бода повеќе од Бањаја, 53 повеќе од Маркез и 62 повеќе од Бастианини.
Спорт
„Бомба“ во Ф1, Њуи се сели во Астон Мартин
Легендарниот дизајнер на болиди, Адријан Њуи е нов шеф на тимот на Астон Мартин.
Како гром од ведро небо одекна веста дека Адријан Њуи си заминува од тимот на Ред Бул и оттогаш се шпекулира каде би можел да ја продолжи кариерата. Изминатите месеци се шпекулираше дека Њуи ќе се пресели во Астон Мартин, сега шпекулациите добија потврда.
Њуи има 65 години, а Астон Мартин ќе му плаќа 26 милиони долари годишно и од март 2025 година ќе гледаме вистински спектакл во Формула 1 шампионатот.
Со нетрпение се очекува соработката меѓу Адријан Њуи и Фернандо Алонсо, па јасно е дека Астон Мартин ќе биде најинтересниот тим за гледање во наредните години.
Пред Астон Мартин, Адријан Њуи работеше за Ред Бул од 2006 година, а претходно беше дел од Мекларен, претходно Вилијамс, а беше во Лејтон Хаус во својата прва сезона во Ф1.