Спорт
Ферари има моќен болид! Леклер секунда побрз од ривалите во Барселона
Ферари имаа најбрз болид и на вториот ден од зимското тестирање во Барселона, откако Шарл Леклер беше речиси секунда пред ривалите.
Леклер продолжи каде што застана Себастијан Фетел на првиот ден на „Каталуња“, поставувајќи најдобро време во првиот час на студеното утро, и времето го подобруваше сè до 1:18.247 поставено пред пладне. Младиот возач од Монте Карло, кој оваа година го заменува Кими Раиконен, покрај брзината покажа и фантастична постојаност на болидот на Скудерија, комплетирајќи 145 кругови!
Ситуацијата да биде уште поветувачка за Ферари, второ најдобро време имаше возач со мотор на Ферари, Кевин Магнусен во Хас (1:19.206), а трет беше уште еден возач со погон на Ферари, Антонио Џовинаци во Алфа Ромео (1:19.312).
2019 starts here for @Charles_Leclerc ?
And that @ScuderiaFerrari looks like it suits him pretty well ?#F1 #F1Testing pic.twitter.com/VTTnfLj4Z5
— Formula 1 (@F1) February 19, 2019
Лендо Норис ги постави Мекларен на четртото место, пред Пјер Гасли во Ред бул. Даниел Рикардо имаше позитивен старт за Рено по слабиот прв ден, но прогресот застана кога му се откачи задното крило на главниот рамен дел, и тој излета од патеката.
Светските шампиони Мерцедес имаа уште еден „тивок“ ден, откако светскиот шампион Луис Хамилтон постави само седмо најдобро време пред дебитантот на Торо росо, Александер Албон, кој двапати се изврте во својот прв професионален Ф1 ден.
Вилијамс Ф1 повторно не беа присутни на тестирањето, но од тимот најавија дека болидот ќе биде подготвен за акција во среда.
БАРСЕЛОНА, 2.ДЕН
1.Шарл Леклер (Ферари) 1:18.247, 145 круга
2.Кевин Магнусен (Хас) 1:19.206, 59 круга
3.Антонио Џовинаци (Алфа Ромео) 1:19.312, 86 круга
4.Лендо Норис (Мекларен) 1:19.489, 94 круга
5.Валтери Ботас (Мерцедес) 1:19.606, 67 круга
6.Александер Албон (Торо росо) 1:19.616, 120 круга
7.Пјер Гасли (Ред бул) 1:19.814, 92 круга
8.Даниел Рикардо (Рено) 1:19.886, 28 круга
9.Луис Хамилтон (Мерцедес) 1:19.928, 74 круга
10.Нико Хилкенберг (Рено) 1:20.382, 79 круга
11.Ленс Строл (Рејсинг поинт) 1:20.433, 75 круга
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.