Спорт
Ферги сакал да ги донесе Бејл и Роналдо за да освои нова титула од ЛШ
Неколку месеци пред да се повлече од менаџерската позиција во Манчестер јунајтед, Сер Алекс Фергусон планирал две големи засилувања за уште еднаш да ја освои Лигата на шампионите, открива Патрис Евра.
Фергусон се повлече од „Олд Трафорд“ во 2013, откако ја обезбеди својата 13-та титула од Премиерлигата, победувајќи ги Манчестер сити, но тој планирал дао стане подолго и верувал дека со враќање на Кристијано Роналдо и со купување на Герет Бејл ќе можел да владее во Европа.
„Две недели пред да се повлече, се сеќавам дека во медиумите имаше шпекулации, но тој ми кажа: ‘Патрис, никогаш нема да си одам, ќе бидам тука уште 10 години’. Потоа ми кажа дека е 99 отсто сигурен дека ќе ги има Кристијано Роналдо и Герет Бејл, бидејќи тие двајца му фалеа за титулата. Кога зборував со Кристијано, тој ми го потврди тоа“, вели Евра.
Тој објаснува и како Фергусон им соопштил дека се повлекува.
„Две недели подоцна кога стигнавме во Керингтон, имаше камери и мислев дека некој згрешил нешто и е во насловните. Тогаш ни кажаа да одиме во соблекувалната, бидејќи шефот сака да зборува со нас. Кога тој доаѓа пред тренинзи, нема добри вести. Ни кажа: ‘Жал ми е, некои луѓе кажаа дека ќе се пензионирам, пред јас да кажам. Затоа се камерите тука. Но, ќе се повлечам бидејќи и требам на сопругата’. Се извини на Робин ван Перси и Шинџи Кагава, бидејќи само што ги донесе во тимот. На нив посебно“, објаснува Французинот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.