Спорт
Фергусон: Среќа е што во моето време немаше социјални медиуми

Алекс Фергусон 27 години го предводеше Манчестер Јунајтед. Еден од најславните тренер во историјата на фудбалот со клубот од „Олд Трафорд“ освои 38 трофеи.
Фергусон, вниманието го привлече како тренер на Абердин, во Манчестер пристигна на 6.ноември 1986 година, како наследник на Рој Еткинсон, кој никако не успеваша да го однесе Манчестер Јунајтед до шампионската титула.
Сепак, неговите почетоци не беа успешни. Во првата сезона Јунајтед завршија 11 на табелата. Во наредната сезона најави подобри денови, Јунајтед беа втори зад Ливерпул, но сезоната потоа „црвените ѓаволи“ завршија повторно на 11 место, а во сезоната 1989/90 тимот беше 13-ти.
На првите 100 натпревари, како менаџер на Манчестер Јунајтед, Алекс Фергусон забележа само 48 победи. Сите негови наследници, со исклучок на Дејвид Мојс, биле поуспешни по првите 100 натпревари: Луј Ван Гал забележал 523 победи, Жозе Мурињо 62, а Оле Гунар Солскјер 55.
Фергусон од отказ се спасил благодарение на трофејот во ФА купот, во 1990 година. Тогаш Ли Мартин против Кристал Палас му го донесе првиот трофеј на Алекс Фергусон. Наредната сезона „црвените ѓаволи“ го освоија тогашниот Куп на победниците на куповите и сер Алкес ја започна својата импресивна низа.
Фергусон го предводеше Манчестер Јунајтед на 1.500 натпревари, забележа 895 победи.
Денес кога ќе новинарите ќе го прашаат за неговите наследници, тој дипломатски им одговара.
„Доколку имаше социјални медиуми во моето време, многу бргу ќе ме избркаа. Секогаш треба да застанете позади тренерот во кого верувате…“
? 34 Years Ago Today:
? Sir Alex Ferguson was appointed @ManUtd manager.
? 1,500 Games
✅ 895 Wins
? 338 Draws
❌ 267 Defeats
? 38 Trophies? The Best Ever. pic.twitter.com/ph113Khu8n
— SPORF (@Sporf) November 6, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Галатасарај го купи голманот на Трабзон за 33 милиони евра

Сензационална вест од Турција. Шампионот Галатасарај го доведе репрезентативниот голман Угурџан Чакир од Трабзонспор за 33 милиони евра.
Галатасарај го сакаше светскиот шампион Аргентинецот Емилијано Мартинез од Астон Вила и не успеаја да го добијат. Го сакаа и Бразилецот Едерсон од Манчестер сити, него пред нос им го „украде“ градскиот ривал Фенербахче.
Кога извисија за Мартинес и Едерсон, челниците на Галатасарај се налутија и го отворија кесето за моментално најдобриот турски голман и репрезентативец, Угурџан Чакир. Тие му платија на Трабзонспор неверојатни 33 милиони евра за неговиот трансфер!
Галатасарај ја потврди оваа бројка на официјалната веб-страница, вкупно 27 милиони евра плус остатокот во бонуси.
Фото/ Принтскрин
Спорт
Големо засилување за Црвена звезда – Хандел пристигна на „Маракана“

Португалскиот фудбалер Томаш Хандел е нов играч на Црвена звезда. Преодниот рок во Србија трае до 15 септември, а вечерва на полноќ истекува рокот на УЕФА за пријавување на играчите со кои клубовите ќе настапат во Лига Европа.
Овој 24-годишен дефанзивен играч од редот за врска во Белград дојде од Виторија Гимараеш во трансфер вреден три и пол милиони евра, како што објавија медиумите.
Црвено-белите го потврдија доаѓањето на Португалецот на „Маракана“ со објава на социјалните мрежи („Жога Бонито“).
Според „Трансфермаркт“ вредноста на капитенот на Гимараеш изнесува 13 милиони евра. Во минатото Милан и Порто беа заинтересирани за Хандел, а во преодниот рок тој не сакаше да се пресели во ЦСКА Москва.
Тој имаше договор со португалскиот тим до 2029 година и клаузула за откуп од 50 милиони евра.
Хандел одигра 118 натпревари за Гимараеш и постигна шест гола.
Foto/ FK Crvena zvezda
Спорт
Најлудата приказна на преодниот рок – легендарниот голман излегол на кафе и не се вратил на потпис на договорот

Мексиканецот Гиљермо Очоа (40) во последен момент одлучи да ја одбие понудата на шпанскиот второлигаш Бургос.
На последниот ден од преодниот рок, голманот, кој во својата кариера бранеше на пет светски првенства, со амбиција да го стори тоа по шести пат, пристигна во споменатиот шпански клуб за да го финализира договорот со претставниците на Бургос.
Сè одеше непречено за двете страни сè до моментот кога, според шпанските медиуми, Очоа побарал да се промени една ставка во договорот (не е наведено конкретно која), потоа ја напуштил канцеларијата и заминал на кафе.
И не се вратил. Телефонските повици на претседателот на Бургос биле залудни.
Така, во последен момент, тој остана без клуб во кој имаше план да се бори за местото меѓу стативите и на тој начин да се наметне кај селекторот на „сомбреросите“ за претстојното Светско првенство – што би бил неговиот рекорден шести во кариерата.
Бургос, во меѓувреме, имале подготвен „план Б“ по ненадејното заминување на Очоа. Раководството на клубот реагираше брзо и го ангажираше Хесус Руиз, Каталонец, кој беше слободен на пазарот откако го напушти Расинг Ферол
Foto/ EPA