Спорт
Луис Суарез: Би сакал Меси да дојде во Атлетико
Луис Суарез, во преодниот рок, од Барселона во Атлетико Мадрид. Уругваецот одлично се вклопи во играта на „јорганџиите“, има постигнато четири гола, на осум натпревари во сите натпреварувања.
„Не требеше многу убедување за да дојдам во Атлетико. Видов дека клубот и Диего Симеоне сакаат да играм на „Метрополитано“, не размисливав долго. Атлетико е неверојатен клуб, на секој чекор се чувствува колку навивачите се поврзани со клубот, иако ги нема на трибините. Одлично ме пречекаа. Можам да кажам дека до смрт ќе го бранам дресот на Атлетико, исто како што тоа го правев во сите клубови во кои играв претходно“, рекол Суарез во интервју за „АС“.
Атлетико вечерва ќе го пречека Кадиз во Ла Лига, а по репрезентативната пауза на „Ванда Метрополитано“ доаѓа Барселона.
„Нема да славам доколку постигнам гол против Барса. Премногу го почитувам клубот, таму и понатаму имам многу пријатели. Но, тоа нема да ме спречи да гинам на теренот за Атлетико“, рекол Суарез, кој за две недели ќе игра против големиот пријател Лионел Меси.
„Редовно се слушаме, разговараме за општи теми, за животот што го живееме во овие чудни времиња. На психолошки план си помагаме еден на друг, многу разговараме“.
Неговиот пријател, Лионел Меси, од почетокот на сезоната не игра на нивото на кое беше во изминатите сезони.
„Оставете го на мира. Има 33 години и сигурно е дека знае што прави. Јас и понатаму гледам дека е гладен за победа, како шти тоа беше минатата или пред минатата сезона. Можеби оваа сезона не може да погоди, но се гледа дека не се откажува“, рекол напаѓачот на Атлетико и дополнил.
„Би сакал еден ден да дојде во Атлетико. Но ова е само моја желба, тој ќе реши што е најдобро за него. Доколку Атлетико му биде една од опциите, јас ќе бидам првиот што ќе му кажам се најдобро за овој клуб“.
Суарез е трет стрелец во историјата на Барселона, на „Ноу камп“, мина шест сезони, а минатото лето буквално беше избркан од клубот. Уругваецот не беше во добри односи со поранешниот претседател Џозеп Марија Бартомеу.
„Не би сакал да заборувам за него. Повеќе не ме интересира што се случува во Барселона. Сега мој клуб е Атлетико и само тоа е важно“, заклучил Уругваецот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Спорт Италија: Се подготвуваат револуционерни промени во Наполи
Наполи, минатата сезона ја освои Серија А. Тоа беше трета титула во клупската историја и прва од 1990 година. Сезоната по освојувањето на титулата е вистински кошмар за Наполитанците. Во финишот на сезоната, Наполи се наоѓа на осмото место со 49 бодови, дури 37 помалку од новиот шампион Интер.
„Спорт Италија“, пишува дека Наполи оваа сезона доживеа „огромно разочарување“ поради што во летниот преоден рок ќе „има ревилуционерни промени“. Претседателот на клубот Аурелио Де Лаурентис изјави дека ниту еден играч не е недопирлив, што значи дека сите би можеле да бидат продадени.
„Постои сериозна опасност од револуција која може да ги вклучи дури и клучните играчи кои го освоија Скудетото, како Џовани Ди Лоренцо (30) и Франк Ангуиса (28)“, пишува „Спорт Италија“.
Ди Лоренцо е репрезентативец на Италија и капитен на Наполи, со кого има договор до летото 2028 година. „Трансфермаркт“ неговата вредност ја проценува на 18 милиони евра. Во Наполи е од 2019 година, а претходно во кариерата играше за Кунео, Калабрија, Матера и Емполи.
Ангуиса е камерунски централен играч за врска чиј договор е до 2025 година, но постои опција да се продолжи за уште две сезони. Во кариерата играше во Марсеј, Фулам и Виљареал. Според „Трансфермаркт“ тој е проценет на 30 милиони евра.
„Спорт Италија“, тврди дека главната ѕвезда на Наполи, Виктор Осимхен (25) се поврзува со клубови како ПСЖ и Баерн, а Де Лаурентис неколку пати изјави дека за него ќе бара повеќе од 100 милиони евра. Тој има договор до летото 2026 година, „Трансфермаркт“ го проценува на 110 милиони евра.
Познато е веќе дека Пјотр Зјелински како слободен играч ќе се пресели во Интер.
Спорт
„Бевме пијаници, а потоа дојдоа нутриционистите…“
Легендите на Манчестер Јунајтед, Рој Кин и Гери Невил, во еден подкаст открија дека дека со денови се пијанеле по натпреварите во Премиерлигата. Станува збор за периодот кој некии го нарекуваат и златна ера на тимот кој тогаш го предводеше сер Алекс Фергусон.
„Луѓето велеа дека сум добар професионалец, но некои работи што ги правев беа апсолутно срамни – покајано вели Кин.
Детално опиша како се пијанчел, особено во нефудбалските денови.
„Многу пати одев во сабота по натпреварот, во недела, понеделник, вторник… Да бидам фер, би ја поставил границата во среда“, откри освојувачот на седум Премиер лиги, четири ФА купови и Лигата на шампиони.
Во 2002 година, Ирецот во својата автобиографија „Второто полувреме“ призна:
„Имаше период, во раните 90-ти, кога бев алкохоличар. За среќа, успеав да се извлечам од тој виор. Сега пијам само вода.“
Гери Невил го надополни соиграчот, велејќи дека многу од најдобрите играчи биле озлогласени алкохоличари.
„Причината поради која се извлекувавме е што другите тимови го правеа истото. Сè додека секој можеше да испие десет големи кригли, бевме на исто ниво на кондиција“, раскажа трофејниот десен бек од „Олд Трафорд“.
„Знаете… Јас го анализирам периодот пред сезоната 1995/96 година, сите играчите го правеа истото. Помеѓу 1996 и 2000 година фудбалот стана многу професионален и дојдоа нутриционистите…“
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.