Спорт
Ферстапен: Хамилтон ќе биде под притисок од моите навивачи во Зандворт

Макс Ферстапен, во пресрет на Големата награда на Холандија, проговорил за најкратката трка во историјата на Ф1, која се одржа минатиот викенд во Белгија.
Холанѓанецот беше на пол-позицијата, но поради лошите временски услови, се возеа само три круга зад возилото за безбедност. На крајот ФИА реши на возачите да им додели пола од бодовите.
Ферстапен освои 12,5 поени и ја намали предноста на Луис Хамилтон на три поени.
„Мислам дека си ги заработив поените. Чашата е до пола полна, но тоа се нови 12,5 поени. Патот е долг, се надевам дека со Луис ќе имаме уште многу забавни дуели на патеката“, рекол возачот на Ред Бул.
Ферстапен проговорил и за поддршката која ќе ја има на домашното гранд при. Холандските фанови сигурно ќе извршат голем притисок врз Луис Хамилтон.
„Тоа е како да играте фудбалски меч на домашен терен. Не можете да дојдете до навивачите и да им кажете како да се однесуваат. Моите навивачи се страствени. Се надевам дека ќе биде забавно“.
Трката за Големата награда на Холандија во Зандворт се вози во недела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Хаос на тренингот на Ливерпул – дојде до судир меѓу Трент и Салах

Според англиските медиуми, на тренингот на Ливерпул дошло до судир меѓу Мохамед Салах и Трент Александер-Арнолд.
Двајцата фудбалери во еден момент енергично се упатиле еден кон друг, додека Салах цело време имал насмевка на лицето, што предизвикало смеа кај повеќето соиграчи.
Од друга страна, Александар-Арнолд остана сериозен, што додаде доза на неизвесност на ситуацијата. Со брзата реакција на Ибрахима Конате и Харви Елиот, потенцијалниот конфликт беше прекинат и разликите беа измазнети.
Тензијата меѓу двајцата клучни играчи доаѓа во пресрет на реваншот од осминафиналето во Лигата на шампионите против Пари Сен Жермен, закажан за вторник навечер. Овој натпревар може да има големо значење за понатамошниот тек на сезоната на тимот од Енфилд.
Дополнителна неизвесност внесува и тоа што договорите на двајцата играчи истекуваат на крајот од сезоната.
Додека навивачите сакаат тие да останат, расте стравот дека и Салах и Александар-Арнолд би можеле да го напуштат клубот во претстојниот преоден рок.
Спорт
Пјатек: Реал Мадрид избираше меѓу мене и Лука Јовиќ

Кшиштоф Пјатек, напаѓачот на Башакшехир, откри дека во минатото Реал Мадрид покажал сериозен интерес за него, на крајот трансферот му го расипал Лука Јовиќ.
Во сезоната 2018/19 Јовиќ и Пјатек блескаа на „стариот континет“. Јовиќ за Ајнтрахт, постигна 27 гола на 47 натпревари, Пјатек беше на насловните страници во Италија. Играјќи за Џенова и Милан постигна 30 гола на 42 натпревари.
„Сега можам да ги откријам деталите. Реал Мадрид избираше меѓу мене и Лука Јовиќ. Од претходно знаев дека скаутите на Реал ме гледаат во Милано и собираат информации. Имав состанок со директорите Леонардо и Малдини кои беа лути затоа што моите менаџери разговараа со Реал и се обидоа да направат приказна. Сметаа дека тоа не е фер моја страна, бидејќи веќе играм за голем клуб. Се бранев дека знам само за интересот и дека лично не сум разговарал со никого. Знаев дека шансите се 50/50“, изјави полскиот напаѓач.
Како што е познато, Реал Мадрид тоа лето го избра Јовиќ и го донесе од Ајнтрахт во трансфер вреден 63 милиони евра. Но, се покажа дека ниту Јовиќ ниту Пјонтек подоцна не ги повторија тие сезони и гне изградија кариери какви им предвидуваа.
Србинот мина година и пол во Реал Мадрид и на 32 натпревари постигна два гола, по што накратко се врати во Франкфурт како позајмен играч. Во Реал Мадрид остана уште една сезона, постигна гол на 19 натпревари и се пресели во Фиорентина. Таму остана една година, а потоа се пресели во Милан.
Пјонтек остана во Милан, но неговите перформанси се влошија и тој беше продаден на Херта по само шест месеци за 24 милиони евра. Подоцна го испратија на позајмица во Фиорентина и Торино, за во последните две сезони игра добро во Башакшехир, каде ја оживеа кариерата и постигна 45 гола на 73 натпревари.
Спорт
Дончиќ: Лука се уште не може да се споредува со Дражен

Таткото на еден од најдобрите светски кошаркари Лука Дончиќ и спортскиот директор на словенечката кошаркарска репрезентација Саша Дончиќ беше гостин на Хрватската телевизија, а особено се осврна на прашањето дали Лука Дончиќ може да се споредува со Дражен Петровиќ.
„Дражен е сеуште Дражен. Тој е легенда. Лука е уште далеку од тоа, но мислам дека е на вистинскиот пат. Не би ги споредувал, секој беше меѓу најдобрите во своето време. Мило ми е што некој од Европа покажува дека овде се игра добра кошарка, и во минатото и сега“, рече Дончиќ сениор.