Спорт
„Ферстапен мораше да добие казна. Дипломатијата заврши со трката во Бразил“
Шефот на Мерцедес, Тото Волф, не е задоволен од одлуките што ги носеле од дирекцијата на трката во Бразил. Волф истакнал дека Мерцедес „примил премногу удари в лице“.
Хамилтон беше дисквалификуван во квалификациите за спринт трката. Започна последен, спринтот го заврши на петтотот место. Бидејќи го смени моторот пред трката во Бразил, тој трката ја започна од 10.место.
На крајот Хамилтон забележа супериорна победа, вкупно 101. во кариерата.
Трката ја обележа инцидентот во 48 круг, кога Хамилтон се обиде да помина крај во тој момент водечкиот Ферстапен. На крајот двајцата завршија надвор од патеката. Дирекцијата на трката реши да не го истражува овој инцидент.
„Овој викенд примивме многу удари в лице. Тие одлуки може да одат и за нас, но и против нас. Лут сум поради тоа. Ќе го бранам тимот, возачите. Секогаш инсистирав дипломатски да разговараме за вакви работи, тоа заврши со оваа трка“, рекол Волф.
„Викендов сите одлуки ги носеа против нас. Не дисквалификуваа поради проблемот со задното крило, кое не можевме ниту да го погледнеме. А потоа видовме дека Ред Бул три пати врши поправки на задното крило и тоа во просторот каде што болидите никој не смее да ги допре. Сето тоа им помина без последици. Кулминацијата се случи во трката…Па каква беше таа одбрана на Макс. Одеше преку сите граници, мораше да биде казнет, барем пет секунди. И Макс го знаеше тоа. Смешно е“.
Во пресрет на последните три трки во сезоната, Ферстапен има 14 поени повеќе од Хамилтон. Наредниот викенд Ф1 ќе се вози во Катар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Шокатнтен пораз на Баерн среде Минхен
Фудбалерите на Баерн Минхен, во 19-то коло, го забележаа првиот пораз сезонава во Бундес лигата. Лукалниот ривал од Баварија, Аугсбург, го шокираше шампионот среде Минхен.
Делуваше дека актуелниот шампион ќе забележи уште една рутинска победа кога поведе со голот на Ито во 23-та минута. Сепак, тотален шок следеше во последната фаза од натпреварот, кога гостите ги постигнаа двата гола.
Артур Чавез за 1:1 (76-та минута) и Маенго во 81-та минута.
Баерн се обиде да израмни на крајот, но Аугсбург успеа да ги одбие сите напади и да освои три важни бода во борбата за опстанок. Најдобрата шанса ја пропушти Олисе, кога ја затресе пречката.
Резултати:
Баер Леверкузен – Вердер Бремен 1:0 (1:0)
/Лукас Васкез 38/
Ајнтрахт Франкфурт – Хофенхајм 1:3 (1:0)
/Калимуендо 18 – Бургер 52, Кабак 60, Аменда 65/
Мајнц – Волфсбург 3:1 (0:1)
/Тиц 68, Бел 74, Амири 84 пен.- Амура 3/
Хајденхајм – РБ Лајпциг 0:3 (0:0)
/Баку 62, Нуса 68, Раум 71/
Foto/ EPA
Спорт
(Видео) Комо со шест парчиња го честеше Торино
Во италијанската Серија А се играат натпреварите од 22-то коло, а попладнево екипата на Комо го декласираше Торино со 6:0.
Дебаклот на „биковите“ го најави Гркот Дувикас во седмата минута. Само осум минути подоцна, Комо ја дуплираше предноста со прекрасен гол на Батурина.
Серијата голови во вториот дел ја отвори Де Куња од пенал, во 59-та минута. Седум минути подоцна беше постигнат четвртиот гол, по акцијата на Батурина, Дувикас го постигна својот втор гол.
Д крајот по гол за Комо постигнаа Кун и Какра.
Комо сега има 40 бода на петтото место, а Торино е сè уште на 23 бода, по четвртиот последователен пораз.
Foto/ EPA
Спорт
Историски меч – Франција ја прегази Португалија
Франција ја прегази Португалија со 46:38, во првиот мел од второто коло, во Групата 1 на ЕП.
Нестварен меч одиграа Французите, а победата ја најавија по само 10 минути игра. На крајот, Португалците загубија со само осум голови разлика.
Неколку рекорди беа постигнати на овој натпревар. Франција постигна најмногу голови во едно шолувреме (28), го изедначи сопствениот рекорд за најмногу голови на една селекција (46).
Франција и Португалија постигнаа најмног голови во едно полувреме (28:15) и најмногу голови на еден натпревар (84).
Мем со осум и Ричардсон со шест ја предводеа Франција, на спортивната страна со по пет гола се истакнаа Бранкиљо, Роча, Итуриза и Брандао.
Foto/ EPA

