Спорт
Ферстапен најбрз на првиот ден на тестирањето во Бахреин
Актуелниот светски шампион, Макс Ферстапен постави најдобро време на пвиот ден од единствената зимска тренинг-сесија во Формула 1 оваа сезона. Тридневниот тест на патеката Сакир во Бахреин е единствена шанса тимовите да ги тестираат своите болиди пред првата трка од новата сезона на истата патека следниот викенд.
Првиот ден донесе 19 возачи во акција во 10 болиди, откако Ред бул се решија да не ја делат програмата меѓу двајцата возачи – утре Ферстапен ќе го дели болидот со Серхио Перез, пред во сабота тој да добие цел ден на патеката. Ферстапен без проблем комплетираше 157 кругови и постави време од 1:32.837 (околу 2.3 секуни посопоро од минатогодишната пол-позиција во Бахреин). Ов беше прва шанса да се види новиот РБ19 болид на Ред бул, откако на промоцијата во Њујорк покажаа поинаков модел.
„Болидот е еволуција од лани, и мислам дека подобро ги сфативме карактеристиките на болидот. Полесно е вака да се почне и беше убаво да се проба нов болид. Ова беше добар ден“, изјави Ферстапен.
Ферстапен ја заврши сесијата со 0.029 секунди подобро време од новиот возач на Астон Мартин, Фернандо Алонсо, додека трет бше Карлос Саинс Јуниор во Ферари со 0.415 секунди. Сите возачи оваа сесија возеа со „Ц3“ гуми. Шарл Леклер во второто Ферари беше четврти пред Луис Хамилтон во новиот Мерцедес W14.
🏁 DAY 1 TESTING CLASSIFICATION 🏁
Max Verstappen and Red Bull on fire 💪🔥
And, an impressive time from Fernando Alonso in the @AstonMartinF1 car, with the Ferraris close behind 😏#F1 #F1Testing pic.twitter.com/uSYNhWfWLY
— Formula 1 (@F1) February 23, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тен Хаг ќе добие отказ, можен наследник е Де Зерби
Иако Манчестер јунајтед го освои ФА Купот, гласините за отказот на Ерик Тен Хаг не стивнуваат. Доколку тоа се случи, прв фаворит на клупските челници е Роберто де Зерби.
Тен Хаг тврдеше дека новите луѓе во спортскиот сектор му рекле дека сакаат со него да го започнат новиот проект. Сепак, тој истакна дека доколку сакаат да го заменат, има каде да оди да освојува трофеи.
Можеби воторото сценариото ќе се оствари, бидејќи на „Олд Трафорд“ не се импресиоирани од она што во две сезони го оствари Тен Хаг.
Како што пренесува „Гардијан“, Џим Ретклиф го контактирал поранешниот тренер на Брајтон, Роберто де Зерби. Италијанецот ги напушти „галебите“ на крајот од сезоната, а неговото име се поврзува со голем број големи клубови.
Ако Де Зерби не ја прифати понудата, на листата кандидати следуваат: Томас Тухел, Киеран Мекена, Маурисио Покетино и Томас Франк.
Спорт
Трагедија: литвански кошаркар пронајден мртов во Џенова
Литванскиот кошаркар Ауримас Кибас го загуби животот под мистериозни околности во Џенова.
Кибас, кој има 27 години, паднал од заграда висока 20 метри.
Кошаркарот на Берингброу бил во посета на својот пријател Римантас Даунис кој игра за Сестри. Вечерта кога се случила несреќата бил во ноќен клуб.
Според луѓето кои го виделе, тој бил под дејство на опијати, а наводно бил вмешан во тепачка. Неговите пријатели го загубиле во текот на вечерта, која заврши трагично.
Полицијата не исклучува самоубиство, но не исклучуваат ниту други сценарија.
Спорт
Анчелоти кариерата ќе ја заврши во Реал
Реал Мадрид и Борусија Дортмунд во сабота од 21 часот ќе го играат финалето на Лигата на шампионите на Вембли. Тренерот на „кралскиот клуб“, Карло Анчелоти (64) даде интервју за „Ла Република“ пред последниот натпревар од сезоната. Меѓу другото, тој одби да зборува за доаѓањето на Килијан Мбапе, бидеќи овој трансфер се уште не е официјално потврден.
Најинтересниот одговор на Анчелоти секако е оној за крајот на неговата тренерска кариера.
„Мојата кариера ќе заврши во Реал, но прво сакам да освојам уште една Лига на шампиони. Јас сум Мадридиста, се идентификувам со клубот, сакам да ги израдувам луѓето во клубот и навивачите“, изјави Анчелоти и додаде дека верува оти неговиот син Давиде може да биде главен тренер, но засега остануваат заедно во Реал.
Анчелоти како фудбалер освои седум трофеи со Милан и пет со Рома како централен играч за врска, а уште поуспешена е неговата тренерска кариера.
Од 1992 година до денес ги предводел Реџана, Парма, Јувентус, Милан, Челзи, ПСЖ, Баерн, Наполи, Евертон и Реал, со кого има договор до летото 2026 година.
Досега четири пати ја освои Лигата на шампионите, по два пати со Реал и Милан.