Спорт
Побега дипломираше на тема Милан!
Фудбалерот на Милан, Томасо Побега дипломираше бизнис-администрација на Пегазо Телематик универзитетот со напис за неговиот клуб, Милан.
Италијанскиот фудбалер од средниот ред се запиша на факултет пред 4 години, додека беше фудбалер на Порденоне, и покрај фудбалот активно се посветил и на студиите, и во ноември му недостасуваше само уште еден испит за дипломирање. Според „Ла газета дело спорт“, Побега го завршил факултетското образование со тема „Социјалната одговорност на Милан“, основан на „росонерите“ и нивните активности надвор од фудбалскиот терен.
Едно од поглавјата на неговата теза е посветена на Фондацијата Милан, која оваа година ја прославува својата 20-годишнина. Фондацијата комплетираше 210 проекти на светот, инвестирајќи 12 милиони евра за помош на 50.000 млади луѓе во „социо-образовни иницијативи“.
Победа, кој има договор со Милан до 2027, оваа година имаше 21 настап за „росонерит“ со два гола во 794 минути игра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Навивач на ПАОК го плукна Матијас Лесор
Големото дерби меѓу ПАОК и Панатинаикос во преполната сала „Палатаки“ во Солун заврши со инцидент.
Матијас Лесор бесен го напуштил паркетот, пишува порталот „СДНА“, откако го плукнал еден од навивачите на црно-белите.
Наводно, центарот на Панатинаикос со намера да се поздрави им пришол на група навивачи на Партизан, кои ги препознал меѓу поддржувачите на ПАОК, но еден од навивачите на домашната екипа го плукнал во лице.
Лесор, пишува „СДНА“, полудел и се обидел да се пресмета со навивачот, но бил задржан од соиграчите и членовите на стручниот штаб на Панатинаикос.
Овој портал наведува дека тогаш дошло до тепачка меѓу малата група навивачи од Белград и навивачите на ПАОК, но ситуацијата брзо се смирила.
Инаку навивачките групи на ПАОК и Паризан се збратимени.
Инцидентот се случи по завршувањето на вториот натпревар од четвртфиналната серија на грчкиот плеј-оф, во кој Панатинаикос го совлада ПАОК како гостин по продолжение (96:99, 89:89) и се пласираше во полуфиналето со резултат 2:0.
Oh my, oh my, fan spit Matias Lessort, and he got pretty mad. #kkp #paobc pic.twitter.com/SKy6RRpyHs
— Milos NS (@MilosNSNS) May 19, 2024
Спорт
Поразениот Фјури со тешка повреда во болница го испратил победникот Усик
Тајсон Фјури го загуби мечот и титулата на во тешка категорија на ВБЦ, но го теши сознанието дека го испратил во болница со тешка повреда, новиот апсолутен шампион во тешка категорија.
Олександр Усик со скршена вилица директно од „Кралската сала“ во Ријад е пренесен во итната медицинска помош, пишува „Дејли мејл“.
Не е познато во кој момент од 12-те исцрпувачки рунди Украинецот заработи тешка повреда, но очигледно е дека под налетот на адреналинот не помислил да се откаже.
Меѓутоа, кога заврши борбата со Англичанецот и кога беше прогласен за неприкосновен шампион на планетата во „кралската категорија“ по 24 години му беше препорачано да побара лекарска помош. Поради тоа Усик не им се обрати на новинарите, за разлика од поразениот кој застана пред камерите и го доведе во прашање исходот од борбата во која упати сто удари повеќе од својот ривал – но и значително помалку пласираше таму каде што треба.
„Борбата штотуку заврши. Го гледате моето лице? Тоа е прилично заеб..о, а тој штотуку беше однесен во болница со скршена вилица. Тука 12 рунди убваме „бога“ еден во друг. Значи, време е да си одам дома, да изедам нешто јако, да се напијам неколку пива, да поминам време со моето семејство, да го шетам кучето и да разговарам со Френк (менаџерот) за тоа што ќе правиме во иднина“. изјави 35-годишниот боксер од предградието на Манчестер, кој се пензионираше и неколку пати се враќаше на боксот.
Во договорот тој има право на „жалба“, односно можност да закаже реванш со Усик. Новинарите од Ријад наведуваат дека промоторот на Фјури, Френк Ворен, меѓу редови најавил дека неговиот клиент ќе го искористи тоа право и дека реваншот ќе се случи најверојатно во октомври.
Спорт
Ројс со пиво почести 80.000 навивачи
Фудбалерот на Борусија Дортмунд, Марко Ројс го одигра последниот натпревар на „Вестфален“, пред домашните навивачи.
Во последното коло од Бундес лигата Дортмунд, вчера победи против Дармштад со 4:0, а меѓу стрелците се запиша и Ројс. Од слободен удар го постигна вториот гол на натпреварот.
Ројс ги почести сите 80.000 фанови со пиво со порака на прошталниот натпревар.
„Во благодарам за се! Последната тура пиво е на мене”.
Германецот по 12 години ја напушта Борусија, а колку се емотивни неговите соиграчи и навивачи покажува кореографијата што му ја подготвија.
На Ројс му останува уште еден натпревар, а тоа е финалето од Лигата на шампионите на 1 јуни против Реал Мадрид на „Вембли“.
Dortmund reverencia Marco Reus. Hoje a festa é sua, craque! 👏🟡⚫️#BundesligaNoSportv pic.twitter.com/DyEIvSxW0s
— sportv (@sportv) May 18, 2024