Кошаркарите на Оклахома Сити Тандер играа против Лос Анџелес Лејкерс и ги декласираа со 121:92.

По првата четвртина беше 30:18 за актуелните шампиони на НБА лигата, а на полувреме беше 70:38, со што беа решени дилемите околу победникот.

Актуелниот MВП на лигата Шеј Гилџис-Александер беше првото име на дуелот со учинок од 30 поени, пет скока и девет асистенции.

Исаија Џо додаде 21 со пет асистенции, а Еј Џеј Мичел имаше 14 поени во 12-та победа на Тандер во 13-от натпревар од почетокот на сезоната.

Оклахома Сити ги запре Лејкерс со добра одбрана и го лимитираше тимот што е лидер во лигата по процент на шут од поле (51,2 проценти) на само 40,3 проценти реализација во овој натпревар.

Лука Дончиќ исто така потона во сивилото на тимот од Лос Анџелес.

Словенецот го одигра својот најслаб натпревар оваа сезона. Оваа сезона, тој има просек од 37,1 коша, со 9,4 скока и 9,1 асистенции, а Тандер го лимитираа на само 19 поени (тројки 1/7, вкупно 7/20), со четири изгубени топки. Исто така, имаше седум скока и асистенции.

Бидејќи Леброн Џејмс сè уште не е подготвен, Лејкерси најмногу се потпираат на дуото Дончиќ – Остин Ривс. Кога двајцата се заедно на паркетот, односот на тимот до овој натпревар беше 4-1. Покрај Дончиќ, Тандер го запреа и Ривс кој постигна само 13 поени. Досега тој имаше просек од 30,3 поени по натпревар.

Извонреден натпревар во Сан Антонио одиграа Спарс и Голден Стејт Вориорс. Победата им прпадна на гостите од Сан Франциско (120:125). Ова е прв домашен пораз на Сан Антонио од почетокот на сезоната.

Вориорси ги предводеше Стеф Кари со 46 поени (13/25 од поле, 5/16 од три, 15/16 од слободни фрлања), со пет скока и пет асистенции.

Друштво му правеше Џими Батлер, кој додаде 28 поени, осум асистенции и шест скока, а Мозес Муди имаше 19 поени.

Во поразениот тим, двајца играчи постигнаа трипл-дабл учинок, Виктор Вембањама имаше 31 поен, 15 скока и 10 асистенции.

Стефон Касл исто така имаше двоцифрен број на поени во три колони: 23 поени, 10 скока и 10 асистенции.

Тој и Вембањама станаа првите играчи на Сан Антонио кои имаа трипл-дабл во ист натпревар.

НБА, резултати:

Шарлот – Милвоки 111:100
/Бриџис 20 – Ролинс 25/

Детроит – Чикаго 124:113
/Рид 28 – Бузелис 21/

Њујорк – Орландо 107:124
/Бренсон 31 – Вагнер 28/

Бостон – Мемфис 131:95
/Причард 24 – Џексон Џуниор 18/

Мајами – Кливленд 116:130
/Пауел 27 – Ален 30/

Хјустон – Вашингтон 135:112
/Дурант 25 – Сар 25/

Њу Орлеанс – Портланд 117:125
/Квин 26 – Шарп 35/

ЛА Клиперс – Денвер 116:130/Харден 23 – Јокиќ 55/

Далас – Феникс 114:123
/Томпсон 19 – Букер 26/

Сакраменто – Атланта 100:133
/Елис 20 – Џонсон 24/

Фудбалската репрезентација на Англија успешно ги финишира квалификациите за Светското првенство. Англичаните изборија место на Мундијалот, а од вечерва ги започнуваат подготовките за планетарната смотра. Во К групата, Англија во претпоследното коло ќе ја пречека Србија.

Пред натпреварот на „Вембли“, селекторот Томас Тухел ѝ порача на англиската јавност дека Хари Кејн, Фил Фоден и Џуд Белингам не можат да играат заедно во неговиот систем.

Тој додаде дека нема да бега од тешки одлуки дури ни на Светското првенство, бидејќи неговата работа не е сите да играат и сите да бидат среќни, туку Англија да победува.

„Можат ли да играат заедно? Можат, но во различна формација. Засега не планираме да ја менуваме структурата“, одговори Германецот на последната прес-конференција пред дуелот со Србија.

„Можеби би можеле да играат заедно, но не на иста позиција. Наместо да бараме начин сите да играат, можеби е подобро секој да игра на својата најдобра позиција и да има здрава конкуренција. Моментално, двајцата се во директна борба за место. Тие се добри пријатели, може да биде позитивно соперништво. Тие не се непријатели. Се почитуваат едни со други и се борат за истата позиција“, додаде тој, покажувајќи како се носат непријатни одлуки и во исто време отфрлајќи го притисокот од јавноста.

Белингам доби повик за прв пат од јуни и пријателскиот натпревар со Сенегал, додека Фоден не играше за националниот тим од март минатата година и дуелот со Латвија.

Никола Јокиќ и неговата брилијанта партија во победата над Клиперси во Лос Анџелес 130:116 е историска во НБА лигата.

Двократниот МВП во регуларниот дел од сезоната, речиси сам ги победи Клиперси. Постигна 33 поени во едно полувреме, на крајот мечот го заврши со 55 поени, со 78 отсто реализација од поле (погоди пет трјки од шест обиди), забележа 12 скока и шест асистенции. Вкупно на тернот мина 34 минути.

Јокиќ е четвртиот играч во историјата на НБА кој постигнал 55 поени со најмалку 78 реализација. Српскиот центар на овој меч постигна повеќе поени од целата стартна петорка на ЛА Клиперс.

Само Вилт Чемберлен, Адриан Дантли и Карл Малоун го направиле тоа пред него, а сега „Џокерот“ им се придружи во тој ексклузивен клуб.

Интересно, Нагетс победија во натпревар во кој Јокиќ постигна повеќе од 50 поени за прв пат, по четири порази.