Реал Мадрид се знават во АЦБ лигата ја започна со тешка победа над Бургос (70:63). Пабло Ласо, долгогодишниот тренер на Реал, неколку пати го искажа бесот, поради грешките кои ги правеа неговите играчи.

На крајот цехот го плати најмладиот во тимот, Тирстан Вукчевиќ.

„Јас сум будала што те оставив на теренот…“, му викал Ласо на младиот кошаркар во еден тај-аут.

Тристан Вукчевиќ има неполни 19-години, неговиот талент го споредуваат со оној на Лука Дончиќ.

Она што е интересно е што Вукчевиќ можел да бира помеѓу пет национални тимови. Неговиот татко Душан Вукчевиќ е поранешен репрезентативец на Србија, Тристан е роден во Италија, кога неговиот татко бил играч на Монтепаски Сиена .
Мајката на Тристан е од Шведска, а бидејќи неговиот татко Душан има и грчко државјанство бидејќи четири години играл во оваа земја.

Бидејќи живее во Шпанија, Тристан Вукчевиќ, наскоро очекува да добие и шпанско државјанство.

"¡Soy gilipollas porque te dejo en el campo!"
Pablo Laso a Tristan Vukcevic. #ListosParaRomperla pic.twitter.com/ZAVyJq03hY

— Basket en Movistar+ (@MovistarBasket) September 19, 2021

Првиот викенд од месец октомври оваа година е резервиран за спорт и рекреација. На 2 и 3 октомври ќе се одржи 17. Визер скопски маратон, кој традиционално низ годините го изгради темелот на спортувањето и здравиот начин на живот.

Визер скопски маратон 2021 оваа година ќе се одржи во период од два дена, со што в сабота, на 2 октомври ќе се трча трката на 5 километри, со старт од 17 часот, а в недела, на 3 октомври, ќе се трчаат маратонот, полумаратонот и штафетниот маратон – ЕУ за спорт, со почеток во 8 часот.

Подигањето на стартните пакети ќе биде од 30 септември до 2 октомври, во период од 12:00 часот до 19:00 часот, пред главниот влез на салата „Борис Трајковски“, а при подигање на истите, учесниците над 18 години задолжително ќе мора да покажат сертификат – потврда за извршена имунизација или примена барем една доза вакцина, потврда за прележан Ковид-19 во последните 45 дена или потврда за негативен ПЦР-тест направен во последните 72 часа пред одржување на трката.

Визер скопски маратон 2021 ќе се реализира под специјални протоколи одобрени од Комисијата за заразни болести при Министерството за здравство, со што ќе биде задолжително одржување дистанца од 1,5 метри, носење маска пред и по завршувањето на трката, како и постојана дезинфекција на рацете.

Оваа година, исто како и претходните, Визер скопски маратон ќе биде домаќин на најдобрите македонски маратонци, кои ќе трчаат на Државното превенство во маратон, кое Атлетската федерација на Македонија го организира во склоп на овогодишниот маратон. Организаторите и учесниците со нетрпение го очекуваат 17. издание на Визер скопски маратон.

Визер скопски маратон е во организација на Сојузот на спортови на Скопје, во соработка со Атлетски клуб „Работнички“ од Скопје, а е под покровителство на Град Скопје, Делегацијата на ЕУ и Агенцијата за млади и спорт.

Хамес Родригез се подготвува да ја напушти Европа и да ја продолжи кариерата во Катар. Колумбиецот, за кого нема место кај Рафа Бенитез во Евертон, преговарал со Ал Рајан. овој клуб од клупата го предводи Лоран Блан.

Родригез, поранешен играч на Монако, Реал и Баерн, од почетокот на сезоната нема одиграно натпревар за Евертон. На Гудисон парк, пристигна минатата сезона, на неговиот трансфер инсистираше Карло Анчелоти.

Сезоната во Премиер лигата ја заврши со шест голови и девет асистенции.

Проблемите за него започнаа кога Анчелоти реши да ја прифати понудата од Реал Мадрид. Новиот тренер, Рафа Бенитес, веднаш му порача да си бара нов клуб.

30-годишниот фудбалер преговараше со Милан и Башакшехир, меѓутоа преговорите му пропаднаа поради неговата плата од девет милиони евра.