Спорт
Ферстапен: Сигурно нема да одам на вечера со Хамилтон
![](https://makfax.com.mk/wp-content/uploads/2021/10/Lewis-Hamilton-and-Max-Verstappen-Hungarian-GP-Press-Formula1news.co_.uk_.v1-1024x693-1.jpg)
Лидерот во генерален пласман во Ф1 шампионатот, Макс Ферстапен отворено зборуваше за односите со својот ривал за титулата, седумкратиот шампион Луис Хамилтон, признавајќи дека покрај тензијата на патеката, сигурно нема да одат на заедничка вечера.
На шест трки пред крајот, Ферстапен има 12 поени предност пред Хамилтон по победата на Американското ГП, и вели дека односите се типични за двајца возачи кои се вклучени во борба за најголемата награда.
„Добро е. Мислам дека сме такви какви што треба да бидат двајца натпреварувачи. Сигурно нема да одиме на заедничка вечера, но тоа е океј. Двајцата го имаме тој натпреварувачки дух и се обидуваме да се победиме на патеката, но и да се почитуваме кога битката ќе заврши. Да, имаше неколку тензични моменти, но мислам дека двајцата се однесуваме доволно добро“, вели Ферстапен.
Тој додава дека не реагира на написите за ривалството, посебно во британските медиуми.
„Знам што треба да направам во Ф1, со тимот и навистина не сум заинтересиран за другите приказни. Не ги следам вестите, се фокусирам на семејството и на пријателите кога сум дома. Кога сум на социјалните мрежи, не сакам да гледам болиди“, додава Ферстапен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
![](https://makfax.com.mk/wp-content/uploads/2024/06/jonatan.jpg)
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва