Спорт
Фетел: Не би кажал дека Леклер ми е најсилниот колега
Себастијан Фетел смета дека не поминало доволно време за да дознае дали Шарл Леклер е неговиот најсилен тимски колега во неговата кариера. Момчето од Монако оваа сезона му создаде многу проблеми на четирикратниот светски шампион, и има повеќе победи, подиуми, пол-позиции и поени од Германецот.
Ако Фетел заврши со помалку поени од 21-годишниот Леклер, тоа ќе биде првпат да загуби битка со колегата од 2014, кога Даниел Рикардо го победи како колега во Ред бул. Сепак, тој уште нема доволно „податоци“ за проценка.
„Не е фер да споредуваме бидејќи сме многу кратко заедно. Секако, тој е млад и многу брз и во тоа не се сомнева никој. На крајот не може да се споредува бидејќи би требало да ги поставиме и Марк Вебер, Кими Раиконен, Даниел Рикардо, Витантонио Лиуци и Себастиен Бурде во ист болид па да ’мериме’. Затоа не е фер. Ова е само негова втора сезона во Ф1 и тоа е многу различно од Кими и Марк, кои поминаа многу време во Ф1 и имаа многу повеќе искуство“, вели Фетел.
Тој и Леклер неколку пати се „судрија“ оваа сезона со игнорирање на тимски наредби и пред Јапонското ГП Луис Хамилтон изјави дека сега е јасно дека Фетел не е возач број 1 во тимот, но Германецот вели дека не му пречи ситуацијата.
„Добро е што тој е добар репер за мене. Кажав дека во моментите кога се мачам да го извлечам максимумот од себеси, одлично е да имаш брз колега. И за тимот е добро да имаме борба“, додава Фетел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.