Спорт

Фетел си заминува од Ферари, Луис Хамилтон ја „дочека“ својата шанса

Објавено пред

3 недели

- 12 мај, 2020

Од

И покрај тоа што изјави дека „му поминала желбата“ да вози за Ферари, шесткратниот светски шампион Луис Хамилтон може да заврши во италијанскиот тим, откако Скудерија и Фетел продолжија дека нема да продолжат заедно по 2020.

Распадот на преговорите на Германецот со Ферари беше најавуван неколку месеци, но сега е јасно дека тој нема да продолжи во 2021 година и дека едно од најпосакуваните возачки места во Ф1 останува празно.

Фетел дојде во Ферари во 2015 како четирикратен светски шампион со Ред бул, но ниту тој, ниту тимот не успеаја да стигнат до светски титули последните четири сезони, потфрлајќи во борбата со Хамилтон и Мерцедес.

„Мојата врска со Скудерија Ферари ќе заврши на крајот на 2020. За да се постигнат најдобрите резултати во овој спорт, потребно е сите страни да работат во совршена хармонија. Тимот и јас одлучивме дека веќе нема заедничка желба за останување по крајот на сезоната. Финансиските причини немаат никаква врска во оваа заедничка одлука. Никогаш не сум носел одлуки мотивиран од парите, нема ниту сега. Тоа што се случуваше последните месеци не натера да погледнеме кон вистинските приоритети во животот. Потребно ми е време да одлучам што е вистина важно во мојата иднија. Скудерија Ферари има посебно место во Ф1 и се надевам дека ќе дојде заслужениот успех“, вели Германецот.

Минатиот декември, Ферари потврдија дека имале преговори со Хамилтон околу потенцијален трансфер во Маранело по крајот на неговиот договор со Мерцедес во 2021 година. Подоцна, Хамилтон изјави дека би сакал да остане во Мерцедес, но со вака привлечно место „слободно“ може да биде предизвикан.

Покрај Хамилтон, пореални и „поефтини“ опции за Ферари се возачот на Рено, Даниел Рикардо и возачот на Мекларен, Карлос Саинс Јуниор, иронично, возачи на два тима кои наводно веќе му понудиле договор на Фетел.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Балотели и Кјелини се смирија

Претходно

Кутињо поради Меси не успеал во Барселона

Спорт

Георгиевски го засили Вардар

Објавено пред

58 минути

- 2 јуни, 2020

Од

TopSport.mk

Уште еден ракометен репрезентативец од наредната сезона ќе настапува во Македонија. По Филип Талески договор со Вардар склучи и Гоце Георгиевски. Десното крило во наредните две сезони ќе го носи црвено-црниот дрес.

Георгиевски изминатите три сезони беше играч на ЧСМ Букурешт. Пред неколку дена тој беше избран во тимот на сезоната во Романија.

Првите девет сезони во кариерата (2006-2015) Герогиевски ги мина во Металург, со тимот од Автокоманда шест пати го освоил првенството. Пред да се пресели во Романија една сезона мина во Тулуз.

Георгиевски е петтото засилување за Врадар по Робин Кантегрел, Томислав Јагуриновски, Дмитри Санталов и Филип Талески.

Прикажи повеќе...

Спорт

Блатер: Американците ја бараа мојата глава

Објавено пред

1 час

- 2 јуни, 2020

Од

TopSport.mk

Поранешниот претседател на Светската фудбалска федерација (ФИФА) Сеп Блатер рекол дека бил притисната од Американците да поднесе оставка на функцијата.

Блатер ја напушти функцијата на денешен ден во 2015 година. Оставката ја поднесе иако неколку дена претходно тој беше повторно избран за претседател на ФИФА.

Швајцарецот открива дека бил принуден на поднесе оставка.

„Ми кажаа, твојата глава мора да падне“, изјавил Блатер за швајцарските медиуми.

Токму американските власти ја истражуваа корупцијата во ФИФА во времето на Блатер. На чело на ФИФА Блатер се наоѓаше од 1998 до 2015 година.

Тој доби забрана да врши функции во фудбалот поради сомнителната исплата од два милиони долари на тогашниот претседател на УЕФА Мишел Платини.

Прикажи повеќе...

Спорт

Македонија од вториот шешир ќе брка пласман на ЕП

Објавено пред

2 часа

- 2 јуни, 2020

Од

TopSport.mk

Ракометната репрезентација на Македонија од вториот шешир ќе ги чека противниците во квалификациите за пласман на Европското првенство што ќе се одржи во Унгарија и Словачка во 2022 година.

ЕУРО 2022 ќе биде првото на кое ќе учествуваат 24 репрезентации. Пласман на шампионатот ќе изборат првите две селекции од сите осум групи и четири третопласирани селекции. Пласман на ЕП веќе изборија финалистите од последното првенство Шпанија и Хрватска

Квалификациите ќе започнат во ноември, а ќе завршат во мај 2021 година.

Шешир 1: Норвешка, Шведска, Данска, Германија, Франција, Словенија, Чешка, Исланд.

Шешир 2: Македонија, Австрија, Белорусија, Португалија, Србија, Русија, Црна Гора, Холандија.

Шешир 3: Швајцарија, Литванија, Романија, БиХ, Украина, Летонија, Полска, Белгија.

Шешир 4: Финска, Италија, Турција, Израел, Естонија, Грција, Косово, Фарски острови.

Прикажи повеќе...