На стадионот во Фросиноне, екипата на Рома предводена од Жозе Мурињо одигра пријателски меч против унгарски Дебрецин. Мечот заврши со резултат 5-2 во корист на „волчицата“, а Португалецот во второто полувреме направи дури 10 замени во екипата.

Иако Дебрецин преку Барани во 4. минута дојде во водство, најпрво Мајорал во 28. израмни на 1-1, а 5 минути подоцна Пелегрини погоди за водство.

Во вториот дел Заниоло зголеми на 3-1, а веќе во следниот напад резултатот на мечот беше 3-2. Стрелец за унгарскиот тим беше Уграи.

До крајот на мечот репрезентативецот на БиХ Един Џеко со два погодока во 65. и во 80. минута ги постави конечните 5-2 за Рома.

Младата германска џудистка Џована Скочимаро (23) е само една од спортистите кои сакаа да се фотографираат со првиот светски тениски рекет, Новак Ѓоковиќ во Токио. Желбата и се исполни, а реакцијата доволно говори.

Воодушевена е од можноста да направи селфи со Ноле, па се растрча низ Олимпиското село.

Погледнете ја реакцијата на џудистката која се натпреварува во категорија до 70 килограми, а нејзината борба е по 3 дена:

Reaction after selfie with Novak 😂

IG:(https://t.co/SnB3xGkZM0) pic.twitter.com/1Kbd7tVfNp

— THE JOKER(S) 🃏🇷🇸 (@NBASerbians) July 25, 2021

Најдобриот македонскиот фудбалски репрезентативец, долгогодишниот капитен Горан Пандев во интервју за емисијата „СпортЛајт“ раскажа за својата фудбалска кариера и македонската репрезентација. Пандев упати низа пофалби на сметка на сега веќе екс-селекторот Игор Ангеловски.

„Кај нас играат многу играчи. Има Албанци, Турци, Македонци, разни националности, но навистина живееме како едно семејство, тоа се гледа и на теренот и надвор од него, затоа што сите меѓусебно се почитуваме и тоа мислам дека е најголема заслуга на Игор Ангеловски“ рече меѓудругото Горан Пандев.

За времето поминато во тимот на Интер, Пандев рече дека српскиот ас, Дејан Станковиќ многу му помогнал. Вели дека е голем човек.

Пандев кој ја заврши репрезентативната кариера според информациите од Џенова уште една сезона ќе го носи дресот на клубот од југот на Италија.

Комплетната емисија со Горан Пандев ќе биде емитувана вечерва со почеток во 22.10 часот на Спорт клуб 1.