Тотенхем стигна до импресивна 4:1 победа над Кристал палас за трет триумф во низа на тимот на Жозе Мурињо за доближување на само два поени од топ 4 пласман во Премиер лигата, откако Хери Кејн и Герет Бејл имаа вистинско шоу во северен Лондон.

Кејн прво му асистираше на Бејл во 25. минута за водство на Тотенхем, но Кристијан Бентеке со убав гол со глава израмни на истекот на првото полувреме. Во второто полувреме, во 49. минута, Кејн повторно му асистираше на Бејл за Велшанецот да го постигне својот шести гол во последните шест меча, за потоа Кејн самиот двапати да се запише во листата на стрелците во 52. и 76. минута.

Тотенхем сега се шести со 45 поени, еден зад Евертон на петтото место и два зад Челси, додека Палас се на 13. место со 34 поени.

Манчестер јунајтед можеби веќе ја загуби трката за премиерлигашката титула со „гласниот градски сосед“ Манчестер сити, но тоа не ги спречи да стигнат до 2:0 победа на „Етихад“ и така да стават крај на славната низа од 21 победа едноподруго на тимот на Пеп Гвардиола.

И покрај победата, разликата останува 10 поени во предност на Сити на 10 кола пред крајот на сезоната и тешко е да се очекува дека тимот на Гвардиола сега ќе влезе во криза, сепак, победата е „слатка“ за Јунајтед, кои во последните три меча одиграа три разочарувачки 0:0 ремија. Пред овој меч, Сити имаа 21 победа во низа во сите натпреварувања, од кои 15 во Премиер лигата, со вкупна гол разлика од 55:8.

Шокот за Сити дојде рано, откако уште во втората минута, Антони Марсијал беше соборен во шестнаесетникот, а Бруно Фернандеш беше сигурен од белата точка и покрај тоа што Едерсон беше многу блиску до топката.  По ова, Сити „притиснаа“, но не успеаја да го пробијат голот на Дин Хендерсон, по што во 50. минута, Лук Шо успеа повторно да го совлада Едерсон за 0:2.

Шпанската Ла лига прва се пофали со користењето на новите „8k“ видео-камери, кои на мадридското дерби на „Ванда Метрополитано“ покажаа поинаква димензија на виденото, што најдобро се забележи со прославата на Луис Суарез на неговиот гол за Атлетико.

Суарез, кој има 17 гола оваа, даде гол во 15. минута од мечот со убав удар, по што беше опкружен со своите соиграчи, и ја направи традиционалната прослава, посветата кон неговата сопруга Софија и кон неговите ќерки.

На социјалните мрежи беа воодушевени од виденото, со многу коментари дека видеото изгледа како да излегло од видео-игра.

„8k“ камерите веќе се користат во американската НФЛ лига, додека шпанската Ла лига првпат ги користеше минатиот месец на дуелот помеѓу Барселона и Атлетик Билбао.

🔴📸⚪️ @LuisSuarez9 celebrates the opener with the #LaLigaFanCam!#AtletiRealMadrid pic.twitter.com/zgGhHnXX5S

— LaLiga English (@LaLigaEN) March 7, 2021

How big could that goal be from @Benzema? ⚡️#LaLigaFanCam pic.twitter.com/mqkDMXQXNj

— LaLiga English (@LaLigaEN) March 7, 2021

La Liga with that 8K HD camera quality for the Madrid derby like Fox Sports NFL coverage?? 👀💯pic.twitter.com/Sibalrmtid

— Blaynos (@Blaynos14) March 7, 2021