Спорт
Филаделфија и Далас изедначија против Мајами и Финикс
Филаделфија и Далас изедначија на 2:2 во сериите против Мајами, односно Финикс. Филаделфија го победи Мајами со 116:108, а Далас триумфираа над Финикс со 111:101.
Најдобрите играчи на Филаделфија, Џејмс Харден и Џоел Ембид го предводеа својот тим до победата. Харден мечот го заврши со 31 поен, 7 скока, 9 асистенции и 6 украдени топки, додека Џоел Ембид постигна 24 поени со 11 скока, а Тајрис Мекси постигна 18, 13 Тобајас Харис, 11 Дени Грин, а двоцифрен беше Џорџ Нианг со 10 поени.
Во редовите на Мајами најсилен отпор пружи Џими Батлер, кој постигна дури 40 поени со 3 скока и 6 асистенции.
Покрај Батлер одличен беше и Бем Адебајо кој мечот го заврши со 21 поен, 7 скока и 4 асистенции, додека Виктор Оладипо имаше 15.
Далас со тројки го затрупа кошот на Финикс, што беше клуч за победата во четвритот натпревар. Кошаркарите на Далас постигнаа 20 тројки, осум од нив клучниот играч на овој натпревар Доријан Фини-Смит.
Фини-Смит натпреварот го заврши со 24 поени. Лука Дончиќ беше најефикасен со 26 поени, 7 скока и 11 асистенции. Словенецот лошо шутираше погоди само 9 од 25 обиди, 10 пати се обиде за три поени, постигна само една тројка.
На спротивната страна се истакна Девин Букер со 35 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пјастри го освои спринтот во Катар пред Расел и Норис
Оскар Пјастри го освои спринтот на патеката „Лосаил“, во пресрет на утрешната Голема награда на Катар. Австралиецот оствари хет-трик во спринтот на оваа патека, победи и претходните две сезони. Пјатри, до победата дојде пред возачот на Мерцедес, Џорџ Расел и тимскиот колега, Ландо Норис.
Апсолутно никакви возбудувања не донсе спринтот во Катар. Првите тројца ги задржаа своите позиции, напредуваше, што беше и очекуано, Макс Ферстапен од шестото на четвртото место.
Во текот на трката, Андреа Кими Антонели успеа да ја поправи својата позиција, стартуваше седми, заврши на шестото место.
Бодови покрај најдобрите тројца, односно Ферстапен и Цунода, освоија и Антонели (Мерцедес), Фернандо Алонсо (Астон Мартин) и Карлос Саинц (Вуилијамс).
Вечерва од 19.30 часот, на програмата се квалификациите за главната трка. Големата награда на Катар се вози утре од 17 часот.
Во генералниот пласман води Норис со 396 поени, има 22 поени повеќе од Пјастри и 25 од Ферстапен. Доколу Норис утре победи ќе ја освои шампионската титула.
Foto/ EPA
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.

