Спорт
Финалето во Лига Европа низ бројки
Арсенал и Челси вечерва ќе се борат за трофејот во Лига Европа. Натпреварот во Баку, Азербејџан ќе започне во 21 часот. Иако се работи за финале на второто квалитативно натпреварување на УЕФА, дуелот има поголемо значење за Арсенал, бидејќи доколку победата играчите на Унаи Емери ќе изборат пласман во Лигата на шампионите.
Дуелот во Баку ќе биде 198 пресметка на ривалите од Лондон. Првиот натпревар го одиграле уште во 1907 година. Арсенал имаат повеќе победи (78-63). Нерешено завршиле 58 натпревари.
Најубедливата победа ја има Челси, на 22 март 2014 година, кога на Арсен Венгер „сините“ му го расипаа јубилејот, 1000 меч на клупата на Арсенал.
Челси оваа сезона постигнале 32 гола во Лига Европа, три повеќе од Арсенал. Двата тима забележале по 14 победи. Челси в ЛЕ се без пораз, имаат 11 победи и три нерешени натпревари.
Арсенал низ историјата шест пати, во европските купови, играле против екипи од Англија. Интересно ниту еднаш не победиле, имаат четири порази.
Финалето во Баку е четвртото во кое за пехарот ќе се борат екипи од иста држава. Тотенхем во 1972 година, со вкупни 3:2 победиле против Вулверхемптон. Порто ја победиле Брага во 2012 година, а наредната година Атлетико Мадрид биле подобри од Атлетик Билбао.
Челси пехарот во Лига Европа го освоиле во 2013 година. Поради повреда финалето против Бенфика го пропуштил Еден Азар. Дуелот со Арсенал вечерва веројатно ќе биде последниот меч за Азар во дресот на Челси.
Петр Чех беше дел од Челси во 2013 година. Вечерашниот меч ќе биде последен во неговата кариера. Легендарниот чешки голман настапил на 130 натпревари во европските купови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Во сообраќајна несреќа тешко повреден Бабнгида, брат му загина, сопругата и детето се во критична состојба
Поранешниот нигериски фудбалер Тијани Бабангида (50) имал тешка сообраќајна несреќа на автопатот во Нигерија, а во несреќата загинал неговиот три години помлад брат Ибрахим.
Тијани, неговата сопруга, син и куќна помошничка, кои исто така биле во автомобилот, со тешки повреди биле примени во болница.
Некои медиуми тврдат дека Тијани е свесен, а остатокот од семејството сѐ уште е во критична состојба, но закрепнува.
Тијани Бабангида беше репрезентативец на Нигерија од 1994 до 2004 година и играше на Светското првенство во 1998 година, а најголема трага во клупскиот фудбал остави во Ајакс во периодот од 1996 до 2003 година.
Тијани моментно е претседател на Здружението на професионалните фудбалери на Нигерија. Фудбал играше и трагично загинатиот Ибрахим. Најмногу играше за африкански клубови, но стигна и до холандски Волендам.
Спорт
Евролига: Прочида најдобар млад играч
Кошаркарот на Алба од Берлин, Габриеле Процида е прогласен за најдобар млад играч на Евролигата, објавено е на веб-страницата на елитното натпреварување.
Прочида е третиот Италијанец кој ја освоил престижната награда, по Андреа Барњани (2005/06) и Данило Галинари (2007/08).
Талентираниот кошаркар имаше голема конкуренција за наградата, особено од неговиот соиграч од Алба и сонародник Матео Спањоло.
Сепак, тој имаше поголема улога во тимот, поради што и го доби признанието кое го изгласаа тренерите на екипи во Евролигата.
Оваа сезона имаше просек од 8,3 поени, 1,6 скока и 1,4 украдени топки.
Сезонава 10 пати имаше двоцифрен учинок, а најдобра партија ја имаше против Макаби, кога мечот го заврши со 22 поени и три украдени топки.
Спорт
Дест се враќа во Барселона – ПСВ нема да го откупи неговиот договор
Сержињо Десет како позајмен од Барселона во ПСВ ја освои титулата во Холандија со клубот од Ајндховен. Сепак ПСВ нема да го откупи неговиот договор и покрај тоа што во клубот биле задоволни од неговите изданија. Причината е повредата на коленото од која репрезентативецот на САД се уште не се рехабилитирал.
Дест во јуни ќе се врати во Барселона каде ќе ја продолжи со рехабилитацијата по операцијата на коленото во Холандија.
Дест се пресели од Ајакс во Барселона во 2020 година, вкупно за Барселона одигра 72 натпревари и постигна три гола.
Тој минатата сезона замина на позајмица во Милан, незадоволен од својата минутажа во Барселона, а оваа сезона ја мина на позајмица во ПСВ.
Се очекува тој да се врати на терените на почетокот на 2025 година.