Спорт
Лондонска пресметка за титулата во ЛЕ
Ривалите од Лондон, Челси и Арсенал, вечерва во Баку ќе го одиграат финалниот меч во Лига Европа. Дуелот во Баку ќе биде 198 пресметка на Арсенал и Челси. Повеќе победи 78-63 имаа Арсенал.
Кога веќе стигнале до финалето јасно е дека и едните и другите ќе го нападнат трофејот, иако Арсенал со победат во финалето ќе ја спасат сезоната. Математиката е јасна со победа вечерва Арсенал наредната сезона ќе играат во Лигата на шампионите, додека Челси низ Премиер лигата веќе си го обезбедија настапот во елитното натпреварување.
Добра работа за Арсенал е што за тренер го имаат експертот за ова натпреварување. Унаи Емери со Севилја три години по ред ја освојувал Лига Европа.
„Верувам во мојот тим, можеме да го освоиме пехарот и да се вратиме во Лигата на шампионите. Шансите се исти како и во моментот кога ја почнавме сезоната во ЛЕ, ќе биде тешко. Пред нас е голем предизвик“, рекол Баскиецот Емери.
Од друга страна Маурицио Сари 29 години работи како тренер и досега не успеал да освои ниту еден трофеј. Сигурно е дека овој податок ќе му биде голем мотив.
Покрај тоа Италијанецот изминатите денови е го привлекува вниманието и поради шпекулациите дека тој ќе биде новиот тренер на Јувентус.
„Размислувам само за финалето. Со Челси имам договор на уште две сезони, сега не е момент да се разговара на некоја друга тема. Сакаме да го освоиме трофејот“, рекол Сари.
Двата тима, како сега стојат работите ќе бидат без своите „седумки“ на теренот. Политиката ги вмеша прстите во случајот на Хенрик Мхитаријан. Играчот на Арсенал воопшто не допатува во Азербејџан. Кај Челси под голем знак прашалник е настапот на Нголо Канте. Францускиот репрезентативец ја обновил повредата на коленото.
Финалето во Лига Европа ќе започне во 21 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.