Мекларен ја одбрани титулата кај конструкторите во Формула 1, сега сите во британскиот тим се надеваат дека ќе имаат светски шампион и во конкуренција на возачи.

Мекларен има два силни адути, лидерот во шампионатот Оскар Пјастри и второпласираниот Ландо Норис, но нивните планови може да ги расипе фантастичниот Макс Ферстапен, кој доминира во последно време и ја намалува разликата во генералниот пласман.

Актуелниот шампион сега е 40 поени зад Пјастри и 24 зад Норис. Остануваат уште пет трки во шампионатот, а шефот на Мекларен, Андреа Стела, е уверен дека Пјастри и Норис ќе го одбијат нападот на Макс.

„Имаме пет трки и уште две спринт трки пред нас – ова се шанси не само да се одбраниме, туку и да ја зголемиме нашата предност во однос на Макс. Постојат патеки кои одговараат на карактеристиките на нашиот автомобил и јас тоа го гледам како можност, а не како закана“, започна Стела.

Не е Мекларен тој што моментално е доминантен, како што беше во поголемиот дел од сезоната.

„Свесни сме дека не искористивме сè што може да понуди нашиот автомобил. Возачите исто така знаат дека можеа подобро да се снајдат во некои трки. Затоа ги гледаме следните пет како шанса – не како борба за опстанок, туку како можност за дополнително зголемување на предноста“, оптимист е Стела, која на крајот рече дека сè е во рацете на Мекларен.

„Сè уште ги држиме сите конци во наши раце. Исходот од сезоната и титулата – тоа е нешто што зависи само од нас. И со тој став, влегуваме во финишот на шампионатот“, заклучи тој.

Сезоната во Формула 1 продолжува викендов со трката за Големата награда на Мексико.

Голден Стејт Вориорс и Денвер Нагетс одиграа спектакуларен натпревар, прв во новата НБА сезона за гостите од Колорадо, а домашниот тим победи во „Чејс Центар“ во Сан Франциско по продолжението со 137:131 (27:31, 34:39, 33:24, 26:26 – 17:11).

Стеф Кари постигна 42 поени, вклучувајќи ја и клучната тројка со која изедначи во финишот на регуларниот дел. Победата ја засени историската вечер на Арон Гордон, кој постигна дури 50 поени за поразениот тим, што е негов рекорд во кариерата.

Натпреварот понуди спектакуларен крај на регуларниот дел. Гордон погоди тројка за водство на Денвер на 25,7 секунди до крајот, а Кари возврати, кој го израмни резултатот со шут од далечина на само 4,3 секунди до крајот. Никола Јокиќ имаше шанса за победа, но неговиот шут од рекетот не беше прецизен, па натпреварот отиде во продолжение.

Во дополнителните пет минути, Вориорс ја презедоа контролата. Тие направија серија од 12:2 и со тоа ја обезбедија својата втора победа на почетокот на сезоната, оставајќи ги Нагетс без одговор. Кари постигна вкупно 22 поени во последната четвртина и продолжението.

Арон Гордон го одигра натпреварот на кариерата. Со 50 постигнати поени (17/21 шут), тој го сруши клупскиот рекорд на Алекс Инглиш за отворањето на сезоната, поставен во 1985 година, исто така против Голден Стејт.

Дополнително, неговите 10 тројки го израмнија рекордот на Тери Розир од 2020 година за најмногу погодени тројки на отворањето на сезоната. Гордон погоди седум тројки од исто толку обиди во првото полувреме.

Никола Јокиќ го заврши натпреварот со 21 поен, 13 скока и 10 асистенции. Со тоа, тој му се придружи на легендарниот Оскар Робертсон како единствен играч во историјата на НБА со четири трипл-дабл настапи во првите натпревари од сезоната. Српскиот центар на Денвер шутираше лошо, 2/13 за три поени и 8/23 вкупно.

Фудбалерите на Рома во третото коло, во запишаа вториот пораз во Лига Европа. Римјаните загубија на „Олимпико“ од Викторија Плзен 1:2. Овој пораз му го расипа јубилејот на паоло Диала кој го постигна 200-от гол во кариерата.

Гостите од Чешка поведоа во 20-тата минута, кога Принц Квабена Аду ја затресе мрежата на Римјаните.

Само две минути подоцна следеше уште еден шлаканица. Чик Суаре испрати торпедо од голема далечина, а голманот на Рома Миле Свилар лошо реагираше и прими гол.

QUEL BOMBAZO DE CHEICK SOUARÉ FACE À L’AS ROMA !!! FRAPPE PUR, LIMPIDE QUI SE LOGE DANS LE PETIT FILET GAUCHE DU PORTIER ROMAIN !!!!! pic.twitter.com/5eu7HNSAGo

— Syli National de Guinée FR 🇬🇳 (@sylinational_FR) October 23, 2025

Рома успеа барем да ја намали предноста. Единствениот нивни играч кој може да каже дека одигра добро е поранешниот ас на Јувентус, Аргентинецот, Пауло Дибала.

Дибала го постигнаголот за Рома од пенал и го намали резултатот на 2:1, што само го ублажи поразот.

Фудбалерите на Малме речиси успеаја да го надиграат Динамо Загреб пред своите навивачи и да ја остварат својата прва победа во сезоната.

Стрелец на голот за Малме беше Оскар Левицки во 46-та минута од првото полувреме. Динамо од пораз го спаси Варела кој успеа да погоди во последните секунди од натпреварот, во 96-та минута.

Нотингем го слави новиот менаџер Шон Дајч. На неговото деби „Ѓумарите“ славеа во дуелот со Порто 2:0.

Морган Гибс-Вајт го постигна првиот гол во 19-та минута, а точка на натпреварот стави Игор Жесус од пенал во 77-та минута.

Резултати, 3.коло:

Феенорд – Панатинаикос 3:1, Рома – Викторија Плзен 1:2, Селта Виго – Ница 2:1, Селтик – Штурм Грац 2:1, Фрајбург – Утрехт 2:0, Лил – ПАОК 3:4, Макаби Тел Авив – Митјиланд 0:3, Јанг Бојс – Лудогорец 3:2.