Роџер Федерер експресно го мина второто коло на Австралија опен. Швајцарецот за 92 минути го збриша од теренот српскиот тенисер Филип Крајиновиќ.

Федерер за 21 минута го доби првиот сет со 6/1, за 6/4 во вториот му беа потребни 40 минути, а работата ја завриши за 31 минута во третиот сет кој го доби со идентичен резултат како и првиот сет.

Крајиновиќ успеа некаков отпор да пружи само во вториот сет кога го направи единствениот брејк во мечот.

38 годишниот Швајцарец во третото коло ќе игра против домашниот тенисер Џон Милман.

Баерн Минхен го потврди ангажманот на фудбалерот на Реал Мадрид Алваро Одриозола. 24 годишниот десен бек претпладнево ги минал лекарските прегледи и потпишал договор до крајот на сезоната.

Алваро Одриозола од почетокот на првенството во Шпанија одиграл само четири натпревари, поради што ја прифатил понудата до крајот на сезоната да настапува како позајмен играч во Баерн.

„Убедени сме дека Одриозола ќе ни помогне со своите квалитети. Среќни сме што донесовме ваков фудбалер“, рекол спортскиот директор на Баерн, Хасан Салихамиџиќ.

Баерн на позицијата десен бек го има само Џошуа Кимих бидејќи Бенжаман Павар ја покрива позицијата на повредениот Себастијан Зуле.

Одриозола е продукт на школата на Реал Сосиедад, а играч на Реал стана во 2018 година. Неговиот трансфер изнесуваше 30 милиони евра.

Григор Димитров не успеа да се пласира во третото коло на Австралија опен. Покрај Димитров, турнирот заврши и за осмиот носител Матео Беретини, односно Матин Хуркач. Втората рунда ја мина Канаѓнецот Милош Раониќ.

Димитров, инаку 20. носител на турнирот. не успеа да го добие спектакуларниот меч со Американецот Тими Пол.

Американецот, 80. на АТП-листата, ги доби првите два сета 6/4, 7/6, потоа возврати Димитров со 3/6, 6/7, а драмата кулминира во решавачкиот петти сет.

Бугариниот имаше брејк предност, сервира за победа, меѓутоа Пол го врати брејкот, а потоа во супер тајбрејкот беше подобар со 10:3.

Турнирот заврши и за осмиот носител, Италијанецот Матео Беретини. Четвртфиналистот пред две години, Тенис Снадгрен, победи по три часа и 27 минути игра.

Слично како Димитров, Беретни успеа да се врати во мечот кога Снадгрен со 7/6 и 6/4 ги доби првите два сета. Италијанецот возврати со 4/6 и 2/6, но решавачкиот сет му припадна на Американецот со 7/5.

Изненадување претставува и поразот на Полјакот Хуберт Хуркач, кој во Мелбурн дојде во одлична форма и со освоена титула во Оукленд. Миленикот на домашната публика, Џон Милман, го победи Хуркач по два и пол часа игра со 6/4, 7/5, 6/3.

Пласман во третата рунда избори Милош Раониќ. Канаѓанецот во три сета го победи Чилеанецот Кристијан Гарино.