Спорт
Францускиот министер за внатрешни работи го обвини Бензема дека е во контакт со терористи
Францускиот министер за внатрешни работи упати сериозни обвинувања кон Карим Бензема.
„Затворивме повеќе од 1.100 муслимански центри во земјата и во оваа прилика му се обраќам на г-дин Карим Бензема, кој одржува контакти со озлогласени личности и, како што сите знаеме со „Муслиманското братство““, рече министерот Џералд Дерманан во во живо на телевизија, упатувајќи тешки обвинувања кон еден од најдобрите фудбалери во земјата.
Овие зборови, кои може да значат и најава за истрага по враќањето на Бензема во Франција, следеа набргу откако алжирскиот фудбалер го искористи својот профил на социјалните мрежи за да го осуди израелското бомбардирање на Газа и палестинските цивили.
„Сите наши молитви се насочени кон жителите на Газа кои повторно се жртви на неправедно бомбардирање кое не поштедува ниту жени ниту деца“, напиша напаѓачот на Ал-Итихад и предизвика лавина коментари.
Поранешниот фудбалер на Расинг, Депортиво и Мајорка, Давид „Дуду“ Ауате, на неговата објава одговори со зборовите: „Ти ку… сине“.
Кои се „Муслиманските браќа“?
Станува збор за движење основано во 1928 година во Египет, во североисточниот дел на Каиро наречен Исмаилија, во близина на Суецкиот канал. Основана е од шеикот Хасан Ал-Бана, еден од духовните водачи на египетските сунити, со две краткорочни и една крајна цел – протерување на Британците и уништување на нивното влијание во Египет, преземање контрола врз земјата, а истовремено воспоставување на исламските вредности, а подоцна и обновувањето на империјата од VII век, која се протегала од Шпанија до Индонезија.
Муслиманското братство е една од најстарите исламски организации во арапскиот свет и муслиманските верници воопшто.
Оваа организација брзо се здоби со голема популарност меѓу жителите на Египет главно поради организирање на голем број хуманитарни акции и помош на најранливите слоеви на општеството, но и работа на поврзување и зајакнување на националната свест кај припадниците на средната класа.
Популарноста, влијанието и контактите на „Муслиманското братство“ брзо се проширија надвор од границите на Египет и денес тие имаат приврзаници, активисти и лидери ширум светот.
Движењето прерасна во политичка организација во Египет во 2011 година и постигна непосреден успех, вклучувајќи ја и победата на нејзиниот претставник на претседателските избори, Мохамед Морси, првиот избран претседател на Египет.
Меѓутоа, кога Морси беше сменет од власт со воен удар во 2013 година, лидерот на организацијата „Муслиманско братство“ Мохамед Бади беше уапсен, а самото движење беше забрането и прогласено за терористичко, по што истото го направија уште неколку арапски земји, вклучувајќи ја и економски најмоќната Саудиска Арабија.
Кралските семејства на Блискиот Исток отсекогаш ја сметале за закана за монархискиот поредок.
Турција, сепак, остана безбедна земја за членовите на оваа организација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ајуб Ел Каби – Од сиромашен столар до легенда на Олимпијакос
Ајуб Ал Каби (30) со златни букви се запиша во историјата на еден од најславните грчки клубови. Мароканецот со голот во 117.минута, во финалето на Конференциската лига, на Олимпијакос му го донесе првиот европски трофеј.
Ајуб Ал Каби ја обележа нокаут-фазата во Конференциската лига, во која се префрли Олимпијакос, откако натпреварите во групата, во Лига Европа, во конкуренција на Вест Хем, Фрајбург и ТСЦ од Бачка Паланка ги заврши на третото место.
Мароканецот во деветте натпревари во нокаут-фазата постигна 11 голови. Импресивни беа неговите настапи во полуфиналето против фаворитот Астон Вила. Олимпијакос го доби двата натпревари со 4:2 и 2:0. Од шестте гола против Вила, Ел Каби постигна пет.
Ајуб Ел Каби е искусен фудбалер, веќе има 30 години, но за љубителите на фудбалот на Стариот континент е релативно непознат, бидејќи во Европа за прв пат играше дури во 2021 година и тоа за малиот турски клуб Хатај.
Тој не е непознат во Мароко, но во последните години е целосно заборавен. Познато е дека е роден во Казабланка во сиромашна населба каде во младоста работел како столар за да преживее.
„Роден сум во скромно семејство. За да се издржувам, морав да научам занает. Така станав столар“, изјави тој во едно интервју за мароканските медиуми.
Но фудбалот отсекогаш бил негова голема љубов. Со текот на времето, талентот на Ајуб Ел Каби стануваше се повидлив и чекор по чекор стигна до репрезентативниот дрес.
Играше и на Светското првенство 2018 во Русија, но тогаш Мароко беше елиминиран во групната фаза.
Четири години подоцна, не беше меѓу патнците за Катар, каде Мароко блескаше, беше сензација на Мундијалот и го освои четвртото место.
На голема врата се врати со преселбата во Олимпијакос во 2023 година се врати и во националниот тим.
Головите во Лигата на Европа и Лигата на конференцијата го ставија во преден план. Сезонава постигна дури 16 гола во европските натпреварувања – пет во Лига Европа и 11 во Конференциската лига, каде што е најдобар стрелец на натпреварувањето.
Спорт
Светскиот јуниорски првак суспендиран на четири години поради допинг
Атлетичарот од Суринам, Исам Асинга (19), е суспендиран на четири години поради допинг, објави Одделението за интегритет во атлетиката (АИУ).
Покрај суспензијата, на Асинга му беа одземени и двата златни медала што ги освои на првенството на Јужна Америка на 100 и 200 метри. Избришан е и неговиот светски јуниорски рекорд на 100 метри од 9,89, кој го истрча на првенството во Сао Пауло минатата година.
Асинга беше привремено суспендиран во август минатата година кога беше позитивен на тестот за забранети метаболити, еден месец по поставувањето на светскиот рекорд во јуниорска конкуренција.
„Избришани се сите резултати на Асинга од 18 јули 2023 година и ќе мора да ги врати сите титули и награди“, објави АИУ.
Атлетичарот се бранел дека бил позитивен бидејќи јадел заразени колачи.
Спорт
Лазаров: Имаме убави спомени од Вараждин, се надевам дека повотрно ќе биде така
Македонската ракометна репрезентација, вчера ги доби противниците во групата на 29. Светско првенство. Македонија, во Д групата, ќе игра против Унгарија, Гвинеја и Холандија.
Светското првенство во Данска, Норвешка и Хрватска ќе се одржи од 12.јануари до 2.февруари наредната година. Македонија доби група по мерка, а особено задоволство е што натпреварите ќе ги игра во Вараждин.
Првите три селекции од секоја група одат во вториот круг, каде ќе бидат формирани нови четири групи. Во четвртфиналето ќе се пласираат првите две селекции од секоја од тие четири групи. Од четвртфиналето ќе се игра нокаут систем.
„Од прв и втор шешир добивме доста квалитетни репрезентации. Секако дека можеше да добиеме уште поквалитетни противници, но треба да бидеме задоволни пред се со фактот дека ќе играме во Хрватска/Вараждин и ќе имаме огромна поддршка од нашите верни навивачи. Сите имаме добри спомени од Вараждин и се надевам дека повторно ќе биде така. Имаме доста време да се подготвиме квалитетно за Светското првенство“, ја објави на Фејсбук,изјавата на селекторот Кире Лазаров, Ракоемтната федерација на Македонија.