Спорт
Како играч на Милан Тонали се кладел на натпреварите на овој клуб
Сандро Тонали (23) би можел да добие едногодишна забрана за играње фудбал поради обложување и коцкање.
„Газета дело Спорт“, пишува дека играчот од средниот ред на Њукасл се кладел на натпреварите на неговиот поранешен клуб Милан. Италијанскиот играч за врска играше за Милан од есента 2020 година до летото 2023 година и во тој период се обложувал на натпревари на кои бил во тимот.
„Тонали се обложувал на натпреварите на Милан, во периодот додека беше еден од клучните играчи во тимот, но тоа не го правел за да влијае врз резултаот. Во секој случај, Тонали може да добие едногодишна забрана за играње фудбал“, пишуваат Италијанците.
Тонали летово дојде во Њукасл од Милан за 64 милиони евра и досега има десет настапи за својот нов клуб.
На спортистите во Италија им е забрането да се обложуваат на натпревари организирани од Италијанската фудбалска асоцијација, УЕФА и ФИФА и им е забрането директно или индиректно да обложуваат, а оние кои ќе го прекршат правилото се соочуваат со парична казна не помала од 25.000 евра и забрана за играње за до три години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Осуммина ќе го напуштат Тотенхем
Менаџерот на Тотенхем, Ангелос Постекоглу планира големи промени во летниот преоден рок.
Англиските медиуми објавија дека на трансфер листата се Пјер-Емил Хејбјерг, Џовани Ло Селсо и Брајан Хил, додека во тимот нема да има место и за фудбалерите кои минатат сезона беа позајмени во други клубови: Џо Родон, Џед Спенс, Серхио Регилон, Танџи Ендомбеле и Тангага.
Исто така, се верува дека во случај на вистинска понуда, клубот ќе го продаде и дефанзивецот Емерсон Ројал, за кого наводно е заинтресиран Милан.
Постекоглу во неколку наврати, особено на крајот од сезоната, повтори дека на Тотенхем му недостасуваат амбиции и менталитет да освојува трофеи.
Тоа најмногу го потврди фактот што пред последното коло многу навивачи посакуваа пораз од Манчестр сити, за нивниот најголем ривал Арсенал да не стане шампион.
Тотенхем наредната сезона ќе ќе игра во Лига Европа.
Спорт
Во Росарио нови закани до Ди Марија и неговото семејство
Нови морничави закани доби славниот Аргентинец Анхел Ди Марија. Ветеранот е слободен играч откако му заврши договорот со Бенфика, имаше желба да се врати дома во Росарио, но како штосега стојат работите тој ќе му се приклучи на својот добар пријател Лионел Меси во Интер Мајами.
Одлуката на Анхел Ди Марија каде ќе ја продолжи кариерата прави проблеми во Аргентина. Нова епизода на закани се случи пред неколку часа на улиците на Росарио.
Според локален новинар, двајца мажи со качулка се возеле на мотор и пукале кон бензинската пумпа. На местото на инцидентот е пронајдена порака упатена до Ди Марија. „Те чекаме, Ди Марија, луѓе од Росарио“.
Претходно на вратата од неговата семејна куќа била оставена порака на која пишувало „Кажете му на вашиот син Анхел дека ќе загуби член на семејството соколку се врати во Росарио“.
Покрај тоа, во центарот на градот беше уништен неговиот мурал.
Поради сето ова, во приказната се приклучија и аргентинските политичари, со молба до хулиганите да престанат да со заканите.
Семејството Ди Марија е ставено под полициска заштита за да се спречи ризикот од дополнителни инциденти.
Спорт
Реал отпатува во Лондон, голманот Лунин остана во Мадрид
Украинскиот репрезентативец Андриј Лунин е еден од играчите што ја обележаа оваа сезона на Реал Мадрид. Херој стана во четвртфиналето во Лигата на шампионите, кога во реваншот во Манчестер против Сити, во пенал рулетот забележа две одбрани и го однесе тимов во наредната фаза.
Луни и по повредата на Тибо Куртоа, на почетокот на сезоната, беше втора опција. Клубот како замена за Куртоа го донесе Капа Аризабалга. Сепак со одличните интервенции си обезбеди место во првата постава.
Но и неговата добра форма не му го гарантираше местото во финалето. И претходно Карло Анчелоти најавуваше дека Куртоа ќе брани во финалето доколку целосно се рехабилитира од повредата. Искусниот голман се врати пред еден месец и нема дилема декатој ќе го започне финалето во сабота против Борусија Дортмунд.
Тоа што го загуби местото во првиот тим не е најголемиот проблем на Лунин. Имено поради грип тој не отпатува со тимот во Лондон.
Анчелоти не сакаше да ризикува, евентулано да се зараси уште некој фудбалер па Луни остана во Мадрид.
Доколку неговата здравствена состојба биде подобра Луни ќе им се приклучи на соиграчите.