Спорт
Фудбалерите на Реал ги добија клучевите од новите автомобили

Како и секоја година, по склучувањето на спонзорскиот договор помеѓу „Ауди“ и Реал Мадрид во 2003 година, фудбалерите од првиот тим на „Лос бланкос“ добија клучеви од своите нови автомобили што ќе ги возат оваа сезона.
Првпат, покрај „кватро драјв“, автомобилите на „Ауди“, кои ќе бидат дел од ергелето на Реал, ќе имаат и електрични елементи. Што точно избраа фудбалерите и тренерот Зинедин Зидан?
Карим Бензема – Audi Q5 40 TDI quattro S tronic Mythos Black
Дани Карвахал – Audi Q7 50 TDI quattro tiptronic Daytona Grey
Касемиро – Audi RS 7 Sportback quattro tiptronic Tango Red
Тибо Куртоа – Audi Q7 50 TDI quattro tiptronic Daytona Grey
Еден Азар – Audi Q8 50 TDI quattro tiptronic Daytona Grey
Иско – Audi Q7 50 TDI quattro tiptronic Orca Black
Тони Крос – Audi Q8 50 TDI quattro tiptronic Glaciar White
Лукас Васкез – Audi A7 Sportback 55 TFSI quattro S tronic Glaciar White
Андриј Лунин – Audi Q7 50 TDI quattro tiptronic Foil Silver
Марсело – Audi A7 Sportback 50 TDI quattro tiptronic Mythos Black
Ферлан Менди – Audi Q8 50 TDI quattro tiptronic Orca Black
Лука Модриќ – Audi Q8 50 TDI quattro tiptronic Foil Silver
Серхио Рамос – Audi RS 6 Avant quattro tiptronic Daytona Grey
Феде Валверде – Audi RS Q8 quattro tiptronic Orca Black
Рафаел Варан – Audi e- tron Sportback 55 quattro Glossy Black
Зинедин Зидан – Audi RS 6 Avant quattro tiptronic Daytona Grey
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Баерн за Дијаз подготви 85 милиони евра

Баерн не се откажува од трансферот на Луис Дијаз од Ливерпул.
Германскиот шампион испрати понуда од 65 милиони евра пред неколку дена, но челниците на клубот од „Енфилд“ ја отфрлија без размислување.
„Билд“ тврди дека челниците на Баерн доцна синоќа испратиле понуда од 85 милиони евра, плус пет милиони евра бонуси, за колумбискиот репрезентативец, кој пред две недели донесе одлука да го напушти Ливерпул.
Многумина веруваат дека оваа понуда ќе биде прифатена и дека Дијаз ќе биде нов член на Баерн од понеделник.
Foto/ EPA
Спорт
Ѓокереш официјално е играч на Арсенал

Виктор Ѓокереш е новиот играч на Арсенал, 27-годишниот напаѓач денес ги помина медицинските тестови во Лондон и потпиша договор со гигантот од „Емирати“.
Најголемото воодушевување беше забележано кај Микел Артета, кој верува дека конечно доби напаѓач кој може да постигне најмалку 20 голови во една сезона.
„Воодушевени сме што го пречекуваме во клубот. Неговите голови зборуваат за него. Има толку многу квалитет, брз е, силен, со неверојатни бројки. Возбудени сме од она што може да ни го донесе. Нему и на неговото семејство му посакуваме добредојде во Арсенал“, рече Артета.
Патем, Џокерес го зеде бројот 14 во Арсенал.
Извонредниот Швеѓанец минатата сезона за Спортинг постигна 54 голови на 52 натпревари.
Арсенал за трансферот издвои 63,5 милиони евра, а дополнителни 10 милиони Спортинг може да заработи преку дополнителните бонуси.
Foto/ arsenal.com
Спорт
ПСЖ мора да го продаде Донарума

Каде ќе брани еден од најдобрите голмани во светот во новата сезона?
Како што стојат работите, тој нема да биде во Пари Сен Жермен. Како што објави „Фудбал Италија“, повикувајќи се на „Лекип“,бигантите од Манчестер, Сити и Јунајтед се вклучиј во трката за потписот на Џиџи Донарума.
Во последните денови, се повеќе се навестува дека иднината на Донарума во Франција е сериозно доведена во прашање. Неговиот договор важи само до 30 јуни 2026 година, а преговорите за продолжување се во ќорсокак.
Пари Сен Жермен не сака да дозволи уште една ѕвезда од тимот да си замине без обештетување и се чини дека затоа одлучиле да го продадат одличниот голман ова лето.
По тој повод, „Лекип“, пишува дека Манчестер Јунајтед и Сити им се придружија на Челзи и Галатасарај, кои беа поврзувани со Донарума уште претходно.
Доколку се врати во Серија А, единствените веројатни кандидати би биле Интер и Јувентус, наведува „Фудбал Италија“.
Италијанецот беше еден од најдобрите играчи на Пари Сен Жермен минатата сезона на патот кон освојување на Лигата на шампионите.
Во исто време, ПСЖ бара негов наследник, а изборот наводно паднал на Лука Шевалие, голманот на Лил.