Спорт
Фудбалските менаџери ѝ објавија „војна“ на ФИФА
Фудбалските менаџери, предводени од оние највлијателните Мино Рајола и Жорге Мендеш, жестокот ќе и возврата на ФИФА за обидите да бидат намалени сумите што тие ги заработуваат од трансферите на фудбалерите.
На оваа тема менаџерите одржале состанок во Лондон, во рамките на Здружението на фудбалски менаџер.
Рајола без „влакна на јазикот“ говорел на оваа тема. Тој и неговите колеги ја критикуваат ФИФА за објавата дека во 2018 година фудбалските менаџери од продажбата на фудбалери заработиле 600 милиони евра.
Според ФИФА сумите што ги заработувале менаџерите се преголеми.
„Интелигентните навивачи разбираат за што станува збор. Дури и медиумите водат војна против менаџерите. На луѓето им е јасно дека ФИФА сака да створи монопол, сака повеќе пари за себе. Јасно им е дека за секое Светско првенство ФИФА за 25 отсто ги зголемува цените на билетите поради што локалното население не може да си дозволи да ги гледа натпреварите иако се домаќини“, рекол Рајола.
ФИФА, во октомври минатата година, објави дека менаџер може да заработи максимум 10 отсто од трансферот и три отсто од она што го заработува фудбалерот. Менаџерите не го прифаќаат ова ново правило.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Реал во 95.минута ја одложи промоцијата на Барселона во нов шампион

Фудбалерите на Барселона беа на помалку од една минута од тоа да станат нови шампиони на Шпанија веќе во среда навечер, иако не излегоа на теренот.
Откако славеа во „Ел Класико“, Каталонците беа на прагот да ја прослават 28-та шампионска титула, но благодарение на голот на Јакоб Рамон во 90+5. минута, сепак, ќе мора да почекаат до четврток и дуелот со градскиот ривал Еспањол за промоција.
Тимот на Карло Анчелоти ја победи Мајорка со 2:1 во 36-то коло на „Сантијаго Бернабеу“ и сега има четири бода помалку од Барселона.
Реал имаше 26 корнери, гостите ниту еден, но победија само во последните моменти од натпреварот… голманот на Мајорка Лео Роман блескаше со 11 одбрани.
Во 11.минута гостите од островот ги шокираа навивачите и играчите на Реал кога Валјент го совлада Куртоа.
Реал во „шарен“ состав доминираше, создаваше шанси, но и промашуваше. Сепак, во 68. минута, Килијан Мбапе со соло акција успеа да го најде пат до противничката мрежа. Тоа беше неговиот шести гол во последните четири натпревари во првенството, 28 во Ла Лига и односно 40. во неговата дебитантска сезона во дресот на Реал.
Прославата во Барселона беше во полн ек и се чекаше последниот свиреж на судијата Алберола на „Бернабеу“, но… 20-годишниот Рамон го постигна првиот гол во сезоната во својот втор натпревар во Реал.
Спорт
(Видео) Болоња се радува на трофејот во Купот на Италија

Фудбалерите на Болоња го освоија Купот на Италија. Во финалето на „Олимпико“ во Рим, Болоња го победи Милан со 1:0. Стрелец на единствениот гол беше Ендој во 53.минута. Вечерва, по пауза од 51 година повторно го освои Купот.
Екипата на тренерот Виченцо Италијано обезбеди пласман во Лигата на Европа, додека Милан, кој моментално е осми во Серија А, најверојатно ќе остане без пласман во меѓународните натпреварувања.
Болоња претходно го освои Купот во 1970 и 1974 година. Тие исто така имаат седум шампионски титули. Милан има освоено пет купа, а последен пат славеше во 2003 година.
🚨🇮🇹 GOAL | AC Milan 0-1 Bologna | Dan Ndoye
DAN NDOYE OPENS THE SCORING FOR BOLOGNA IN THE COPPA ITALIA FINAL !!!!!!!!!!!!!!!!!!!!!!pic.twitter.com/Sm4NgOOmAQ
— Tekkers Foot (@tekkersfoot) May 14, 2025
Спорт
Галатасарај 19. пат го освои Купот на Турција

Фудбалерите на Галатасарај го освоија рекордниот 19-ти трофеј од Купот на Турција, откако во финалето рутински го победија Трабзонспор.
Финалниот натпревар одигран на градскиот стадион во Газијантеп заврши со убедлива победа на Галатасарај од 3:0 (1:0).
Турскиот репрезентативец Јунуис Акгун се истакна со три асистенции: за водечкиот гол на сонародникот Барис Јилмаз во петтата минута, потоа уште две за Виктор Осимен во 46. и 63. минута. Брилијантниот Нигериец постигна 35 гола за турскиот гигант оваа сезона.
Ова е втор последователен пораз за тимот од Трабзон во финалето на Купот, откако минатата сезона беа поразени од Бешикташ во битката за пехарот.
Галатасарај е убедливо најуспешниот тим во Купот на Турција со 19 трофеи, осум повеќе од Бешикташ. Трабзон има девет пехари, Фенербахче седум.
Избраниците на Окан Бурук убедливо водат и во шампионатот на Турција, имаат осум бода повеќе од нивниот најголем ривал Фенербахче и на пат се да ја освојат двојната круна.