Спорт
Галатасарај со луда победа кај Ризеспор во 100. минута од мечот!

Галатасарај на Фатих Терим стигна до апсолутно неверојатна победа од 3:2 на гостувањето кај Ризеспор, обезбедена во дури 100. минута од мечот во кој домаќините имаа 2:1 водство, по што пропуштија шанса од пенал да го решат победникот при 2:2, и на крајот примија гол од Галата кои ги играа последните минути со 10 играчи.
На Галатасарај не им оди најдобро оваа сезона и веќе имаат два порази досега, заостанувајќи зад раниот лидер и лут ривал Фенербахче.
На „Чајкур Диди“ стадионот тие дојдоа до рано водство во 5. минута преку Мустафа Мохамед, но Финецот Џоел Похјанпало со два гола во 17. и 26. минута го направи првиот пресврт на мечот. Мохамед израмни за Галата во 75. минута, но само четири минути подоцна Кутлу доби црвен картон, а Ризеспор до шанса од пенал да дојде до три поени. Но, Болдрин не успеа да го даде голот, по што во 90+10. минута од мечот, Диањ со малку контроверзен продор во шестнаесетикот на домаќинот го најде Романецот Олимпиу Морутан за неверојатна победа.
90+10
O. Morutan ve Galatasaray, Rizespor deplasmanında 3-2 galip geldi. pic.twitter.com/GOP5hYMMb7
— The News ?? (@trthenews) October 3, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Реал без Трент најмалку шест недели

Трент Александер-Арнолд (26), десниот бек на Реал Мадрид и репрезентацијата на Англија, синоќа го напушти натпреварот веќе во петтата минута од натпреварот од Лигата на шампионите против Марсеј.
Реал победи со 2:1, но на најмалку шест недели го загубија играчот кого го доведоа како слободен агент ова лето.
Трент го повреди мускул, бицепс на левата нога, и нема да игра најмалку месец и пол, а можеби и подолго. Во тој период, Реал ќе одигра голем број важни натпревари против своите најголеми ривали во Ла Лига и Лигата на шампионите.
Оваа сезона, тој играше во сите пет натпревари на Реал, три пати како играч на првиот тим, а двапати влезе од клупата. Оваа сезона, Александар-Арнолд и Дани Карвахал ја покриваат позицијата десен бек за Реал.
Натпревари на Реал Мадрид кои ќе ги пропушти Александар-Арнолд:
Еспањол
Леванте
Атлетико Мадрид
Каират
Виљареал
Хетафе
Јувентус
Барселона
Валенсија (можеби)
Ливерпул (можеби)
Foto/ EPA
Спорт
Влаховиќ ја отвори душата: Не е вистина дека сакав да заминам од Јувентус

Душан Влаховиќ е херојот на Јувентус во ремито против Борусија Дортмунд во првото коло од Лигата на шампионите.
Јувентус и Борусија одиграа спектакуларно второто полувреме во Торино. Гостите од Германија до 94.минута имаа доство 2:4, на крајот натпреварот заврши без победник 4:4.
Влаховиќ е тема во италијанските медиуми ден по натпреварот. Влезе на теренот во 60.минута, постигна два гола, а во 96.минута повлече контра и му асистираше на Кели кој постигна гол за 4:4.
Српскиот напаѓач не сакаше премногу да се задржува на фактот дека не е стартер кај Игор Тудор, истакнувајќи дека од него зависи да работи напорно на тренинзите.
„Тренерот има право да одлучи кој ќе игра, а јас се трудам секој ден на тренинзите да бидам подготвен и да му помогнам на тимот на најдобар начин. Бев стартер поголемиот дел од мојата кариера и секогаш постигнував голови, но денес, со новите правила за замени, играчите од клупата имаат значајна улога. Секако, секој сака да го започне натпреварот, но јас ги почитувам одлуките на тренерот и се обидувам да го дадам максимумот кога ќе добијам можност.“
Тој се осврна и на летниот преоден рок, каде што се шпекулираше дека сигурно ќе го напушти Јувентус.
„Не ми беше лесно, приказните се појавуваа секој ден, а сега можам да кажам дека 99 отсто од нив немаа никаква врска со реалноста. Такви приказни можат да те иафрлат од колосе, но јас најдов сила во тоа, секој ден мора да се докажуваш, секогаш да бидеш гладен. Никогаш не сум задоволен, постигнав два гола и асистирав, сакав да постигнам уште еден“, рече српскиот напаѓач.
Foto/ EPA
Спорт
Шпанските медиуми повторно го отворија „случајот Винисиус“

Винисиус Жуниор и Реал Мадрид повеќе не се на иста бранова должина. Чаби Алонсо реши да го остави на клупата за резерви на премиерата во Лигата на шампионите, а по тешката победа над Марсеј (2:1), започнаа шпекулациите за незадоволство на Винисиус.
Сигурни мадридски извори пишуваат дека постојат три причини зошто Винисиус повторно стана тема во Реал.
Првата е дека минатата сезона беше многу лош и не успеваше да прави разлика на теренот, како што тоа го правеше претходната сезоната, кога беше кандидат за Златната топка.
Втората причина е уште позначајна – Чаби Алонсо едноставно понекогаш сака поинаков профил на играч, поради што синоќа Родриго играше како лево крило. Покрај тоа, Родриго по натпреварот посочи дека е среќен што се комбинира со Мбапе и дека се чувствува одлично на теренот. Медиумите пишуваат и за одличната комуникација на теренот меѓу Родриго и Ембапе, и дека и поради тоа позицијата на Винисиус е загрозена.
Самиот Чаби Алонсо посочи дека во текот на сезоната ќе има шанси за сите, дека никој не е во можност да ги игра сите натпревари.
„Само најдобрите ќе играат и оние кои го заслужуваат тоа, тоа ќе го повторувам цела сезона. Но, секој ќе добие шанса да се докаже и да игра, бидејќи е невозможно некој да ги игра сите натпревари оваа сезона“, рече Чаби Алонсо.
Конечно, третата причина е што односите меѓу Винисиус и Реал заладија, бидејќи не се ни блиску до договор за продолжување на соработката. Барањата на Винисиус не се во согласност со она што Реал верува дека го заслужува и во моментов нема никакви преговори меѓу двете страни.
Foto/ EPA