Германскиот Ф1 пилот Себастијан Фетел е најдобриот возач во својата генерација, сметаат навивачите кои гласаа на анкетата на сајтот „Formula1News.co.uk.“.

Германецот кој освои 4 титули од 2010 го 2013 година доби 53% од гласовите, дури 22% повеќе од актуелниот седукратен шампион во Формула 1, Британецот Луис Хамилтон.

На ѕвездата на Мерцедес не му помогна ниту изјавата на Фетел кој неодамна рече дека Луис е најдобриот возач во оваа ера. Фетел на крајот на сезонава го напушта Ферари.

Иако веќе се е решено во сезонава во Ф1 циркусот, во недела следува нова трка, за Големата награда на Бахреин.

Британските медиуми, во изминатите денови, пишуваат дека Луис Хамилтон ќе биде одликуван од кралицата. Енди Мареј, смета дека Хамилтон заслужува да стане витез, но не е сигурен дали спортистите треба да ја добиваат ова награда.

Хамилтон, зад себе, има уште една брилијантна сезона во Формула 1, ја освои седмата титула и се израмни на вечната листа со Михаел Шумахер, а стана и возачот со најмногу победи во овој спорт.

„Не сум сигурен дека ние спортистите треба да ја добиваме оваа награда за она што го работиме“, рекол Мареј, кој од кралицата ја доби титулата витес во 2017 година.

„Сепак доколку погледнеме што се направил Луис како спортист, тој заслужува да ја добие наградата. Тој е еден од најуспешните спортисти во историјата на оваа земја. Исклучителен возач. Во нормалниот живот организира разни акции. Секако дека заслужи да стане витез“, рекол Мареј.

Доколку пишувањата на медиумите се покажат како точни, тогаш Хамилтон во новата година ќе влезе со титулата Сер.

Вејн Руни ја презеде функцијата менаџер на Дерби каунти. По тој повод тој дал интервју за „Ју-ти-ди подкаст“. Во интервјуто говорел за периодт во Манчестер јунајтед. Руни е најдобриот стрелец во историјата на „црвените ѓаволи“.

„Мислам дека сите знаат дека Челси и Мурињо сакаа да ме донесат на „Стенфорд Бриџ“, додека бев играч на Јунајтед. Трансферот таму никогаш не беше опција. Заинтересирани беа и Реал Мадрид, Манчестер сити и Барселона кои ми беа привлечни“, рекол Руни и дополнил.

„Бев подготвен да одам во Шпанија. Немаше да се жалам доколку завршев во Барселона, но поблиску бев до Реал. Се сеќавам дека седев и размислував како би било да се игра за Барселона во која се Меси, Чеви, Иниеста и Бускетс…Мислам дека би се вклопил одлично, бидејќи тогаш Меси не беше деветка, играше многу широко. Ќе беше идеално“.