Новозеланѓанката Валери Адамс стана првата жена која освоила медали на четири Олимпијади во една атлетска дисциплина, откако стигна до бронзата во фрлањето ѓуле.

36-годишната ветеранка беше олимписка шампионка во 2008 и 2012, а во 2016 година освои сребро и немаше сили за злато, кое отиде кај кинеската шампионка Гонг Лиџијао, додека среброто го освои Американката Рејвен Саундерс.

Бронзата е уште поимпресивна бидејќи доаѓа две години по раѓањето на нејзиниот прв син во 2019 година.

„Сакам да бидам инспирација за спортистките низ целиот свет. Ако сакате да имате дете и да се вратите на врвот, можете да го направите тоа“, изјави Адамс.

Американскиот пливач Кејлеб Дресел стигна до своето петто злато на Олимпијадата во Токио комплетирајќи едно од најголемите спортски остварувања во историјата а спортот.

Дресел беше дел од 4х100 метри мешано штафетата на САД, која постави светски рекорд од 3:26.78, подобрувајќи го времето од 3:27.28 поставено на СП во Рим во 2009 во контроверзни услови кога беа дозволени целосните пливачки костуми, и заедно со Рајан Марфи, Мајкл Ендру и Зек Епл да ја продолжат традицијата – Американците никогаш не загубиле во оваа трка на една Олимпијада.

На стартот на сесијата пак, 24-годишото момче од Флорида, Дресел победи и на 50 метри слободно за трета индивидуална победа на Олимпијадата, поставувајќи олимписки рекорд од 21.07. Тој победи и на 100 метри слободно, постави светски рекорд на 100 метри пеперутка, и беше дел од 4х100 метри слободно штафетата на САД.

Дресел се приклучи на Американците Мајкл Фелпс, Марк Спиц и Мет Бјонди и на Источногерманката Кристин Ото, како единствени пливачки кои освоиле пет злата на една Олимпијада. Фелпс го направи тоа на три Олимпијади.

Покрај него, Австралијката Еми Меккион го комплетираше својот успешен настап во Токио со победа на 50 метри слободно со 23.81, за свој шести медал на Олимпијадата и второ злато по триумфот на 100 метри слободно.

Америкаецот Боби Финки, пак, стана првиот Американец по 37 години, кој победил на 1.500 метри слободно, додавајќи ја титулата на таа од 800 метри.

Макс Ферстапен реши да стави крај на приказните и прашањата поврзани со инцидентот што се случи на Големата награда на Велика Британија, во кој беа вклучени тој и Луис Хамилтон.

На прес конференцијата, по завршувањето на квалификациите за утрешната Голема награда на Унгарија, најмногу прашања биле поставени во врска со инцидентот од пред две недели.

Еден од новинарите се обидел да му постави прашање, што ќе се случи доколку во недела се најде во слична ситуација каква што беше онаа во Силеверстон.

„Можеме ,и да престанеме да зборуваме на таа тема? Толку прашања поставивте за тој инцидент, веќе е смешно. Од четвртокот одговараме на глупави прашања. Можеби е време да прекинеме. Ние сме натпреварувачи, ќе се тркаме. Ќе дадеме се од себе, но ќе бидеме фер“, рекол Ферстапен.

Хамилтон воопшто не сакал да одговара на прашањата за инцидентот во Силверсон.

Британецот, утрешната Гоелма награда на Велика Британија ќе ја започне од пол-позицијата, зад него ќе бидат Валтери Ботас и Макс Ферстапен.