Спорт
Гави и Араухо на мета на големите клубови – Барселона не може да им понуди толкави плати

Барселона активно работи на нови трансфери и во исто време се обидува да потпише нов договори со двајца играчи кои се од непроценлива важност за тимот. Барса има проблем со финансиите, поради што во клубот се насочија кон играчи кои ќе бидат слободни по завршувањето на сезоната. Веќе е познато дека од наредната сезона играчи на Барселона ќе бидат Андреас Кристенсен и Фрак Кеси. Според најавите, како слободни играчи во Барселона ќе пристигнат Мазрауи од Ајакс и Аспиликуета од Челси.
Барселона се уште има проблем со финансискиот фер-плеј, односно со буџетот за плати што го бара Ла Лига.
Поради тоа клубот не може да им понуди високи плати на фудбалерите. Барселона нема пари за да го задржи Усман Дембеле, а медиумите пишуваат дека можно е клубот да го напуштат Гави и Роналд Араухо. За тренерот Чави, приоритет е клубот да го продолжи договорите со нив двајца.
Гави има 17 години, годишна плата од 100.000 евра и оштетна клаузула од 50.000.000 евра. Англичаните тврдат дека Ливерпул му понудиле годишна плата од 7.000.000 евра.
Араухо има договор до јуни 2023 година, годишно заработува помалку од 1.000.000 евра. За Уругваецот интерес покажале Арсенал и Манчестер јунајтед. Арсенал подготвиле плата од 6.000.000 евра, додека понудата на Јунајтед била уште подобра, 8.000.000 евра по сезона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Берлускони демантира дека ја продава Монца за да купи акции во Милан

Поранешниот италијански премиер, бизнисменот Силвио Берлускони преку соопштение ги демантираше италијанските медиуми кои тврдеа дека е подготвен да ја продаде Монца за да се врати како делумен сопственик на својот стар клуб, Милан.
Шпекулациите се појавија пред клучниот меч на Монца за влез во Серија А, каде што во баражот во сабота играат со Пиза. Монца победи во првиот меч со 2:1.
„Приказната за продажба на Монца за да добијам дел од акциите на Милан е целосно неоснована. Монца не е на продажба, а сега ни е потребна крајна концентрација за неделното финале“, напиша Берлускони на Твитер.
Берлускони беше газда на Милан повеќе од 30 години, од февруари 1986 до април 2017 година, кога го продаде клубот на кинескиот милијардер Јонгхонг Ли. Во тој период, Милан освои пет европски титули, осум трофеи о Серија А и шест трофеи од Копа Италија. По ова, тој го купи малиот клуб Монца, и успеа да го крене од Серија Ц во Серија Б, заедно со поранешниот директор на Милан, Адријано Галијани.
La notizia della vendita del Monza per l’acquisto di una quota del Milan è destituita di fondamento. Il Monza non è in vendita. Adesso c’è bisogno della massima concentrazione per la finalissima di domenica sera. https://t.co/vwOcoE5eEm
— Silvio Berlusconi (@berlusconi) May 27, 2022
Спорт
Лаутаро и Мартинез лути на Мбапе за потценувањето на јужноамериканскиот фудбал

Ѕвездата на Интер, Аргентинецот Лаутаро Мартинез признава дека не бил импресиониран од изјавата на Килијан Мбапе околу споредбата на европскиот и јужноамерикански фудбал.
Пред Светското првенство во Катар во ноември, ѕвездата на ПСЖ изјави дека европските репрезентации имаат значителна предност пред јужноамериканските репрезентации.
„Аргентина нема одиграно мечеви со голем квалитет да стигне до Мундијалот. Во Јужна Америка фудбалот не е толку развиен како во Европа. Затоа на последните Светски првенства победуваат европските репрезентации“, изјави Мбапе.
Лаутаро не се согласува.
„Мнозинството од нашата репрезентација ја сочинуваат фудбалери од Европа и секогаш работиме на највисоко ниво. Задоволни сме од нашата работа. Видов што кажа Мбапе, но треба да сфати дека Аргентина и Бразил имаат големи фудбалери со неверојатен талент. Бразил, исто како нас, има многу фудбалери во Европа, така што коментарот не беше фер“, изјави Лаутаро.
Голманот на Астон вила и на аргентинската репрезентација, Емилијано Мартинез се согласува.
„Боливиј во Ла Паз, Еквадор со жештина од степени, Колумбија, каде што едвај се дише… Во Европа играат на совршени терени и немаат поим за Јужна Америка. Кога ние одиме на тренинг со репрезентацијата имаме два дена патување. Кога англиски фудбалер ои со репрезентацијата, тој е таму за половина час. Нека одат во Колумбија и Еквадор да видат колку е лесно“, коментираше Мартинез.
Спорт
Пелистер и МЗТ Скопје со предност во плејофот

Актуелниот шампион МЗТ Скопје стигна до 77:52 победа над ТФТ Скопје за водство во полуфиналната серија од плејофот, а во Битола, Пелистер со 93:84 го совладаа Еуро Никел за голема предност.
„Металците“ не дозволија ново изненадување како тоа што им го приредија ТФТ во финалето на Купот на Македонија, поведувајќи со 21:17 по првата четвртина, предност која ја оддржаа во текот на целиот меч. Немања Милошевиќ со 13 поени беше најефикасен за МЗТ, Дејвис имаше 12, додека кај ТФТ, Хортон имаше 13 поени. Вториот меч од полуфиналето е во недела.
Пелистер пак, имаше убедлива предност од над 20 поени разлика против минатогодишниот вицешампион, пред во второто полувреме гостите да ја вратат рамнотежата. Малешевиќ со 27 и Кесар со 24 беа најефикасни за Пелистер.
Фото: КФМ