Спорт
Георгина: Роналдо не е „сонценце“ кога ќе загуби

Партнерката на Кристијано Роналдо, Георгина Родригез во големото интервју за неделникот „Спортвик“ на „Ла газета дело спорт“ открива дека португалската ѕвезда на Јувентус не е пријатен кога ќе загуби на натпревар, и додава дека и било срам да вежба покрај него на почетокот на нивната врска.
Шпанката е со Роналдо од 2016 година и имаат ќерка заедно, Алана Мартина, а таа ги одгледува и другите три деца на ЦР7, Кристијано Јуниор и близнаците Матео и Ева Марија. Самата Родригез стана мегаѕвезда со низа спонзорски договори и ангажмани како модел и со 23.8 милиони следбеници на Инстаграм.
„Во Торино имаме куќа со градина, каде што се играат нашите деца. Не ни недостасува ништо, а на луѓето од Торино им се допаѓаме. Секако, не одиме на шопинг поради КОВИД-19, а пред неколку години успеавме да отидеме и во кино. Кристијано е супер татко и најдобар сопруг кој можам да го посакам. Кога нема добар меч, верувајте не е сонценце. Но, го познава фудбалот и знае дека некогаш губиш. Тој секогаш се критикува, но го сака тоа што го работи. Научив многу од него и секогаш ме мотивира, иако на почетокот ми беше срам да работам покрај него. Сепак, тој е Кристијано Роналдо. Но, потоа работите се сменија“, објаснува Родригез.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Пулишиќ промаши пенал – Нула во дербито Јувентус-Милан

Фудбалерите на Јувентус и Милан одиграа без голови во натпреварот од 6-то коло на Серија А.
Ова беше 245-та средба меѓу двата тима, која на крајот заврши со најнепопуларниот резултат. Милан петти меч по ред не успеа да постигне гол против Јувентус, последен пат росонерите, постигнаа гол против екипата од Торино во мај 2023 година.
Кристијан Пулишиќ не ја искористи најдобрата шанса на натпреварот, промаши пенал во 53-та минута.
Неколку минути пред пеналот на Пулишиќ, нјдобрата шанса за Јуве не ја искористи Гати, неговиот удар од пет метри брилијантно го одбрани Мењон.
Милан беше многу поблиску до победата, имаше повеќе шанси, беше поконкретен од ривалот кој, освен гореспоменатиот обид на Гати, не направи речиси ништо конкретно во нападот.
Спорт
(Видео) Пресврт на „Марадона“ – Наполи ја победи Џенова

Фудбалерите на Наполи ја победија Џенова со 2:1 во натпреварот од 6-то коло на Серија А.
Наполи успеа да ја оствари својата петта победа оваа сезона во Серија А, откако по пресврт ги победи гостите од Џенова.
Џенова поведе во 33-та минута преку Екатор. Напаѓачот на Џенова постигна спектакуларен гол со петица.
Во второто полувреме, Наполитанците ја обезбедија победата. Изедначи Самбо Ангиса во 57-та минута за израмнување и надеж дека Наполи може да ја продолжи трката со Рома.
Голот за победа го постигна Расмус Хојлунд во 75-та минута. Данецот игра како прероден во Наполи, каде дојде на позајмица од Манчестер Јунајтед. Во средата, со два гола му ја обезбеди победата на наполи над Спортинг во Лигата на шампионите.
Наполи со оваа победа се изедначи со Рома на челната позиција, двата тима имаат по 15 поени.
Foto/ EPA
Спорт
(Видео) Лесно му е на Сити кога го има Халанд

Фудбалерите на Манчестер Сити го победија Брентфорд со 1:0 во последниот натпревар од седмото коло од Премиер лигата.
„Граѓаните“ беа големи фаворити пред натпреварот, добро го отворија натпреварот, делуваа сигурно во првиот дел, но во вториот не направија буквално ништо пред голот на противникот. Сепа за тимот на Гвардиола најважна е победата.
Единствениот гол на натпреварот беше постигнат во деветтата минута, кога голманот на Брентфорд го совлада Ерлинг Халанд.
Сити го забележа четвртиот триумф во сезоната, сега се наоѓа на петтото место на табелата со 13 бода, три помалку од лидерот Арсенал.