Белгиската Про лига го одложи состанокот за ратификување на крајот на сезоната 2019/20 по заканите од УЕФА дека нема да има места во европските натпреварувања за лигите кои предвреме ќе се откажат од опцијата за продолжување на лигата.

Минатата недела, Про лигата објави дека сезоната се прекратува, а Клуб Бриж е шампион, а Васланд-Беверен испаѓа од лигата, но сега повторно ќе се разговара за крајот на сезоната на 24 април

Во официјалната објава минатиот четврток, лигата оцени дека е тешко веројатно дека ќе може да се организираат фудбалски мечеви пред крајот на јуни и дека тоа е преголем ризик за фудбалерите.

Клуб Бриж се лидери во шампионатот со 15 поени предвторопласираниот Гент на само еден меч пред крајот на регуларната лига со 16 клуба и стартот на плејофот во кој топ 6 клубовите одредуваат кој ќе биде шампион, а кој ќе игра во европските купови.

Преговорите за нов договор на Лео Меси со управата на Барселона траат долго, но сè уште нема потпис, што наведе одредени медиуми да се запрашаат дали Аргентинецот ќе ја продолжи кариерата на „Камп ноу“.

„Знаејќи ја храброста на Женг, сигурно ќе размисли за тоа. Договорот на Меси истекува во 2021, би било сјајно да дојде, Серија А би живнала, а Интер би имал повеќе надеж“, рече неодамна поранешниот прв човек на милански Интер, Масимо Морати.

Во аргентинската ТВ-станица ТНТ исто така се уверени дека Меси би можел да ја напушти Барса. Тие тврдат и дека преговорите со првиот човек на Интер и аргентинската суперѕвезда почнаа и Женг прави сè да го доведе Меси на „Меаца“.

„Лео има понуда и да се врати дома, во матичниот клуб. Сепак, Интер се обидува на сите начини да го доведе, наголемо работи на тоа. На крајот, тоа ќе биде сепак негова одлука“, пренесува ТНТ.

Меси целата кариера е дел од Барселона и со Каталонците освои сè што можеше да се освои.

Македонската фудбалска репрезентација останува на 68-та позиција на ФИФА ранг-листа објавена денеска. На истата позиција нашата селекција беше и минатиот месец.

За првпат откако ФИФА ја спроведува ранг-листата на фудбалските селекции во целиот свет се случува да има само една промена меѓу сите 210 земји од еден до друг месец.

Пандемијата на Ковид-19 го диктира распоредот на фудбалските селекции на светско ниво.

Откако опасниот коронавирус владее, одиграни се само 4 меѓународни натпревари. Селекцијата на Јужен Судан е единствената селекција која напредуваше на ранг-листата, па сега се на 168-та позиција.

И понатаму врвот и припаѓа на Белгија, пред Франција и Бразил.

Во најдобрата „десетка“ има место и за Англија, Уругвај, Хрватска, Португалија, Шпанија, Аргентина и Колумбија.
Противникот на Македонија во полуфиналниот бараж од Лигата на нации, селекцијата на Косово е на 115-та позиција.