Спорт
Јунајтед го исфрустрира Челси и однесе три поени од „Стемфорд бриџ“ (видео)
Манчестер јунајтед стигна до многу важна 2:0 победа на гостувањето кај Челси, за да се доближи на само четири поени од четвртото место на „сините“ во интересната борба за топ 4 (или топ 5) пласман во Премиер лигата. Ова исто така е и трета победа во меѓусебните дуели со Челси на „ѓаволите“ оваа сезона – по 4:0 триумфот на стартот на сезоната и 2:1 победата на гости во ФА купот.
Челси сигурно останаа исфрустрирани со ВАР системот, кој прво не му додели црвен картон на капитенот на Јунајтед, Хери Мегвајр за намерен фаул, а потоа во второто полувреме им поништи гол поради фаул.
И покрај подобрата игра во првото полувреме, Јунајтед замина на одмор со предност, откако Арон Ван-Бисака упати фантастично нафрлање, а Антони Марсијал ја прекина гол-сушата за предност на „ѓаволите“.
Челси во 55. минута сметаа дека го имаат израмнувачкиот гол, откако Курт Зума искористи еден „отпадок“ да го совлада Давид де Хеа, но ВАР одлучи дека Цезар Азпиликуета го фаулирал Вилијамс пред нафрлувањето. Јунајтед ја осигура победата во 66. минута, кога новото засилување Бруно Фернандеш упати прекрасен удар од корнер, а Мегвајр беше највисок во скокот и го совлада Вили Кабалјеро, кој повторно беше на местото на најскапиот голман на светот, Кепа Аризабалага. Ова е прв гол во Премиер лигата за новиот капитен на „ѓаволите“.
Сега, ситуацијата на табелата во Англија (барем за позициите од четвртото место надолу) е многу интересна. Челси остануваат четврти (41), Тотенхем се петти (40) пред Шефилд јунајтед (39) и Манчестер јунајтед (38), а блиску се и Вулверхемптон и Евертон (по 36 поени).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…
Спорт
Рома преговара за трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.
Спорт
Манчестер сити подготвува мега трансфер, мета е играч на Баерн
Манчестер сити, во летниот преоден рок ќе се обиде да го нагажира Џамал Мусиала (21), тврди „Гардијан“. Информацијата е пласирана во јавноста откако Реал Мадрид во четвртфиналето на Лигата на шампионите го исфрли тимот на Пеп Гвардиола, кој нема да може да ја одбрани титулата европски првак од минатата година.
Гвардиола сака дополнителни опции во редот за врска, а главна цел е еден од најголемите таленти во светот. Пред да пристигне во Баерн во 2019 година, Мусиала играше за германски СГ Барокштад Фулда-Ленерц, а потоа и за Саутемптон и Челзи во Англија.
За првиот тим дебитираше во 2020 година и досега има одиграно 161 натпревар, има постигнато 43 гола со 30 асистенции. Досега со Баерн осови 10 трофеи. Иако е роден во Штутгарт, има германско и англиско државјанство. Избра да игра за Германија, во чиј дрес досега одигра 27 натпревари и постигна два гола.
„Трансфермаркт“, веб-страницата која се занимава со проценка на вредноста на фудбалерите, наведува дека Мусиала вреди 110 милиони евра, што го прави еден од најскапите во светот, веднаш зад Фил Фоден и Букаја Сака (130 милиони евра), Винисиус Жуниор (150), Килијан Мбапе, Ерлинг Халанд и Џуд Белингем (180).
Сепак, Баерн нема намера да го пушти Мусијала, кој има договор до летото 2026 година.
За потсетување, најскап играч на Манчестер сити е Џек Грилиш, кој во 2021 година пристигна од Астон Вила за 117,5 милиони евра. Богатите арапски сопственици на Сити веројатно би морале да го соборат тој рекорд за Мусиала.