Спорт
Германија и Шкотска ќе го отворат Европското првенство
Помалку од 24 часа не делат од почетокот на Европското првенство во Германија, кое домаќините ќе го отворат против Шкотска. На континеталниот шампионат учестуваат 24 селекции, титулата освоена во 2021 година ја брани Италија.
Список на сите стадиони:
Берлин – Олимписки стадион, капацитет 74.461
Минхен – Фусбол Арена Минхен, капацитет 70.076
Дортмунд – БВБ Стадион Дортмунд, капацитет 65.849
Штутгарт – Штутгарт Арена, капацитет 54.906
Гелзенкирхен – Арена Ауф Шалке, капацитет 54.740
Франкфурт – Франкфурт Арена, капацитет 54.697
Хамбург – Фолкспарк стадион, капацитет 52.245
Дизелдорф – Дизелдорф Арена, капацитет 51.031
Келн, Стадион Келн, капацитет 49.827
Лајпциг – Стадион Лајпциг, капацитет 42.959
Група А
1. коло: петок, 14 јуни (Минхен) Германија – Шкотска; Сабота, 15 јуни (Келн) Унгарија – Швајцарија
2. коло: среда, 19 јуни (Келн) Шкотска – Швајцарија; Среда, 19 јуни (Штутгарт) Германија – Унгарија
3. коло: недела, 23 јуни (Франкфурт) Швајцарија – Германија; Недела, 23 јуни (Штутгарт) Шкотска – Унгарија
Група Б
1. коло: сабота, 15 јуни (Берлин) Шпанија – Хрватска; Сабота, 15 јуни (Дортмунд) Италија – Албанија
2. коло: среда, 19 јуни (Хамбург) Хрватска – Албанија; Четврток, 20 јуни во (Гелзенкирхен) Шпанија – Италија
3. коло: понеделник, 24 јуни (Лајпциг) Хрватска – Италија; Понеделник, 24 јуни (Дизелдорф) Албанија – Шпанија
Група Ц
1. коло: недела, 16 јуни (Гелзенкирхен) Србија – Англија; Недела, 16 јуни (Штутгарт) Словенија – Данска
2. коло: четврток, 20 јуни (Франкфурт) Данска – Англија; четврток, 20 јуни (Минхен) Словенија – Србија
3. коло: вторник, 25 јуни (Келн) Англија – Словенија; Вторник, 25 јуни (Минхен) Данска – Србија
Група Д
1. коло: недела, 16 јуни (Хамбург) Полска – Холандија; Понеделник, 17 јуни (Дизелдорф) Австрија – Франција
2. коло: петок, 21 јуни (Берлин) Полска-Австрија; Петок, 21 јуни (Лајпциг) Холандија – Франција
3. коло: вторник, 25 јуни (Берлин) Холандија – Австрија; Вторник, 25 јуни (Дортмунд) Франција – Полска
Група Е
1. коло: понеделник, 17 јуни во Франкфурт: Белгија – Словачка; Понеделник, 17 јуни во Минхен: Романија – Украина
2. коло: петок, 21 јуни во Дизелдорф: Словачка – Украина; Сабота, 22 јуни во Келн: Белгија – Романија
3. коло: среда, 26 јуни (Франкфурт) Словачка – Романија; Среда, 26 јуни (Штутгарт) Украина – Белгија
Група Ф
1. коло: вторник, 18 јуни (Дортмунд) Турција – Грузија; Вторник, 18 јуни (Лајпциг) Португалија – Чешка
2. коло: сабота, 22 јуни (Дортмунд) Турција – Португалија; Сабота, 22 јуни (Хамбург) Грузија – Чешка
3. коло: среда, 26 јуни (Гелзенкирхен) Грузија – Португалија; Среда, 26 јуни (Хамбург) Чешка – Турција
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рома рутински го победи Кремонезе
Фудбалерите на Рома го победија Кремонезе со 3:0 (0:0) во натпреварот од 26-то коло од италијанското првенство.
Со оваа победа, Рома стигна до третото место на табелата – прескокнувајќи го актуелниот шампион Наполи, кој претходно загуби од Аталанта.
Рома беше доминантна во текот на целиот натпревар, но отпорот на гостите го скрши во второто полувреме кога головите ги постигнаа Кристанте, Ндика и Пизили.
Foto/ EPA
Спорт
Затворени ЗОИ во Милано и Кортина – Норвешка најсуспешна нација
Зимските олимписки игри во Милано и Кортина беа затворени, со свечена церемонија во Верона.
Во согласност со Олимписката повелба, церемонијата на затворање ги комбинираше протоколарниот и културниот сегмент од програмата.
Ова се првите Олимписки игри чија церемонија на затворање се одржува за време на мандатот на претседателката на Меѓународниот олимписки комитет, Кирсти Ковентри.
Градот Верона беше избран за домаќин на церемонијата, иако таму не се одржаа натпревари. Намерно беше избрана локација што потсетува на атмосферата на античките Олимписки игри.
Античкиот римски амфитеатар во Верона, познат по својот летен оперски фестивал и бројни културни настани, ќе биде домаќин и на церемонијата на отворање на Параолимписките Зимски игри на 6 март 2026 година.

Претседателката на Меѓународниот олимписки комитет (МОК) Кирсти Ковентри ги прогласи Олимписките игри за затворени.
„Драги пријатели, со ова ги прогласувам Зимските олимписки игри во Милано и Кортина 2026 за затворени. Во согласност со традицијата, ги поканувам младите од светот, како сите вас тука вечерва, да се собереме по четири години во Француските Алпи за да ги прославиме заедно 26-те Зимски олимписки игри. Се гледаме во 2030 година“, рече Ковентри.
На Зимските олимписки игри во Милано Кортина 2026, се натпреваруваа околу 2.871 спортисти од 92 земји, во 116 олимписки дисциплини во 16 спортови, а Игрите траеја од 6 до 22 февруари 2026 година.

Норвешкиот скијач Јоханес Хосфлот Клебо стана првиот натпреварувач во историјата на Зимските олимписки игри што освои шест златни медали на едни Игри, надминувајќи го рекордот на Ерик Хајден поставен во 1980 година, за вкупно 11 олимписки златни медали во неговата кариера – што го прави еден од најголемите зимски натпреварувачи на сите времиња.
Норвешка е најуспешната нација со 40 медали, од нив 18 се златни, а по 11 сребрени и бронзени.
САД го поставија својот рекорд за најмногу златни медали на едни Олимписки игри, освојувајќи најмалку 11 златни медали, вклучувајќи историско злато во машки хокеј по 46 години.
Скијачкото планинарење го имаше своето деби на Игрите како нов олимписки спорт.
Игрите се одржаа во повеќе градови и локации низ северна Италија, што ги прави едни од најобемните ЗИО во историјата.
Учеството на жените достигна највисоко ниво досега, со околу 47% од спортистите меѓу сите учесници на Игрите.
Спорт
Басконија го освои Купот на Кралот
Кошаркарите на Басконија го освоија овогодинешниот Куп на Кралот, во големото финале на завршниот турнир во Валенсија го победија Реал Мадрид со 100.89.
По голема драма, Басконија, која е на самото дно во Евролигата, успеа да го победи „кралот“ и да го освои трофејот.
Реал имаше и двоцифрена предност, 40:30 во вториот дел, +8 во третиот и +7 на почетокот на четвртиот.
Сепак, Басконија на крилата на Тимоти Луваву, Трент Форест и конечно Маркус Хауард успеа да направи пресврт.
Луваву беше најефикасен со 28 поени, 23 постигна Омороји, додека Трент Форест се надоврза со дабл-дабл од 22 поени и 10 асистенции, со дури девет скока.
Во тимот на Реал, Андрес Фелиз и Марио Хезоња имаа по 15, Факундо Кампацо постигна 14, а Тео Маледон 12 поени.
Басконија стигна до седмиот трофеј во Купот на Кралот во својата историја.

