Спорт
Ги тргна од тронот, патеа 30 години, а сега им ја честита титулата
Легендарниот менаџер на Манчестер Јунајтед, Сер Алекс Фергусон, според многумина најдобриот фудбалски тренер на сите времиња, испрати честитка на својот голем ривал од Ливерпул – Кени Далглиш откако „црвените“ ја освоија Премиерлигата првпат по 30 години.
Фергусон своевремено рече дека „симнувањето на Ливерпул од тронот бил неговиот најголем успех со `ѓаволите`“.
Сепак, големиот Ферги уште еднаш покажа џентлменски манири и му упати честитка на сонародникот, Далглиш
„Ме контактираше, да ми честита. Тоа е таа стара генерација. Ферги во Јунајтед, Брајан Кид, Мајк Сумарби, сите тие стари луѓе кои биле во фудбалот како и ние, на крајот на сезоната секогаш испраќате писмо и му честитате на добро направената работа. Тоа продолжува. Тоа е голем комплимент, конкуренти сте и противници, но сте доволно великодушни да испратите писмо со честитка. Сите сме дел од истата игра, зарем не“ – рече Далглиш.
Ливерпул по 30 години чекање ја освои титулата во Англија, вкупно своја 19-та или прва откако постои Премиерлигата во тој формат.
Јунајтед има една повеќе од најголемиот ривал, а за тоа најзаслужен е токму Фергусон.
Далглиш како играч и како тренер на Ливерпул освои 8 титули, додека Фергусон како кормилар на Јунајтед 13-пати беше првак на Англија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.