Спорт
Гигс бил обожуван од милиони, но имал и темна страна
Денеска почна судскиот случај против легендарниот поранешен фудбалер на Манчестер јунајтед и поранешен селектор на Велс Рајан Гигс за напад на неговата поранешна девојка Кејт Гревил, и англиските таблоиди пренесуваат шокантни тврдења за еден од најдобрите велшки фудбалери во историјата.
48-годишниот Гигс според „Сан“, ја исфрлил Гревил од хотелот „Стафорд Лондон“ додека таа била гола поради расправија откако тој флертувал со други жени. Гигс исто така е обвинет дека ја нападнал 36-годишната Гревил и нејзината помлада сестра Ема во нивниот дом во Ворсли на 1 ноември 2020. Покрај ова, Гигс е обвинет дека ѝ се заканувал на својата поранешна девојка од август 2017 до ноември 2020.
„Тој беше идол на илјадници навивчи. На теренот неговите способности беа прекрасни. Надвор од теренот, неговиот приватен живот беше многу погрд и носеше темна страна, полна со насилство, психолошко и вистинско кон жената која велеше дека ја сака. Ова е приказна за контрола и принуда“, изјави обвинителот Питер Рајт.
Судењето започна во понеделникот и се очекуваа да трае најмалку 10 дена.
Ова не е првпат личниот живот на Гигс да биде предмет на англиските таблоиди, откако во 2011 се откри дека тој имал осумгодишна афера со Наташа Ливер, сопругата на неговиот брат Родри Гигс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.