Спорт
Ѓоковиќ-експрес во првиот вечерен меч во историјата на Ролан Гарос

Актуелниот шампион и светски број 1, Новак Ѓоковиќ ја имаше честа прв да игра во вечерен меч на Ролан Гарос, но тие кои ги платија скапите билети на „Филип Шартие“ на крајот не добија многу за парите, откако Србинот го декласираше Јапонецот Јошихито Нишиока во три лесни сета со 6:3/6:1/6:0.
Во првиот гренд слем меч по фијаското со депортирање од Австралија во јануари, Ѓоковиќ имаше „мака“ само во првиот сет, кој го освои за 51 минута, а паузата поради дождот и затворањето на покривот, како да го наполни со енергија за во вториот сет да му дозволи на 99-рангираниот противник само еден гем, и потоа лесно да го комплетира мечот.
Следен за Ѓоковиќ ќе биде подобриот од мечот помеѓу Словакот Алекс Молчан и Аргентинецот Федерико Корија, но потоа ждрепката станува далеку потешка за него – веќе во четврт-финалето би не чекало пресметка со 13-кратниот шампион од Париз, Рафа Надал, а во потенцијалното полуфинале би бил уште еден Шпанец, младиот талент Карлос Алкараз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Навивачите на Олимпија влетаа на презентацијата на новиот тренер Риера, го сакаат Просинечки

Бесните навивачи на Олимпија Љубљана не дозволија нивниот нов тренер, поранешниот шпански фудбалер Алберт Риера, да ја одржи првата прес-конференција лути на одлуката на клубот да го избрка Роберт Просинечки.
Популарните Greenn Dragons претходно присуствуваа на прес-конференцијата на поранешниот хрватски репрезентативец, кој ја обвини управата на клубот за скандалозно однесување.
„Можеа да кажат дека не знам да работам, но не и дека не сум чесен. Со поголеми лажговци и преваранти никогаш не сум работел, а сум работел со многумина. Апсурден е начинот на кој се води клубот, тоа не би го режирал ниту Алфред Хичкок“, изјави Просинечки по добирањето отказ по само три месеци, а од клубот објавија дека речиси секој ден останувал до 4 часот наутро пиејќи алкохол и играјќи карти.
😡 ¡¡¡LAMENTABLE!!!
😱 Los ultras del Olimpija Ljubiljana expulsan a Albert Riera en su presentación como nuevo entrenador del club
📻 #PartidazoCOPE pic.twitter.com/hbpNG2cO5Q
— El Partidazo de COPE (@partidazocope) July 4, 2022
Спорт
Русија го прати хокеарот што избегнуваше војска на Арктикот, Федерацијата бара објаснување

Руската хокеарска федерација официјално побара објаснување од властите во врска со ситуацијата во која се најде голманот Иван Федотов, кој беше приведен во петокот во Санкт Петербург со обвинение дека се обидува да избегне воена служба по објавувањето на руските медиуми дека тој е пратен на Арктикот.
„Руската хокеарска федерација ја следи ситуацијата со голманот на руската репрезентација Иван Федотов и неговиот воен рок. Федерацијата побара од владините служби да ги разјаснат околностите поврзани со случајот“, вели претседателот на Федерацијата, поранешниот трикратен олимписки шампион Владислав Третјак.
Според новинската агенција ТАСС, хокеарот се наоѓа во Северморск, во областа Мурманск, во арктичкиот регион, и дека може да биде пратен уште на север, на островот Нова Земја. Другите руски медиуми тврдат дека тој ќе остане во пристаништето Северморск до септември по што ќе биде одлучено каде ќе биде пратен.
Ситуацијата може да го чини Федотов НХЛ-кариера откако во мај тој потпиша договор со Филаделфија флаерс по крајот на договорот со ЦСКА Москва, со која ја освои титулата од Гагарин-купот во КХЛ-лигата и беше прогласен за најдобар голман. Федотов беше на голот на руската репрезентација, која освои сребро на Олимпијадата во Пекинг во февруари. Други руски медиуми шпекулираат дека проблемот е направен поради неговиот конфликт со ЦСКА Москва, спортскиот клуб што традиционално е поврзан со руската војска.
Во Русија воената служба е задолжителна за сите од 18 до 27 години.
Спорт
Доминантната Халеп во четврт-финалето на Вимблдон

Шампионката од Вимблдон од 2019 година, Симона Халеп, се пласира во четврт-финалето на гренд слемот доминирајќи против Шпанката Паула Бадоса со 6:1/6:2 за точно еден час покажувајќи дека е една од најсериозните кандидатки за титулата во Лондон.
Романката, која е 16. носителка на турнирот, се појави на централниот терен на Вимблдон првпат по освојувањето на титулата во 2019 година за да доминира против светската тенисерка број 4 од почетокот до крајот. Халеп направи пет брејка во текот на мечот погодувајќи 17 директни победнички топки и правејќи само 9 неизнудени грешки.
„Денеска не бев толку нервозна и беше прекрасно да се вратам на овој терен. Ми недостигаше Вимблдон. Три години се многу. Секогаш е задоволство да се игра тука“, изјави Халеп.
За место во полуфиналето, Халеп ќе се бори со 20. носителка, Американката Аманда Анисимова, која исто така лесно со 6:2/6:3 ја стопира низата од соништата на Французинката Хармони Тан.
Најнеизвесно беше во дуелот помеѓу Австралијката Ајла Томљановиќ и Французинката Ализе Корне, каде што Томљановиќ стигна до 4:6/6:4/6:3 победа за да обезбеди дуел со Казахстанката Елена Рибакова.