Спорт
Ѓоковиќ го „доби“ Рубљов само во кршење јајца, имаше „тотален“ колапс во Белград

На Велигден, светскиот рекет број 1, Новак Ѓоковиќ го добие необичното кршење со јајца пред стартот на финалето на домашниот Белград опен против Русинот Андреј Рубљов, но на крајот мораше да се помири со нов пораз, овојпат во три сета со 6:2/6:7(4)/6:0.
Наместо традиционалното фрлање паричка за да се утврди кој ќе сервира прв во мечот, организаторите на Србија опен, се решија во чест на православниот Велигден, Србинот и Русинот да се соочат прво со вапцани јајца. Тука Ѓоковиќ беше подобар, но на теренот, Рубљов ја потврди својата одлична форма.
Рубљов во првиот сет направи два брејка за да го освои по само 36 минути игра, по што следуваше битка за секој поен во вториот сет – Ѓоковиќ поведе со 2:0, па веднаш загуби брејк за да одиграат два маратонски гема и во тај-брејкот Србинот да победи со 7:4. Меѓутоа, во третиот сет, играта на Србинот колабираше, и Рубљов освои шест гема во низа за да ја освои својата трета титула во 2022 и 11. во кариерата.
Ѓоковиќ, пак, не успеа да ја одбрани титулата и играше крајно нестабилно на турнирот, откако трипати во претходните мечеви се враќаше од сет негатива, поставувајќи многу неодговорени прашања за неговата форма пред гренд слем турнирот на Ролан Гарос во Париз.
Unconventional coin toss. Knocking eggs ? in traditional Easter Orthodox ritual. #eastersunday #serbiaopen #djokovic #rublev pic.twitter.com/DNRTmSSH5B
— Rudi (@rudi_99) April 24, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Интер испадна од клускиот Мундијал

Фудбалерите на Флуминенсе направија изненадување победувајќи го фаворизираниот Интер со 2:0 и се пласираа во четвртфиналето на Светското клупско првенство.
Интер доживеа шок во четвртата минута кога Херман Кано со глава шутираше ниско во средината на голо и го совлада Јан Зомер.
Победата бразилскиот тим ја потврди во судиското надополнување, во 93.минута, стрелец беше Херкулес.
Спорт
Турците се задоволни од Монтела

Италијанскиот стручњак Винченцо Монтела ќе остане тренер на турските фудбалери до јули 2028 година, објави Фудбалската асоцијација на Турција (ФСТ).
Според ФСТ, Монтела (51) потпишал нов договор и се обврзал на нелојалност до крајот на Европското првенство во 2028 година.
Монтела седеше на клупата на Турција во 2023 година, а на претходното Европско првенство ја водеше екипата до четвртфиналето.
Турција го очекува почетокот на квалификациите за Светското првенство 2026 во септември.
Екипата на Монтела е во групата Е, во која се и Шпанија, Грузија и Бугарија. Победникот од групата ќе обезбеди директно место на Светското првенство, додека второпласираната селекција ќе оди во плејофот.
Спорт
Еванс ја заврши кариерата, доби интересна работа во Јунајтед

Џони Еванс ја заврши својата 20-годишна играчка кариера и се пресели од теренот во канцеларијата.
Долгогодишниот дефанзивец на Манчестер Јунајтед, но и на бројни други клубови (Лестер, Сандерленд, ВБА) ќе ги извршува своите должности во клубот од Олд Трафорд, а неговиот опис на работното место ќе вклучува работа со млади играчи.
Тој ќе соработува со директорот на клубот Џејсон Вилкокс и директорот на академијата за подобрување и развој на младите играчи. Неговиот фокус ќе биде испраќање играчи на позајмица.
Во два периода во Манчестер, Еванс одигра вкупно 241 натпревар за „Црвените ѓаволи“.
Учествуваше во освојувањето на Лигата на шампионите и три титули во Премиер лигата, сите под водство на Сер Алекс Фергусон.
За репрезентацијата на Северна Ирска одигра вкупно 107 натпревари.