Спорт
Ѓоковиќ го реши Дел Потро по 3 часа борба и закажа полуфинале во Рим

Новак Ѓоковиќ стигна до 16 победа во 20-тиот дуел против Хуан Мартин дел Потро на Мастерсот во Рим. Синоќа Србинот по тричасовна борба, со пресврт успеа да слави во четвртфиналето против Аргентинецот 2-1 (4-6 7-6 -6-4) за влез во полуфиналето на Мастерсот.
Интересно е да се спомене дека Дел Потро во вториот сет при тај-брејк имаше и две меч топки за да го елиминира моментно најдобриот светски тенисер на АТП листата, но српскиот тениски ас на воодушевување на публиката во Рим успеа да се спаси, да израмни на 1-1 и потоа во третиот сет со рутинирана игра да го совлада противникот.
Ѓоковиќ во борбата за финале ќе се судри со уште еден Аргентинец, Диего Шварцман кој во четвртфиналето беше подобар од Јапонецот Кеи Нишикори со 6-4 и 6-2.
Во другото полуфинале ќе игра Рафаел Надал против Гркот Стефанос Циципас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Кирјос во солзи го заврши настапот во Индијан Велс

Враќањето на Ник Кирјос на теренот во Индијан Велс беше краткотрајно и заврши во солзи. Австралискиот тенисер мораше да му го предаде мечот на Ботик ван де Зандшулп откако го загуби првиот сет со 6:7, а во вториот Холанѓанецот водеше со 3:0.
Кирјос мораше да го предаде мечот поради повреда на зглобот на десната рака. Со оваа повреда Австралиецот долго време се мачи и како што стојат работите поради хроничната болка ќе ја заврши кариерата.
Кирјиос, кого поради однесување на терените го нарекуваат „лошо момче“ на тенисот, го оперираше зглобот во септември 2023 година. Пред да му се врати на тенисот на почетокот на годината во Бризбејн, тој во последните две години одигра само еден меч.
Кога го предаде мечот Кирјос седна на клупата и почна да плаче.
Difficult scenes
An emotional @NickKyrgios is forced to retire 7-6 3-0 down to Van de Zandschulp due to wrist pain#TennisParadise pic.twitter.com/wWL9ESesIY
— Tennis TV (@TennisTV) March 7, 2025
„Проблемот не е во поразот. Мислам дека се работи за трудот што го вложив, а сè уште чувствувам непријатност во зглобот. Веројатно затоа и станав емотивен на крајот. Ова е еден од моите омилени турнири”, изјави Кирјиос.
Надобриот пласман на Кирјос на АТП листата беше 13. место, во моментов се наоѓа на 1.099. позиција.
Спорт
(Видео) Проблем за Олимпија Милано, се повреди Никола Миротиќ

Кошаркарот на Олимпија Милано, Никола Миротиќ заработи фрактура на опашката на натпреварот против Фенербахче во Евролигата.
Миротиќ мораше да го напушти теренот во третата четвртина поради силни болки откако доби удар кој го испрати на подот.
Најпрво изгледаше како проблем со ногата, но во официјалното соопштение на клубот беше појаснето дека тој доживеал удар во опашката. Клубот најави дека на Миротиќ во наредните часови ќе му бидат извршени дополнителни прегледи, а сериозноста на повредата останува нејасна.
Евентуалното подлго отсуство на Никола Миротиќ би преставувал тежок удар за Милано, кој е пред клучениот дел од сезоната.
Nikola Mirotic what the hell pic.twitter.com/xuBIc2AvfT
— İntihara Meyilli Nals (@nalsizm) March 6, 2025
Загрижувачка е и ситуацијата и со Фреди Гилеспи, кој исто така се повреди против Фенербахче, поради повреда на главата тој веднаш е хоспитализиран.
Тренерот Еторе Месина на прес-конференција изрази загриженост во врска со сериозноста на повредите на двајцата играчи.
Olimpia Milano's Freddie Gillespie left the court after an accidental blow to the head pic.twitter.com/Fbq8LAbE28
— Alessandro Luigi Maggi (@AlessandroMagg4) March 6, 2025
Спорт
Клоп не дозволил Лајпциг да го ангажира на Тен Хаг

Германските и англиските медиуми пишуваат дека поранешниот менаџер на Манчестер јунајтед, Ерик тен Хаг требало да ја преземе тренерската функција во Лајпциг.
„Скај Спортс“ објави дека, во клубот сериозно размислувале за ангажманот на 55-годишниот Холанѓанец во случај да го разрешат сегашниот тренер Марк Росе. Сепак, предлогот за назначување на Ерик Тен Хаг го блокирал од Јирген Клоп.
Како што е познато, поранешниот менаџер на Ливерпул од јануари работи како директор за фудбалски развој во Ред Бул, во чии состав е и Лајпциг.
Клоп и Тен Хег беа ривали како тренери седум пати, при што Германецот беше поуспешен со 3:2 победи (со две нерешени), а особено за паметење е рекордната победа на Ливерпул од 7:0 над Манчестер јунајтед на 5.март 2023 година.
Тен Хег имаше одлични резултати со Ајакс, со кого, меѓу другото, три пати беше холандски шампион, но доживеа фијаско како менаџер на Манчестер јунајтед, каде што доби отказ во октомври минатата година.