Спорт

Ѓоковиќ ја призна грешката: Не требаше заразен да давам интервју

Објавено пред

2 недели

- 12 јануари, 2022

Од

Новак Ѓоковиќ со објава на Твитер објасни што се случувало во декември, поточно од моментот кога добил позитивен ПЦР-тест. Ѓоковиќ се наоѓа во Мелбурн, каде што се подготвува за Австралија опен. Тој пет ден беше во имиграциски притвор бидејќи Владата на Австралија му ја одби визат за влез во државата.

Ѓоковиќ се најде на удар, бидејќи заразен давал интервју во Белград. Тврди дека морал да го направи тоа поради обврска кон „Екип“.

„Би сакал да се осврнам на дезинформациите за моите активности и настапи, во декември, кои претходеа на мојот позитивен ПЦР-резултат на тестирањето за ковид. Оваа дезинформација мора да биде исправена, во интерес на пошироката заинтересираност на заедницата за мојот престој во Австралија, бидејќи станува збор за работи кои досега беа многу штетни и загрижувачки за моето семејство“.

На 14 декември присуствував на кошаркарски натпревар во Белград, по што беше објавено дека голем број луѓе се позитивни на коронавирус. Иако немав никакви симптоми, на 16 декември направив брз антиген тест кој покажа дека сум негативен. Истиот ден направив официјален тест на ковид. Следниот ден присуствував на тениски настан во Белград за да им доделам награди на децата. Пред да одам на настанот направив нов брз тест. Тој беше негативен. Се чувствував добро, по тој настан бев информиран дека резултатот од ПЦР-тестот е позитивен.

Следниот ден, на 18 декември, бев во мојот тениски центар во Белград за да ги исполнам обврските кон „Екип“, дадов интервју и се фотографирав. Ги откажав сите други обврски освен тоа интервју. Се чувствував должен да го направам тоа. Не сакав да го изневерам новинарот. Сепак се грижев да држам соодветна дистанца и постојано носев маска освен кога ме фотографираа. Веднаш отидов дома да се изолирам за потребниот период. Сега кога ќе размислам, грешка беше што прифатив интервју, требаше да ја одложам таа обврска“, објави Ѓоковиќ на својот профил на Твитер.

STATEMENT BY NOVAK DJOKOVIC
12 January 2022https://t.co/qhreHUYlQ8
— Novak Djokovic (@DjokerNole) January 12, 2022

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Депај е подготвен да ја напушти Барселона

Претходно

Евролигата ја отвори 2022 со само три меча, Фенер го доби Олимпијакос

Спорт

Порто го одбија Тотенхем, ќе ја прифатат понудата од Ливерпул за Луис Дијаз

Објавено пред

1 час

- 28 јануари, 2022

Од

TopSport.mk

Тотенхем се на добра пат да станат најголемите лузери во зимскиот преоден рок. Откако, Барселона им го расипа веќе договорениот трансфер на Адам Траоре од Вулверхемптон, истото ќе им го направи и Ливерпул со напаѓачот на Порто, Луис Дијаз.

Портоа ја одби понудата од 45.000.000 евра за Колумбиецот, но како што стојат работите позитивно ќе одговорат на понудата од Ливерпул. „Црвените“, како што тврди новинарот на „Атлетик“, Дејвид Орнштајн, нудат 60.000.000 евра за Луис Дијаз.

Јирген Клоп, долго време го следи Колумбиецот, сметал дека тој може да биде идеална замена за едена од двете големи ѕвезди, Садио Мане и Мохамед Слах. Голема е веројатноста дека еден од овие двајца по завршувањето на сезоната ќе го напушти Ливерпул.

Според Орнштајн, Луис Дијаз со задоволство би се преселил на „Енфилд“. Сметал дека со Ливерпул полесно може да ги оствари амбициите него со Тотенхем.

Преодниот рок во Англија трае до понеделник.

Прикажи повеќе...

Спорт

Сигурни победи на Канада, САД и Мексико, Костарика го фати „последниот воз“

Објавено пред

2 часа

- 28 јануари, 2022

Од

TopSport.mk

Фаворизираните Канада, САД и Мексико забележаа победи во квалификациите за пласман на Светското првенство во Катар.

Во Северна и Централна Америка (КОНКАКАФ) нема многу дилеми околу конечниот пласман. Неизвесно е само кој ќе ја освои четвртата позиција.

Костарика успеа да ја намели предноста на Панама. До 12 бод во квалификациите Костарика дојде со победата над Панама со 1:0. Ветеранот Брајан Руис го постигна единствениот гол во 65.минута.

Канада е лидер на табелата. Првата позција ја потврди со победата во Хндурас 2:0. Канаѓаните досега само еднаш играле на СП, во Мексико во 1986 година.

САД, со голот на Робинсон го победија Ел Салвадор со 1:0, а Мексико со пресврт ја победија Јамајка со 2.1.

Табела: 1. Канада 19, 2. САД 18, 3. Мексико 17, 4. Панама 14, 5. Костарика 12, 6. Јамакја 7, 7. Ел Салвадор 6, 8. Хондурас 3.

Прикажи повеќе...

Спорт

Австралија опен: Титулата во мешани двојки за Младеновиќ и Додиг

Објавено пред

2 часа

- 28 јануари, 2022

Од

TopSport.mk

Кристина Младеновиќ и Иван Додиг ја освоија титулата на Австралија опен, во конкуренција на мешани двојки.

Француско-хрватската комбинација, во финалето славеа против австралиската комбинација Џејми Фурлис и Џејсон Кувлер.

Младеновиќ и Додиг за 77 минути, славеа со 2:0 (6/3, 6/4).

За Кристина Младеновиќ ова е четврта гренд-слем титула во микс дубл, вкупно осма во кариерата. Додиг во Мелбурн ја освои шестатта гренд-слем титула.

It's @KikiMladenovic's spin for us 🙌
Congratulations to Kristina Mladenovic and @DodigTennis on winning the mixed doubles title 🏆
👋 @WTA
🎥: @AustralianOpen | #AusOpen | #AO2022 pic.twitter.com/a0TGJkCorm
— ATP Tour (@atptour) January 28, 2022