Спорт
Ѓоковиќ: Ќе бидам тренер, нема знаењето во гроб да го носам
Новак Ѓоковиќ, вчера го освои мастерсот во Париз. Во драматично финале, тој го победи Данил Медведев со 2:1 (4/6, 6/3, 6/3). Ѓоковиќ ја освои рекордната 37.мастерс титула, а ден претходно, седми пат во кариерата, го обезбеди првото место на крајот од годината.
Што ќе прави по завршувањето на кариерата и дали може да замисли да му биде тренер на Медведев, кога рускиот тенисер ќе има 30 години?
„Кога би бил негов тренер не би имал многу работа. Тој е еден од најдобрите во светот, доколку го послужи здравјето ќе биде долги години во врвот. Лично, се гладам во тренерска улога. Го сакам овој спорт. Секако го сака, не само кога победувам. Го сакам кога го играм со моите деца, кога го гледам на телевизија или во живо и кога се обидувам искуството да им го пренесам на новите генерации во Тенискиот центар „Новак“. Се обидувам се она што го постигнав, низ се што поминав да им го пренесам на младите. Знаењето е клетва, ако не ги користиш. Мислам мене ми користи, но што потоа, во гроб да го носам и докажам „бев најдобар“, а никој да ги нема тие информации поврзани со мојата кариера. Логично е знаењето да му го пренесам на некој друг. Во иднина се гледам во различни улоги, зошто да не и како тренер“, рекол Ѓоковиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навреден од понудата за новиот договор Бензема стапи во штрајк
Карим Бензема стапи во штрајк, навреден од понудата што ја добил од Ал-Итихад за продолжување на договорот.
Договорот на Бензема истекува на крајот од сезоната 2025/26. Тој заработува неверојатни 1,61 милион фунти неделно, или повеќе од 230.000 фунти дневно, објави „Дејли Мејл“.
Според пишувањата на француските медиуми, и 38-годишниот Бензема и клубот сакале да ја продолжат соработката. Сепак, откако клубот му ја презентирал понудата во четвртокот, напаѓачот бил толку лут што решил да не игра против Ал Фатех (2:2).
Бензема почнал да тренира одвоено од остатокот од составот бидејќи смета дека првата понуда за продолжување на договорот била „навредлива“.
Добитникот на „Златната топка“ во 2022 година наводно го обвинил клубот дека го принудил да „игра бесплатно“ на почетокот на неговиот договор, профитирајќи исклучиво од неговите права на имиџот.
Иако Бензема има одлична индивидуална сезона со осум гола на 14 настапи, неговиот Ал-Итихад е шести на табелата на саудиската професионална лига. Се смета дека францускиот напаѓач ги разгледува своите опции да го напушти клубот и да се врати во Европа.
Бензема моментално е третиот најплатен фудбалер во светот со годишна плата од 85 милиони фунти. Лионел Меси заработува малку повеќе од него во Интер Мајами, 96,9 милиони фунти, додека двајцата се во сенка на Кристијано Роналдо, чија плата во Ал-Наср е неверојатни 194 милиони фунти годишно.
Foto/ depositphotos
Спорт
Лига Европа: Црвена звезда против Лил, Динамо оди во Генк
Познати се двојките во плеј-офот, за пласман во озминафиналето, во Лига Европа. На хартија дербито ќе го одиграат Фенербахче и Нотингем Форест. Регионалните великани, Црвена звезда и Динамо Загреб, во оваа фаза за прптивници ги добија Лил, односно Генк.
Плеј-офот во Лига Европа ќе се игра на 19.февруари (први натпревари) и 26.февруари (реванши).
Плеј-оф двојки:

Спорт
(Видео) Тежок пад на Линдзи Вон, трката веднаш прекината
Трката на Светскиот куп во спуст во Кран-Монтана во петокот, една недела пред почетокот на Зимските олимписки игри во Кортина и Милано, беше откажана по неколку падови, вклучувајќи го и оној на американската ѕвезда Линдзи Вон, објавија организаторите.
„Жирито и организаторите одлучија да ја прекинат трката“, соопштија организаторите на Светскиот куп во алпско скијање.
Одлуката ја донесоа откако три од шестте натпреварувачки, кои стартуваа, завршија во заштитната ограда.
Вон ја изгуби рамнотежата на почетокот од патеката и заврши во заштитната мрежа. Една од фаворитките за медал на претстојните Олимписки игри успеа да се врати на скиите, но болката во левата нога беше сепак посилна. Покрај Вин, трката не ја завршија Австријката Нина Ортлиб и Норвежанката Марте Монсен.
Wishing Lindsey Vonn a speedy recovery following her crash in Crans-Montana ❤️ pic.twitter.com/hZ6PcPVvW3
— TNT Sports (@tntsports) January 30, 2026
Ортлиб успеа да се откаже, додека Норвежанката Монсен имаше помалку среќа. Држејќи се за коленото откако беше ослободена од мрежата, Монсен беше врзана за носила и однесена со крваво лице.
Швајцарката Корин Сутер, Американката Жаклин Вајлс и Французинката Роман Мирадоли стигнаа до целта.
Foto/ depositphotos

