Спорт
Ѓоковиќ ќе може да игра на Вимблдон, забранет влез за руските и белоруските тенисери

Новак Ѓоковиќ ќе смее да ја брани титулата од Вимблдон, откако Ол Ингланд клубот потврди дека на учесниците на овогодишниот турнир нема да биде потребно да се покаже доказ за вакцинација против КОВИД-19.
По две хаотични години на најстариот гренд слем, во 2022 нема да има никакви рестрикции поради КОВИД-19, така што на 34-годишниот Ѓоковиќ, кој потврди дека нема план да се вакцинира, нема да му се повтори скандалот во Австралија, кога беше исфрлен од земјата по двонеделна сага. Србинот, кој е шесткратен шампион од Вимблдон, исто така ќе ја брани титулата од Ролан Гарос, откако и францускиот гренд слем се откажа од сите побарувања за вакцинација.
Вимблдон во 2020 беше откажан поради панемијата, додека минатата година имаше ограничувања за бројот на публиката до полуфиналето. Вимблдон 2022 се оддржува од 27 јуни до 10 јули.
Додека за Србинот ќе биде дозволен влез, на турнирот нема да може да учествуваат руските и белоруските тенисери и тенисерки, откако директорот на турнирот, Јан Хјуит потврди дека немале „избор“ при носењето на одлуката и дека се придржувале со препораката на британската влада за „намалување на руското влијание“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Чаби Алонсо не го сака Асенсио, тој нема намера да го напушти Реал

Чаби Алонсо беше исклучително авторитативен во своите барања откако го презеде Реал Мадрид ова лето.
Алонсо побара сериозни инвестиции од клубот во одбраната, што резултираше со доаѓањето на Трент Александар-Арнолд, Дин Хујсен и Алваро Карерас.
Според извештаите, клубот сè уште е на пазарот, се бара уште еден дефанзивец, со оглед на повредите и променливата форма на искусните играчи како Давид Алаба и Едер Милитао.
Во центарот на сите тие неизвесности, Раул Асенсио требаше да биде важна фигура во задната линија на Реал. Сепак, неговите неодамнешни натпревари во дресот на „кралскиот клуб“ значително влијаеја на неговиот статус, бидејќи Алонсо, според порталот „OK Diario“, ја изгубил довербата во младиот дефанзивец.
„ Асенсио нема никого да обвини освен себеси, бидејќи не го даде својот максимум на Светското клупско првенство и не го помина ригорозниот „тест“ на Алонсо, ставајќи ја неговата иднина во клубот во прашање“, пишува овој извор.
Постои голема неизвесност околу 22-годишникот, кој неодамна потпиша нов договор до 2031 година, откако блесна под водство на Карло Анчелоти минатата сезона.
Тој ги искористи повредите на своите поискусни соиграчи и влезе во првиот тим, имаше одлични игри. Сепак, неговите перформанси нагло паднаа во вториот дел од сезоната, а тоа беше особено очигледно на Светското клупско првенство.
Асенсио направи голема грешка во првиот натпревар против Ал Хилал, кога направи прекршок за пенал. Во вториот натпревар, против Пачука, доби црвен картон за непромислен старт.
Алонсо потоа го остави надвор од почетната постава до полуфиналето против ПСЖ, кога Хујсен беше отсутен.
Неговата слаба решителност и несигурните додавања од задната линија предизвикаа загриженост кај Алонсо, со оглед на тоа што тие елементи се клучни за стилот на игра што го форсира шпанскиот тренер.
Се вели дека Алонсо планира да користи формација со тројца во задната линија, но настапите на Асенсио не влеваат доволно доверба за да биде дел од тие планови.
Од друга страна, Асенсио е решен да се докаже во Реал Мадрид и ги отфрли понудите од клубови како Челзи, ПСЖ, Милан и Порто.
Спорт
Откриено е зошто Тадиќ не се пресели во Атлетико Мадрид

Српскиот фудбалер Душан Тадиќ неодамна беше на прагот да се пресели во Атлетико Мадрид, но договорот пропадна во последен момент.
Тадиќ пристигна во шпанската престолнина на завршните преговори, но договор не беше постигнат.
Според „Телеграф“, „јорганџиите“ во меѓувреме ја смениле својата понуда и му понудиле на Тадиќ помалку пари од договореното.
Атлетико ја намалил сумата која требала да му биде исплатена преку бонусите, во зависност од настапие, головите, асистенциите, освоените трофеи….
Откако не успеа да се договори со Тадиќ, Атлетико го ангажираше Тијаго Алмада од Ботафого, кој игра токму на позицијата на Душан, а цената на трансферот беше 21 милион евра.
Тадиќ го напушти Фенербахче на крајот од минатата сезона, Црвена звезда и Војводина се распрашуваа за него, но постојат големи шанси тој да ја продолжи кариерата во странство.
Спорт
Ливерпул подготвува рекорден трансфер

Фудбалскоот клуб Ливерпул подогтвил понуда за Александер Исак, со која ќе го сруши британскиот трансфер рекорд.
„Ливерпул е подготвен да понуди голема сума за Александар Исак откако ќе се заврши продажбата на Луис Дијаз. Исак е заинтересиран за трансфер и воопшто не преговара со клубови од Саудиска Арабија. Тој е фокусиран исклучиво на Ливерпул. Сега сè е насочено кон Њукасл, додека Ливерпул чека, но тој е подготвен да влезе во преговори со својата рекордна понуда“, пишува Фабрицио Романо.
Деталите за понудата што Ливерпул ќе ја испрати до Њукасл за Александар Исак ги откри ннсајдерот Саша Таволиери.
Според неговите информации, станува збор за фиксна сума од 120 милиони фунти (малку повеќе од 138 милиони евра), а на тоа се додаваат и можни бонуси.
Тоа би бил најскапиот трансфер во историјата на Ливерпул и Англија и трет најскап во историјата на фудбалот. Само ПСЖ плати повеќе за Нејмар (222 милиони) и Килијан Мбапе (180 милиони).
Фото/ Принтскрин