Селекторот на фудбалската репрезентација на Македонија, Игор Ангеловски по натпреварот со Австрија изјави дека репрезентацијата не успеала да се соземе по вториот примен гол.

„Не можам да не бидам горд на овие момци, тие се тие што го донесоа ова ЕП. На моменти функциониравме денеска добро, на моменти имавме и посед, контрола на мечот, но кога се кршеше резултатот, клучна беше шансата на Николов за 1-2, а клучен беше и вториот гол на Арнаутовиќ. Нема зошто да се разочараме, имаме уште два меча, а треба да се подготвиме да не ги направиме грешките од овој меч. Жал ми е за таа шанса на Николов“ – рече Ангеловски.

Ангеловски упати благодарност за макнавивачи кои во голем број дојдоа во Букурешт.

„Морам да изразам благодарност до навивачите, немам зборови за атмосферата која на направија и многу жалам што не им возвративме со позитивен резултат, но се надевам дека веќе на следниот меч ќе ги израдуваме“ – рече Ангеловски.

Фудбалската репрезентација на Македонија безмалку 80 минути имаше нерешен резултат во дуелот со Австрија, но во последните минути Австријците со 2 гола стигнаа до победата.

По мечот во Букуреш капитенотот на нашит национален тим, Горан Пандев рече дека жали затоа што фудбалерите не ги израдувале многубројните навивачи кои допатуваа во Букурешт.

„Како и за првпат, за прв натпревар на Европското првенство, за нас ова е едно големо искуство. Одигравме одлични 70 минути. Австрија физички е многу посилна од нас, имаат добра клупа, знаевме дека ако издржиме во првите 15 минути, можеме. Примивме еден несреќен втор гол, па натпреварот беше решен. Шансите не се загубени, треба добро да се одмориме. Не чека уште еден тежок натпревар против Украина, на кој мора да играме отворено и да одиме на победа затоа што нема што да загубиме. Најмногу ми е жал за луѓето кои дојдоа тука, им благодарам од срце. Ние го дадовме максимумот, се надевам дека ќе бидеме уште подобри“, изјави Пандев по мечот.

„Рисовите“ следниот меч на ЕП го играат во четврот против Украина.

Фудбалската селекција на Австрија со 3-1 ја совлада Македонија во првиот меч од групата Ц на Европското првенство.

Третиот гол во мрежата на Димитривски беше дело на нововлезениот Марко Арнаутовиќ кој веднаш по погодокот непримерно му се нафрли на нашиот играч – Езѓан Алиоски.

Не ја знаеме причината за кавгата, но гестикулациите на фудбалскиот ветеран направија грда слика во финишот на мечот.

И по крајот на дуелот двајцата фудбаери се обидоа да ги разјаснат недоразбирањата, но се чини дека не успеаја во тоа.